മുടി കൊഴിച്ചിലുണ്ടോ? എങ്കിൽ ഈ വിത്ത് വെള്ളത്തിൽ കുതിർത്ത് ഉപയോഗിക്കൂ

താരൻ, കൊഴിച്ചിൽ, തുടങ്ങി തലമുടിയെ ബാധിക്കുന്ന നിരവധി പ്രശ്നങ്ങളുണ്ട്. ഇവയെല്ലാം പ്രത്യേകം പരിഹരിക്കുക അസാധ്യമാണ്. എന്നാൽ എല്ലാ പ്രശ്നങ്ങൾക്കും ഒരു ഒറ്റമൂലി കിട്ടിയാലോ? 

അതാണ് ഉലുവ. ഏറെ പോഷക ഗുണങ്ങളുള്ള ഉലുവ വിത്ത് ഭക്ഷണം പാകം ചെയ്യാൻ മാത്രമല്ല മുടി പരിചരണത്തിനും ഉപയോഗിക്കാം. 

തലയോട്ടിയിലേയ്ക്കുള്ള രക്തയോട്ടം വർധിപ്പിക്കുകയും, ഫോളിക്കിളുകളെ പോഷിപ്പിച്ച് തലമുടി വളർച്ചയ്ക്ക് സഹായിക്കുന്നവയുമാണ് ഉലുവ. ഇതിൽ അടങ്ങിയിരിക്കുന്ന പ്രോട്ടീനുകൾ തലമുടി ഇഴകൾക്ക് കരുത്തു പകരുന്നു. കൂടാതെ മുടി കൊഴിച്ചിൽ കുറച്ച് പുതിയ കട്ടിയുള്ള മുടി വളരുന്നതിന് സഹായിക്കുന്നു.

അതിന് ദിവസവും രാത്രി ആവശ്യത്തിന് ഉലുവ വെള്ളത്തിൽ കുതിർത്തു വയ്ക്കാം. പിറ്റേ ദിവസം ആ വെള്ളം തലമുടി പരിചരണത്തിന് ഉപയോഗിക്കാം. 

Also Read: മൂന്ന് വെളുത്തുള്ളി അല്ലി മതി, അകാല നരയോട് വിട പറയാം

മസാജ് ചെയ്യാം

ഉലുവ കുതിർത്ത വെള്ളം ശിരോചർമ്മത്തിൽ മസാജ് ചെയ്ത് പുരട്ടാം. 30 മിനിറ്റിനു ശേഷം കഴുകി കളയാം. 

മുടി കഴുകാൻ

ഷാമ്പൂ ചെയ്തതിനു ശേഷം അവസാനം മുടി കഴുകാൻ ഉലുവ കുതിർത്ത വെള്ളം ഉപയോഗിക്കാം. 

നൈറ്റ് ഹെയർ മാസ്ക്

ഉലുവ വെള്ളം മുടിയിഴകളിലും ശിരോചർമ്മത്തിലും പുരട്ടി കിടക്കാം. രാവിലെ തണുത്ത വെള്ളത്തിൽ കഴുകി കളയാം.

എണ്ണയിൽ കലർത്താം

വെളിച്ചെണ്ണ അല്ലെങ്കിൽ ഒലിവ് എണ്ണയിൽ ഉലുവലവെള്ളം ചേർത്ത് മുടിയിൽ ഉപയോഗിക്കാം.

ഹെയർ സ്പ്രേ

ഉലുവ വെള്ളം ഒരു സ്പ്രേ ബോട്ടിലിലേയ്ക്കു മാറ്റി ആവശ്യാനുസരണം ഉപയോഗിക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കൂൾ ലുക്ക് നേടാം റോസ്‌വാട്ടർ ഇങ്ങനെ ഉപയോഗിക്കൂ
• തലമുടിയിൽ വെളുത്തുള്ളി എണ്ണ ഉപയോഗിക്കുന്നതിൻ്റെ ഗുണങ്ങൾ അറിയാമോ?
• അകാല നരയെ പേടിക്കേണ്ട ഇവ കൈയ്യിലുണ്ടെങ്കിൽ, ഇനി കെമിക്കൽ ഡൈ വേണ്ട
• ഒരു കപ്പ് ചെറുപയറിനൊപ്പം ഈ രണ്ട് ചേരുവകളും മതി, ഇനി തലമുടി ഇടതൂർന്ന് വളരും