രാവിലെ ഉണർന്ന ഉടൻ ഇത് കണ്ണിനു ചുറ്റും പുരട്ടൂ, കറുപ്പ് നിറവും ചുളിവുകളും അതിവേഗം മായിക്കാം

കണ്ണിനു ചുറ്റും കാണുന്ന കറുപ്പ് നിറവും വീക്കവും ചുളിവുകളും ഒരു സൗന്ദര്യ പ്രശ്നമാണ്. അവ നിങ്ങളുടെ മുഖത്തിന് ക്ഷീണം ഉള്ളതായി തോന്നിയേക്കാം. ഉറക്ക കുറവ്, സമ്മർദ്ദം, വാർധക്യം, തുടങ്ങി ഒട്ടനവധി കാര്യങ്ങൾ ഇതിനു പിന്നിലുണ്ട്. ഇത് പ്രതിരോധിക്കാൻ ഐ ക്രീമുകൾക്കു പകരം വീട്ടിൽ ചെയ്യാവുന്ന ചില പൊടിക്കൈകളും ഉണ്ട്. വീട്ടിൽ സുലഭമായ വസ്തുക്കൾ അതിനായി ഉപയോഗിക്കാം. 

Also Read: കുളിക്കുന്നതിനു മുമ്പ് ഈ എണ്ണ പൊക്കിളിൽ പുരട്ടൂ, മുഖക്കുരു പമ്പ കടക്കും

വെള്ളരി

വെള്ളരി കട്ടി കുറച്ച് വട്ടത്തിൽ അരിഞ്ഞെടുക്കാം. അത് കുറച്ചു സമയം ഫ്രിഡ്ജിൽ വച്ചു തണുപ്പിക്കാം. ഇത് 10 മുതൽ 15 മിനിറ്റിനു വരെ കണ്ണിനു മുകളിൽ വയ്ക്കാം. 

ഗ്രീൻ ടീ ബാഗ്

ചെറുചൂടുള്ള വെള്ളത്തിൽ ഗ്രീൻ ടീ ബാഗി മുക്കി വയ്ക്കാം. ശേഷം അത് ഫ്രിഡ്ജിൽ വച്ചു തണുപ്പിക്കാം. എഴുന്നേറ്റ ഉടൻ കുറച്ചു സമയം അത് കണ്ണിനു മുകളിൽ വയ്ക്കാം. 

കറ്റാർവാഴ ജെൽ

കിടക്കുന്നതിനു മുമ്പ്  കറ്റാർവാഴ ജെൽ കണ്ണിനു ചുറ്റും പുരട്ടാം. രാവിലെ ഉണർന്ന ഉടൻ തണുത്ത വെള്ളത്തിൽ കഴുകി കളയാം. 

Also Read: ഒരു സ്പൂൺ കാപ്പിപ്പൊടിയിലേയ്ക്ക് ഈ എണ്ണ ചേർത്തുപയോഗിക്കൂ, മുഖക്കുരുവിനൊപ്പം പാടുകളും മായിക്കാം

പാൽ

ചെറിയ ബൗളിൽ പാൽ ഫ്രിഡ്ജിൽ വയ്ക്കാം. അതിൽ പഞ്ഞി മുക്കി  കണ്ണിനു മുകളിൽ വയ്ക്കാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഉരുളക്കിഴങ്ങ്

ഉരുളക്കിഴങ്ങ് തൊലി കളഞ്ഞ് കട്ടി കുറച്ച് അരിയാം. ഇത് കണ്ണിനു മുകളിൽ വയ്ക്കാം. അല്ലെങ്കിൽ ഉരുളക്കിഴങ്ങ് അരച്ചെടുത്ത് അതിൻ്റെ നീരിൽ പഞ്ഞി മുക്കി 10 മിനിറ്റ് കണ്ണിനു മുകളിൽ വയ്ക്കാം. 

മുട്ടയുടെ വെള്ള

മുട്ടയുടെ വെള്ള പ്രത്യേകം എടുക്കാം. അത് നന്നായി ഉടച്ചെടുക്കാം. ഈ മിശ്രിതം കണ്ണിനു ചുറ്റും പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

Also Read: വെളിച്ചെണ്ണയും ഉപ്പും മതി, ബ്ലാക്ഹെഡ്സ് ഇനി ഒറ്റ ഉപയോഗത്തിൽ നീക്കം ചെയ്യും

വെള്ളം

കണ്ണിൻ്റെ ആരോഗ്യത്തിനും ചർമ്മ സംരക്ഷണത്തിനും ധാരാളം വെള്ളം കുടിക്കേണ്ടത് അത്യാവശ്യമാണ്. ഒപ്പം 7 മുതൽ 8 മണിക്കൂർ വരെ സുഖകരമായ ഉറക്കവും ഉറപ്പാക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഫെയ്സ് മാസ്ക് മുതൽ ബോഡി സ്ക്രബ് വരെ, ഒരു സ്പൂൺ കാപ്പിപ്പൊടി ഉണ്ടെങ്കിൽ ഇനി ചർമ്മ സംരക്ഷണം എളുപ്പമാകും