വെയിലേറ്റ് വാടിയ ചർമ്മത്തിന് പരിഹാരം ഈ ഫെയ്സ്പാക്കുകൾ

സൂര്യപ്രകാശത്തിലെ അള്‍ട്രാവയലറ്റ് രശ്മികളാണ് ചര്‍മ്മത്തില്‍ കരുവാളിപ്പ് ഉണ്ടാക്കുന്നത്. ഇത്തരം സൺ ടാൻ അഥവാ കരുവാളിപ്പ് അകറ്റാന്‍ വീട്ടില്‍ തന്നെ ചെയ്യാവുന്ന ചില കാര്യങ്ങളുണ്ട്. അത്തരത്തിലൊന്നാണ് മഞ്ഞൾ കൊണ്ടുള്ള ഫേസ് പാക്കുകള്‍. കടുത്ത വേനലില്‍ സണ്‍ ടാന്‍ ആണ് പലരുടെയും പ്രശ്നം. മഞ്ഞൾ കൂടാതെ അത് നീക്കം ചെയ്യാൻ സഹായിക്കുന്ന മറ്റ് പല ചേരുവകളും പരിചയപ്പെടാം. 

കാപ്പിപ്പൊടി തൈര്

ഒരു ടീസ്പൂൺ കാപ്പിപ്പൊടിയിലേയ്ക്ക് തൈരും തേനും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

പപ്പായ മഞ്ഞൾപ്പൊടി

അര കപ്പ് പപ്പായിയിലേയ്ക്ക് തേനും ഒരു നുള്ള് മഞ്ഞൾപ്പൊടിയും ചേർത്തിളക്കി യോജിപ്പിക്കാം.​ ഇത് വൃത്തിയായി കഴുകിയ മുഖത്ത് പുരട്ടാം. 10 മിനിറ്റിനു ശേഷം കഴുകി കളയാം. 

കടലമാവ് തൈര്

ഒരു ടീസ്പൂൺ​ കടലമാവ് ബൗളിലേയ്ക്കെടുക്കാം. അതിലേയ്ക്ക് നാരങ്ങ നീരും തേനും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റിനു ശേഷം തണുത്ത വെള്ളത്തിൽ കഴുകാം. 

ഉരുളക്കിഴങ്ങ് തേൻ

ഒരു ടേബിൾസ്പൂ​ൺ ഉരുളക്കിഴങ്ങിലേയ്ക്ക് തേൻ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 10 മിനിറ്റിനു ശേഷം കഴുകി കളയാം. 

തക്കാളി തൈര്

തക്കാളി തൊലി കളഞ്ഞ് ഉടച്ചെടുക്കാം. അതിലേയ്ക്ക് തൈര് ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി ഉണങ്ങിയതിനു ശേഷം കഴുകി കളയാം.

കറ്റാർവാഴ ജെൽ

കറ്റാർവാഴ ജെല്ലിലേയ്ക്ക് മഞ്ഞൾപ്പൊടി അല്ലെങ്കിൽ തേൻ എന്നിവ ചേർക്കാം. ഈ മിശ്രിതം മുഖത്ത് പുരട്ടി 10 മിനിറ്റിനു ശേഷം കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കൊഴിച്ചിൽ തടഞ്ഞ് ഭംഗിയുള്ള പുരികം നേടാൻ വിദ്യകൾ ഇതാ
• വെളിച്ചെണ്ണയും ഗ്ലിസറിനും ഇങ്ങനെ ഉപയോഗിച്ചു നോക്കൂ, ചുളിവുകളില്ലാത്ത ചർമ്മം നേടാം
• താരൻ ആണോ പ്രശ്നം? വൈകിയിട്ടില്ല ഇന്ന് തന്നെ പരിചരണം തുടങ്ങാം
• ഔഷധ ഗുണങ്ങൾ ഏറെയുള്ള ഈ ഇലകൾ തലമുടിയഴകിന് ഉപയോഗിക്കാം