പോക്കറ്റ് കാലിയാക്കുന്ന സൺസ്ക്രീനുകൾ വേണ്ട, നെയ്യും കറ്റാർവാഴയും കൈയ്യിലുണ്ടെങ്കിൽ അത് വീട്ടിൽ തയ്യാറാക്കാം

ചർമ്മത്തിൽ ഉണ്ടാകുന്ന ടാൻ ഏവരേയും അലട്ടുന്ന ഒരു സൗന്ദര്യ പ്രശ്നമാണ്. മഴക്കാലമാണെങ്കിലും, നിങ്ങൾ വീടിനുള്ളിൽ ആണെങ്കിലും, പുറത്താണെങ്കിലും അൾട്രാ വയലറ്റ് രശ്മികൾ മൂലം ഉണ്ടാകുന്ന ആഘാതം വളരെ വലുതായിരിക്കും. അതിനാൽ സൺസ്ക്രീൻ ഉപയോഗിക്കേണ്ടത് അത്യന്താപേക്ഷിതമാണ്. യുവി രശ്മികളിൽ 80 ശതമാനവും മേഘത്തിനിടയിലൂടെ സഞ്ചരിക്കാൻ ശേഷിയുള്ളവയാണ്. ഇത് ചർമ്മത്തിൽ പതിക്കുകയും ചെയ്യും. 

എന്നാൽ മികച്ച സൺസ്ക്രീനിന് വിപണയിൽ വില അധികമായിരിക്കും. അത് വീട്ടിൽ തന്നെ തയ്യാറാക്കുന്നതായിരിക്കും ലാഭകരം. മാത്രമല്ല കെമിക്കൽ രഹിത ഉത്പന്നവും ഇതിലൂടെ ഉറപ്പാക്കാൻ സാധിക്കും. 

Also Read: കാപ്പിപ്പൊടിയും മഞ്ഞളും മുഖത്ത് പുരട്ടുന്നതിൻ്റെ ഗുണങ്ങൾ അറിയാമോ?

ചേരുവകൾ

• വെളിച്ചെണ്ണ- 1/2 കപ്പ്
• നെയ്യ്- 1/4 കപ്പ്
• കറ്റാർവാഴ- 2 ടേബിൾസ്പൂൺ
• സിങ്ക് ഓക്സൈഡ്- 2 ടേബിൾസ്പൂൺ
• ലാവൻഡർ ഓയിൽ

തയ്യാറാക്കുന്ന വിധം

ഒരു പാനിൽ അൽപം വെള്ളമെടുത്ത് തിളപ്പിക്കാം. രണ്ട് ചെറിയ ബൗളുകളിൽ വെളിച്ചെണ്ണയും നെയ്യും എടുത്ത് തിളച്ച വെള്ളത്തിൽ വച്ച് അലിയിക്കാം. ഇവ കറ്റാർവാഴ ജെല്ലിലേയ്ക്കു ചേർത്തിളക്കി യോജിപ്പിക്കാം. ഏതാനും തുള്ളി ലാവൻഡർ ഓയിലും ചേർക്കാം. രണ്ട് ടേബിൾസ്പൂൺ സിങ്ക് ഓക്സൈഡ് ചേർത്തിളക്കി യോജിപ്പിക്കാം. ഇത് ഒരു ചെറിയ കുപ്പിയിലേയ്ക്കു മാറ്റി തണുക്കാൻ വയ്ക്കാം. 

Also Read: തിളക്കമുള്ള ഗ്ലാസ് സ്കിൻ വേണോ? രാത്രി ഉറങ്ങാൻ കിടക്കുന്നതിനു മുമ്പ് ഇങ്ങനെ ചെയ്യൂ

ഉപയോഗിക്കേണ്ട വിധം

സിങ്ക് ഓക്സൈഡ് ചർമ്മത്തെ ഹാനികരമായ രശ്മികളിൽ നിന്നും സംരക്ഷിക്കും. 
കറ്റാർവാഴജെല്ലിന് ധാരാളം ആൻ്റി ഇൻഫ്ലമേറ്ററി സവിശേഷതകളുണ്ട്. ഇവ ടാനേൽക്കുന്നത് തടയും കൂടാതെ ചർമ്മത്തെ കൂടുതുൽ ഹൈഡ്രേറ്റിങായി നിർത്തും. 
നെയ്യും വെളിച്ചെണ്ണയും ചർമ്മത്തെ മോയ്സ്ച്യുറൈസ് ചെയ്യും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:

• കാപ്പിപ്പൊടിയും തേനും കൈയ്യിലുണ്ടോ? തമന്നയെപ്പോലെ തിളക്കമുള്ള ചർമ്മം സ്വന്തമാക്കാം
• ഉരുളക്കിഴങ്ങ് ഒരെണ്ണം മതി, ടാൻ മുതൽ മുഖക്കുരു വരെ അകറ്റാം
• ഇൻസ്റ്റൻ്റ് ഗ്ലോ നേടാം, തൈര് ചേർത്ത് ബ്ലീച്ച് തയ്യാറാക്കി ഉപയോഗിക്കൂ