ആഴ്ചയിൽ ഒരു തവണ എങ്കിലും ഈ ക്രീം പുരട്ടൂ, ഇനി ടാൻ ഏൽക്കുമെന്ന പേടി വേണ്ട

പലരെയും അലട്ടുന്ന പ്രശ്നങ്ങളിലൊന്നാണ് കൈകാലുകളിലെയും മുഖത്തെയും കരുവാളിപ്പ്. പലപ്പോഴും അമിതമായ സൂര്യപ്രകാശം കൊള്ളുന്നതാണ് സൺ ടാനിലേക്കു നയിക്കുന്നത്. കാലക്രമേണ  ചർമത്തിലെ സ്വാഭാവിക നിറം മങ്ങുകയും  ചെയ്യും.

സൺ ടാൻ വന്നാൽ പലരും നേരെ ബ്യൂട്ടിപാർലറിലേക്ക് ചെന്ന് കെമിക്കൽ ചികിത്സകളും ഫേഷ്യലുകളുമൊക്കെ പരീക്ഷിക്കുന്നതും കാണാം. എന്നാൽ പാർശ്വഫലങ്ങൾ അധികമില്ലാതെ, വീട്ടിൽ തന്നെ ലഭ്യമായ പ്രകൃതിദത്ത ചേരുവകൾ ഉപയോഗിച്ച് സൺടാൻ പ്രശ്നം എളുപ്പത്തിൽ പരിഹരിക്കാം. അതിന് ഒരുപാട് സമയം കളയേണ്ട പോക്കറ്റ് കാലിയാക്കുന്ന ചേരുവകൾ വാങ്ങികൂട്ടുകയും വേണ്ട. അടുക്കള സുലഭമായ ഏതാനും ചേരുവകൾ ഒരുമിച്ചു ചേർത്താൽ മതിയാകും. എല്ലാ ആഴ്ചയും ഒരു ദിവസമെങ്കിലും ഇത് ചർമ്മത്തിൽ പുരട്ടാൻ ശ്രദ്ധിക്കാം

Also Read: ഉരുളക്കിഴങ്ങ് കൈയ്യിലുണ്ടോ? കഴുത്തിനു ചുറ്റുമുള്ള കറുപ്പ് നിറം അകറ്റാൻ ഇതാ ഒരു പൊടിക്കൈ

ചേരുവകൾ

• കടലമാവ്
• തൈര്
• മഞ്ഞൾപ്പൊടി
• നാരങ്ങ
• പാൽ

Also Read: ഒരുപിടി അരി കൊണ്ട് ഫെയ്സ് സെറം വീട്ടിൽ തയ്യാറാക്കാം, ഇനി നിങ്ങൾക്കും ഗ്ലാസ് സ്കിൻ നേടാം

തയ്യാറാക്കുന്ന വിധം

ഒരു ചെറിയ ബൗളിലേയ്ക്ക് കടലമാവെടുക്കാം. അതിലേയ്ക്ക് തൈര്, നാരങ്ങയുടെ നീര്, പാൽ എന്നിവ ചേർത്തിളക്കി യോജിപ്പിക്കാം. ഈ മിശ്രിതം ചർമ്മത്തിൽ കരുവാളിപ്പുള്ള ഭാഗങ്ങളിൽ പുരട്ടാം. 20 മിനിറ്റിനു ശേഷം ഇത് നന്നായി ഉണങ്ങിയെന്ന് ഉറപ്പാക്കി തണുത്ത വെള്ളത്തിൽ കഴുകി കളയാം. 

Also Read: ഒരു ബദാം മതി, ദിവസങ്ങൾക്കുള്ളിൽ ഗ്ലാസ് സ്കിൻ സ്വന്തമാക്കാം

ഇക്കാര്യങ്ങൾ ശ്രദ്ധിക്കാം

ആദ്യമായി ഉപയോഗിക്കുമ്പോൾ കൈമുട്ടിലോ ചെവിയുടെ പുറകിലോ പുരട്ടി പാച്ച് ടെസ്റ്റ് ചെയ്യാൻ മറക്കരുത്. ഇതിലേ ചില ചേരുവകൾ അലർജിക്കു കാരണമായേക്കാം. അതിനാൽ നിങ്ങളുടെ ചർമ്മ സ്വഭാവം അനുസരിച്ച് ചേരുവകളിൽ മാറ്റം വരുത്താം.

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ടാൻ ആണോ പ്രശ്നം? സൺസ്ക്രീൻ ഇങ്ങനെ ഉപയോഗിക്കൂ