ആരോഗ്യം മാത്രമല്ല തിളക്കമുള്ള യുവത്വം തുളുമ്പുന്ന ചർമ്മം നേടാൻ ദിവസവും ഇതിലൊന്ന് കുടിക്കൂ

നിങ്ങളുടെ ചർമ്മ വരണ്ടതാണോ? അങ്ങനെ അല്ലെങ്കിൽ കൂടിയും ഈ തണുപ്പ് കാലത്ത് ചർമ്മത്തിൽ അസ്വസ്ഥതയും ചുവപ്പും തോന്നിയേക്കാം. അന്തരീക്ഷത്തിലെ ഈർപ്പം കുറയുമ്പോൾ അത് സ്വാഭാവിമാണ്. മോയ്സ്ചറൈസർ ഉപയോഗിക്കുന്നതും, ഉചിതമായ ഫെയ്സ് ഫാഷും ഒരു പരിധി വരെ ഇത് തടയാൻ സഹായിക്കും. എന്നാൽ അതിനുമപ്പുറം ശരീരത്തിലെ ജലാംശം നിലനിർത്തുക എന്നത് പ്രധാനമാണ്.

ജലാംശം ചർമ്മം തിളക്കമുള്ളതാക്കാൻ സഹായിക്കുന്നു. മാത്രമല്ല അകാല വാർധക്യത്തിൻ്റെ ലക്ഷണങ്ങളെ അത് തടഞ്ഞു നിർത്തുന്നു. അന്തരീക്ഷ മലിനീകരണത്തിൽ നിന്നും മറ്റ് സമ്മർദ്ദങ്ങളിലും നിന്നും ചർമ്മത്തിന് മികച്ച സംരക്ഷണം ലഭിക്കുന്നു. പോഷകങ്ങൾ അടങ്ങിയ ജ്യൂസുകൾ തിരഞ്ഞെടുക്കൂ. ചർമ്മ സംരക്ഷണത്തിന് കുടിക്കേണ്ട പ്രധാനപ്പെട്ട പാനീയങ്ങൾ ഏതൊക്കെ എന്ന് പരിചയപ്പെടാം. 

കരിക്കിൻ വെള്ളം

വിറ്റാമിൻ ബി2, വിറ്റാമിൻ ബി3, വിറ്റാമിൻ സി എന്നിങ്ങനെ ചർമ്മാരോഗ്യത്തിന് ഗുണപ്രദമായ പോഷകങ്ങൾ അതിൽ അടങ്ങിയിട്ടുണ്ട്. ജലാംശം നിലനിർത്തും എന്നതു മാത്രമല്ല ചർമ്മത്തിൻ്റെ ഇലാസ്തികത മെച്ചപ്പെടുത്തുകയും ചെയ്യും. 

Also Read: കടലമാവ് ഇങ്ങനെ മുഖത്ത് പുരട്ടൂ, ഇൻസ്റ്റൻ്റ് ഗ്ലോ നേടാൻ ഇനി ബ്ലീച്ച് വാങ്ങി സമയം കളയേണ്ട

ഒരു കപ്പ് വെള്ളം തിളപ്പിക്കുക. അതിലേക്ക് ഒരു നാരങ്ങയുടെ പകുതി പിഴിഞ്ഞൊഴിക്കാം. ഒപ്പം ഒരു ടീസ്പൂൺ തേനും ചേർക്കുക. ഇവ നന്നായി ഇളക്കി യോജിപ്പിച്ച് കുടിക്കൂ. 

നാരങ്ങയും തേനും

വിറ്റാമിൻ സിയുടെ മികച്ച ഉറവിടമാണ് നാരങ്ങ. അത് ഒരു ആൻ്റി ഓക്സിഡൻ്റാണ്. കൊളാജൻ ഉത്പാദനത്തിന് വിറ്റാമിൻ സി ഗുണകരമാണ്. അതിനൊപ്പം തേൻ കൂടി ചേരുമ്പോൾ ആൻ്റി മൈക്രോബിയൽ ഗുണങ്ങൾ വർധിക്കുന്നു. ഇത് ചർമ്മരോഗങ്ങൾക്ക് തടസം സൃഷ്ടിക്കുന്നു. 

ഒരു കപ്പ് വെള്ളം തിളപ്പിക്കുക. അതിലേക്ക് ഒരു നാരങ്ങയുടെ പകുതി പിഴിഞ്ഞൊഴിക്കാം. ഒപ്പം ഒരു ടീസ്പൂൺ തേനും ചേർക്കുക. ഇവ നന്നായി ഇളക്കി യോജിപ്പിച്ച് കുടിക്കാം. 

Also Read: വെളിച്ചെണ്ണയിലേയ്ക്ക് ഈ​ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ തിളക്കമുള്ള ചർമ്മം സ്വന്തമാക്കാം

കറുവാപ്പട്ട തേൻ ചായ

രക്തചംക്രമണം വർധിപ്പിച്ച് ചർമ്മത്തിലുണ്ടാകുന്ന അസ്വസ്ഥതകളും വരൾച്ചയും തടയുന്നു. 

ഒരു കപ്പ് വെള്ളത്തിലേക്ക് അര ടീസ്പൂൺ കറുവാപ്പട്ട പൊടിച്ചതു ചേർത്ത് അഞ്ച് മിനിറ്റ് തിളപ്പിക്കാം. അത് അരിച്ചെടുത്ത് ഒരു ടീസ്പൂൺ തേൻ ചേർത്ത് കുടിക്കാം.

Also Read: ഒരു സ്പൂൺ വെളിച്ചെണ്ണ ഉണ്ടെങ്കിൽ മികച്ച സൺസ്ക്രീൻ തിരഞ്ഞ് നടക്കേണ്ട, ഇങ്ങനെ ചെയ്തു സൂക്ഷിക്കാം

മഞ്ഞളും പാലും

ചർമ്മ പരിചരണത്തിന് വ്യാപകമായി ഉപയോഗിക്കുന്ന ചേരുവയാണ് പച്ചമഞ്ഞൾ. മഞ്ഞളിൻ്റെ ആൻ്റി ഇൻഫ്ലമേറ്ററി സവിശേഷതകൾ മുഖക്കുരു, പാടുകൾ, വരൾച്ച എന്നിവ തടയാൻ സഹായിക്കുന്നു. 

ഒരു കപ്പ് പാൽ തിളപ്പിക്കുക. അതിലേക്ക് അര ടീസ്പൂൺ പച്ചമഞ്ഞളും ഒരു നുള്ള് കുരുമുളകുപൊടിയും ചേർത്തിളക്കി കുടിക്കാം. 

ഉലുവ വെള്ളം

ശരീരത്തിലെ വിഷാംശങ്ങൾ നീക്കം ചെയ്ത് വീക്കം തടയുന്നതിന് ഉലുവ സഹായിക്കും. അകാല വാർധക്യത്തിൻ്റേതായ ലക്ഷണങ്ങളെ തടഞ്ഞു നിർത്താനുള്ള ശേഷിയും ഉലുവയ്ക്കുണ്ട്. 

ഒരു കപ്പ് വെള്ളത്തിൽ ഒരു ടീസ്പൂൺ ഉലുവ രാത്രി മുഴുവൻ കുതിർത്തു വയ്ക്കാം. രാവിലെ വെള്ളം അരിച്ച് കുടിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ആഴ്ചയിൽ ഒരു തവണ എങ്കിലും ഈ ക്രീം പുരട്ടൂ, ഇനി ടാൻ ഏൽക്കുമെന്ന പേടി വേണ്ട