തക്കാളിയും നാരങ്ങയും ഉണ്ടെങ്കിൽ ഇനി മികച്ച ഫെയ്സ് ക്ലെൻസർ തപ്പി നടക്കേണ്ട

ചർമ്മത്തിലെ തുറന്നിരിക്കുന്ന സുഷിരങ്ങൾ ഏറെ ആശങ്കാജനകമാണ്. അവയിൽ അഴുക്കും അമിതമായ എണ്ണ മയവും ബാക്ടീരിയകളും തടഞ്ഞു നിൽക്കും. ഇത് ചർമ്മ രോഗങ്ങൾക്ക് കാരണമാകും. തിളക്കമുള്ള യുവത്വം തുളുമ്പുന്ന ചർമ്മം നേടാൻ ഈ ചർമ്മ സുഷിരങ്ങൾ വൃത്തിയാക്കാൻ സഹായകരമായ ക്ലെൻസറുകൾ ഉപയോഗിക്കേണ്ടതുണ്ട്. ചർമ്മത്തിന് യോജിച്ച മികച്ച ക്ലെൻസർ തപ്പി നടക്കേണ്ട കാര്യമില്ല. പ്രകൃതിദത്തമായ ചർമ്മ സംരക്ഷണ ഗുണങ്ങളുള്ള വസ്തുക്കൾ വീട്ടിൽ ലഭ്യമാണ്. 

മുൾട്ടാണി മിട്ടി റോസ്‌വാട്ടർ

രണ്ട് ടേബിൾസ്പൂൺ മുൾട്ടാണി മിട്ടിയിലേയ്ക്ക് ഒരു ടേബിൾസ്പൂൺ​ റോസ്‌വാട്ടർ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 15 മുതൽ 20 മിനിറ്റ് വരെ വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

മുട്ടയുടെ വെള്ള നാരങ്ങ നീര്

ഒരു മുട്ടയുടെ വെള്ള പ്രത്യേകം എടുക്കാം. അത് ഉടച്ചെടുക്കാം. ഇതിലേയ്ക്ക് ഒരു ടീസ്പൂൺ​ നാരങ്ങാ നീര് ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റ് കഴിഞ്ഞ് തണുത്ത വെള്ളത്തിൽ കഴുകി കളയാം. 

തക്കാളി പൾപ്പ്

നന്നായി പഴുത്ത ഒരു തക്കാളി തൊലി കളഞ്ഞ് അരച്ചെടുക്കാം. അത് നേരിട്ട് മുഖത്ത് പുരട്ടി 15 മിനിറ്റ് വിശ്രമിക്കാം. ശേഷ കഴുകി കളയാം. 

തേൻ നാരങ്ങ ഫെയ്സ്പാക്ക്

രണ്ട് ടേബിൾസ്പൂൺ തേനിലേയ്ക്ക് ഒരു ടീസ്പൂൺ നാരങ്ങ നീര് ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

കറ്റാർവാഴ വെള്ളരി

രണ്ട് ടേബിൾസ്പൂൺ കറ്റാർവാഴ ജെല്ലിലേയ്ക്ക് ഒരു ടേബിൾസ്പൂൺ വെള്ളരി ജ്യൂസ് ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം കഴുകി കളയാം. 

പപ്പായ തേൻ ഫെയ്സ്പാക്ക്

അര കപ്പ് പപ്പായ ഉടച്ചതിലേയ്ക്ക് ഒരു ടേബിൾസ്പൂൺ തേൻ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടാം. 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വെളിച്ചെണ്ണ കൈയ്യിലുണ്ടോ? 10 മിനിറ്റിൽ തയ്യാറാക്കാം സൺസ്ക്രീൻ
• വെയിലേറ്റ് വാടിയ ചർമ്മത്തിന് പരിഹാരം ഈ ഫെയ്സ്പാക്കുകൾ
• കൊഴിച്ചിൽ തടഞ്ഞ് ഭംഗിയുള്ള പുരികം നേടാൻ വിദ്യകൾ ഇതാ
• വെളിച്ചെണ്ണയും ഗ്ലിസറിനും ഇങ്ങനെ ഉപയോഗിച്ചു നോക്കൂ, ചുളിവുകളില്ലാത്ത ചർമ്മം നേടാം