പൈജാമ പാർട്ടിയിൽ കരീന കപൂർ ധരിച്ചത് പ്രിന്റഡ് കഫ്താൻ, വില കേട്ട് അമ്പരന്ന് ആരാധകർ

സുഹൃത്തുക്കൾക്കായി മുംബൈയിലെ തന്റെ വസതിയിൽ പൈജാമ പാർട്ടി നടത്തിയിരിക്കുകയാണ് ബോളിവുഡ് നടി കരീന കപൂർ. തന്റെ സഹോദരിയായ കരിഷ്മ കപൂറും അടുത്ത സുഹൃത്തുക്കളായ അമൃത അറോറ, മലൈക അറോറ, മല്ലിക ഭട്ട് എന്നിവർ പാർട്ടിയിൽ പങ്കെടുത്തു. കരീനയുടെ അടുത്തിടെ റിലീസായ ചിത്രം ക്രൂവിന്റെ വിജയം ആഘോഷിക്കാനാണ് സുഹൃത്തുക്കൾ ഒത്തുകൂടിയത്. 

പാർട്ടിയിൽ പങ്കെടുക്കാനായി എല്ലാവരും കാഷ്വൽ വെയറിലാണ് എത്തിയത്. പക്ഷേ, കരീനയുടെ കഫ്താൻ ഫാഷൻ പ്രേമികളുടെ ശ്രദ്ധ നേടുന്നതായിരുന്നു. പ്രിന്റഡ് കഫ്താൻ മാക്സി ഡ്രസാണ് കരീന ധരിച്ചത്. കരീനയുടെ പക്കൽ കഫ്താൻ വസ്ത്രങ്ങളുടെ വലിയൊരു കളക്ഷൻ തന്നെയുണ്ട്. 

View this post on Instagram

A post shared by Karisma Kapoor (@therealkarismakapoor)

എമിലിയോ പുസി ഡിസൈനർ ലേബലിൽനിന്നുള്ളതാണ് കരീന ധരിച്ച ഈ കഫ്താൻ. 1,78,006 രൂപയാണ് (2,135 ഡോളർ) പ്രിന്റഡ് കഫ്താന്റെ വില. 

കരീന കപൂർ, കൃതി സനോൺ, തബു എന്നിവർ പ്രധാന വേഷത്തിലെത്തിയ ചിത്രമാണ് ക്രൂ. ബോക്സോഫിൽ ചിത്രം മികച്ച പ്രകടനത്തോടെ മുന്നേറുകയാണ്. മാര്‍ച്ച് 29ന് റിലീസ് ചെയ്ത ചിത്രം ഓപ്പണിങ് ദിനത്തില്‍ 20 കോടിയിലേറെയാണ് കളക്ഷന്‍ നേടിയതായാണ് റിപ്പോർട്ടുകൾ. കോഹിനൂര്‍ എന്ന എയര്‍ലൈന്‍സില്‍ ക്യാബിന്‍ ക്രൂ ആയി ജോലി ചെയ്യുന്ന മൂന്ന് സുഹൃത്തുക്കളുടെ കഥ പറയുന്ന ചിത്രമാണിത്.  

Read More

• സ്കൾപ്റ്റഡ് കോസ്മിക് ഗൗണിൽ ഗ്രീക്ക് ദേവതയെപ്പോൽ തമന്ന
• സ്ലീവ്‌ലെസ് ഗൗണിനൊപ്പം ആലിയ അണിഞ്ഞത് 20 കോടിയുടെ വജ്രാഭരണങ്ങള്‍
• തമന്നയുടെ ഡാർക്ക് ഗ്രീൻ ട്രികോൺ ഡ്രാപ്ഡ് സാരിയുടെ വില അറിയേണ്ടേ?
• 30 വർഷം പഴക്കമുള്ള സാരിയിൽ സ്റ്റൈലിഷായി ആലിയ ഭട്ട്