ബ്ലാക്ക്ഹെഡ്സും വൈറ്റ്ഹെഡ്സും ഞൊടിയിടയിൽ അകറ്റാം, ഈ വിത്ത് ഒരു സ്പൂൺ മതി

ആയുർവേദ പ്രകാരം ജീരകത്തിൻ്റെ സുഗന്ധം മാത്രമല്ല പോഷക ഗുണങ്ങളും ആരോഗ്യത്തിന് ഏറെ ഗുണകരമാണ്. എന്നാൽ ആരോഗ്യത്തിന് മാത്രമല്ല ചർമ്മ സംരക്ഷണത്തിനും അത് വ്യത്യസ്ത തരത്തിൽ ഉപയോഗിക്കാം. സെൻസിറ്റീവ്, ചർമ്മമുള്ളവർക്ക് ജീരകം ചർമ്മത്തിന് ഫലപ്രദമാണ്. അതിനായി ജീരകം എങ്ങനെ ഉപയോഗിക്കാം എന്ന് പരിചയപ്പെടാം.

Also Read: ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം, ഈ രണ്ട് വിത്തുകൾ ചേർത്ത വെള്ളം ദിവസവും കുടിക്കൂ

ജീരകം ടോണർ

വെള്ളത്തിലേയ്ക്ക് ഒരു ടീസ്പൂൺ ജീരകം ചേർത്ത് 10 മുതൽ 15 മിനിറ്റ് വരെ കുതിർക്കാൻ മാറ്റി വയ്ക്കാം. ശേഷം ഇത് അരിച്ചെടുക്ക് ഒരു കുപ്പിയിലാക്കാം. ദിവസവും ഇത് ഒരു ടോണറായി ഉപയോഗിച്ചു നോക്കൂ, ദിവസങ്ങൾക്കുള്ളിൽ മാറ്റം അറിയാം. 

Also Read: വെളിച്ചെണ്ണയിലേയ്ക്ക് ഈ​ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ തിളക്കമുള്ള ചർമ്മം സ്വന്തമാക്കാം

തിളക്കമുള്ള ചർമ്മത്തിന്

ജീരകം ഉണക്കിപൊടിച്ചത് ഒരു ടീസ്പൂൺ എടുക്കാം. അതിലേയ്ക്ക് ഒരു ടീസ്പൂൺ നാരങ്ങാ നീരും ഒരു ടീസ്പൂൺ തൈരും ചേർത്തിളക്കി യോജിപ്പിക്കാം. ക്ലെൻസ് ചെയ്ത മുഖത്ത് ഈ മിശ്രിതം പുരട്ടി 10 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

മുഖക്കുരു അകറ്റാൻ

ഒരു ടീസ്പൂൺ ജീരകപ്പൊടിയിലേയ്ക്ക് കാൽ ടീസ്പൂൺ മഞ്ഞൾപ്പൊടിയും ഒരു ടീസ്പൂൺ തൈരും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

Also Read: ആരോഗ്യം മാത്രമല്ല തിളക്കമുള്ള യുവത്വം തുളുമ്പുന്ന ചർമ്മം നേടാൻ ദിവസവും ഇതിലൊന്ന് കുടിക്കൂ

പാടുകളും ചുളിവുകളും അകറ്റാൻ

ഒരു ടീസ്പൂൺ ജീരകപ്പൊടിയിലേയ്ക്ക് ഒരു ടീസ്പൂൺ ഒലിവ് എണ്ണയും ഒരു ട്സീപൂൺ തേനും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഇൻസ്റ്റൻ്റ് ഗ്ലോ നേടാൻ ഇനി ബ്ലീച്ച് വാങ്ങി സമയം കളയേണ്ട, കടലമാവ് ഇങ്ങനെ മുഖത്ത് പുരട്ടൂ