കൊഴിച്ചിൽ തടഞ്ഞ് ഭംഗിയുള്ള പുരികം നേടാൻ വിദ്യകൾ ഇതാ

സൗന്ദര്യം എന്നതിൽ പുരികങ്ങളുടെ പ്രാധാന്യം വളരെ വലുതാണ്. മുഖത്തിൻ്റെ ആകൃതി തന്നെ മാറ്റാൻ പുരികത്തിന് കഴിയും. മുടി കൊഴിച്ചിൽ പോലെ തന്നെ പുരികത്തിലും കൊഴിച്ചിലും താരനും ഉണ്ടാകാറുണ്ട്. ഇത് നിങ്ങളുടെ സൗന്ദര്യ സങ്കൽപ്പങ്ങൾക്ക് വിപരീതമാണ് എന്ന് തോന്നിയിട്ടുണ്ടോ?. കട്ടിയുള്ള കറുത്ത പുരികങ്ങളാണോ ആഗ്രഹിക്കുന്നത്?, എങ്കിൽ വീട്ടിൽ തന്നെ പരീക്ഷിക്കാവുന്ന ചില വിദ്യകളുണ്ട്.

ആവണക്കെണ്ണ

ആവണക്കെണ്ണയിൽ റിസിനോലെയിക് ആസിഡ് അടങ്ങിയിട്ടുണ്ട്. ഇത് ഹെയർ ഫോളിക്കിളുകളിലേയ്ക്ക് കടന്നു ചെന്ന് പുരികം വളരാൻ സഹായിക്കും. കുറച്ച് ആവണക്കെണ്ണ വിരൽ ഉപയോഗിച്ച് പുരികത്തിൽ പുരട്ടാം. കൺപീലികളിലും ഇത് ഉപയോഗിക്കാം. കിടക്കുന്നതിനു മുമ്പ് പുരട്ടി രാവിലെ തണുത്ത വെള്ളത്തിൽ കഴുകി കളഞ്ഞാൽ മതിയാകും. 

വെളിച്ചെണ്ണ

വെളിച്ചെണ്ണയിൽ വിറ്റാമിനുകളും ഫാറ്റി ആസിഡുകളും അടങ്ങിയിട്ടുണ്ട്. ഇത് പുരികങ്ങൾ മോയ്സ്ച്യുറൈസ് ചെയ്തത് പുരികം കട്ടിയുള്ളതാക്കാൻ സഹായിക്കും. ബഡ്സ് ഉപയോഗിച്ച് വെളിച്ചെണ്ണ പുരികത്തിലും കൺപീലികളിലും ഉറങ്ങുന്നതിനു മുമ്പ് പുരട്ടാം. 

കറ്റാർവാഴ

കറ്റാർവാഴയുടെ ജെൽ പുരികത്തിലും കൺപീലികളിലും പുരട്ടാം. 15 മുതൽ 20 മിനിറ്റിനു ശേഷം കഴുകി കളയാം. 

വിറ്റാമിൻ ഇ എണ്ണ

രക്തയോട്ടം വർധിപ്പിച്ച് ഹെയർഫോളിക്കിളുകൾ പോഷിപ്പിക്കുന്നതിന് വിറ്റാമിൻ ഇ ഗുണകരമാണ്. ഇത് പുരികത്തിൽ പുരട്ടി മൃദുവായി മസാജ് ചെയ്യാം. 

ഗ്രീൻ ടീ

ഗ്രീൻ ടീയിൽ ഫ്ലേവനോയ്ഡുകളും ആന്റിഓക്‌സിഡന്റുകളും അടങ്ങിയിട്ടുണ്ട്, ഇത് മുടി വളർച്ചയെ ഉത്തേജിപ്പിക്കും. ഒരു കപ്പ് ഗ്രീൻ ടീ ഉണ്ടാക്കി തണുപ്പിച്ച ശേഷം ഒരു കോട്ടൺ ബോൾ ഉപയോഗിച്ച് പുരികത്തിൽ പുരട്ടാം. 

നാരങ്ങ തൊലി കൊണ്ടുള്ള എണ്ണ

വിറ്റാമിൻ സി, ആന്റിഓക്‌സിഡന്റുകൾ എന്നിവയാൽ സമ്പുഷ്ടമാണ് ഈ എണ്ണ. ഇത്  ഹെയർഫോളിക്കിളുകളെ  ശക്തിപ്പെടുത്താൻ സഹായിക്കുന്നു. വൃത്തിയുള്ള ഒരു പഞ്ഞിയുടെ സഹായത്തോടെ എണ്ണ പുരികത്തിൽ പുരട്ടാം. ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• വെളിച്ചെണ്ണയും ഗ്ലിസറിനും ഇങ്ങനെ ഉപയോഗിച്ചു നോക്കൂ, ചുളിവുകളില്ലാത്ത ചർമ്മം നേടാം
• താരൻ ആണോ പ്രശ്നം? വൈകിയിട്ടില്ല ഇന്ന് തന്നെ പരിചരണം തുടങ്ങാം
• ഔഷധ ഗുണങ്ങൾ ഏറെയുള്ള ഈ ഇലകൾ തലമുടിയഴകിന് ഉപയോഗിക്കാം
• ചൂടത്ത് ശരീരദുർഗന്ധം അലട്ടുന്നുണ്ടോ? ഇവ ഉപയോഗിച്ചു നോക്കൂ