നരച്ച മുടി കറുപ്പിക്കാം, ഈ ഹെയർ ഡൈ വീട്ടിൽ തയ്യാറാക്കാം

പ്രായഭേദമന്യേ ഇപ്പോൾ പലരെയും അലട്ടുന്ന പ്രശ്നങ്ങളിലൊന്നാണ് മുടി നരക്കുന്നത്. നരച്ച മുടി കറുപ്പിക്കാൻ പലരും ഹെയർ ഡൈകളെയാണ് ആശ്രയിക്കാറുള്ളത്. ഹെയർ ഡൈകൾ വളരെ എളുപ്പത്തിൽ വീട്ടിൽ തയ്യാറാക്കാൻ സാധിക്കും. പ്രകൃതിദത്ത ചേരുവകൾ ഉപയോഗിച്ചുള്ള ഈ ഹെയർ ഡൈ മുടി കറുപ്പിക്കാൻ സഹായിക്കും. ഡോ.ദിവ്യ നായർ നരച്ച മുടി കറുപ്പിക്കാൻ വീട്ടിൽ തയ്യാറാക്കാവുന്ന ഒരു ഹെയർ ഡൈയെക്കുറിച്ച് യൂട്യൂബ് വീഡിയോയിൽ പറഞ്ഞിട്ടുണ്ട്. 

ചേരുവകൾ

• കറ്റാർവാഴ
• മൈലാഞ്ചി പൊടി- 2 ടേബിൾസ്പൂൺ
• കട്ടൻ ചായ അല്ലെങ്കിൽ കാപ്പി
• കരിംജീരകം പൊടിച്ചത്- 2 ടേബിൾസ്പൂൺ
• മാതള നാരങ്ങയുടെ തൊലി പൊടിച്ചത് ചേർത്ത് തിളപ്പിച്ച വെള്ളം

തയ്യാറാക്കുന്ന വിധം

കറ്റാർവാഴ ജെൽ, മൈലാഞ്ചി പൊടിച്ചത്, കട്ടൻ ചായ അല്ലെങ്കിൽ കാപ്പി, കരിംജീരകം പൊടിച്ചത്, മാതള നാരങ്ങയുടെ തൊലി പൊടിച്ചത് ചേർത്ത് തിളപ്പിച്ച വെള്ളം ഇവയെല്ലാം നന്നായി മിക്സ് ചെയ്ത് കുറുക്ക് രൂപത്തിലാക്കുക. അതിനുശേഷം ഇരുമ്പു ചട്ടിയിൽ ഒഴിച്ച് ഒരു രാത്രി മുഴുവൻ വയ്ക്കുക. അതിനുശേഷം ഫ്രിഡ്ജിൽ സൂക്ഷിക്കുക. ആവശ്യ സമയത്ത് പുറത്തെടുത്ത് തലയോട്ടിയിൽ തേച്ചുപിടിപ്പിക്കുക. കുറഞ്ഞത് 2 മണിക്കൂറിനുശേഷം താളിയോ കടല മാവോ ഉപയോഗിച്ച് കഴുകി കളയുക. 

Read More

• മുഖക്കുരുവിൽ നിന്നും മോചനമില്ലേ? ഇവയാകാം കാരണങ്ങൾ
• തലമുടിയുടെ ആരോഗ്യത്തിന് അവശ്യമായ വിറ്റാമിനുകൾ ഏതൊക്കെയെന്ന് അറിയാമോ?
• ഈ ഫെയ്സ്പാക്ക് ചർമ്മത്തിന് തിളക്കം നൽകുമോ?
• സായി പല്ലവിയുടെ സൗന്ദര്യ രഹസ്യം ഇതാണ്, വെളിപ്പെടുത്തി താരം
• കോട്ടൺ മുതൽ സിൽക്ക് വരെ, നയൻതാരയുടെ സാരി കളക്ഷനുകൾ