ഉരുളക്കിഴങ്ങ് കൈയ്യിലുണ്ടോ? കഴുത്തിനു ചുറ്റുമുള്ള കറുപ്പ് നിറം അകറ്റാൻ ഇതാ ഒരു പൊടിക്കൈ

കഴുത്തിനു ചുറ്റിലുമുള്ള കറുപ്പ് നിറം പലരിലും സാധാരണമായി കണ്ടുവരുന്നുണ്ട്. എക്സ്ഫോളിയേഷൻ കുറവ്, അമിതമായി സൂര്യപ്രകാശമേൽക്കുന്നത് അല്ലെങ്കിൽ ഹോർമോണുകളുടെ ഏറ്റക്കുറച്ചിലുകൾ തുടങ്ങി പല കാരണങ്ങൾ കൊണ്ട് ഇതുണ്ടാകാം. പൂർണമായും ഇത് ചികിത്സിച്ചു മാറ്റാൻ കഴിയും. 

Also Read: ദിവസവും രാവിലെ ഇതുപയോഗിച്ച് മുഖം കഴുകൂ, ഇനി ഫെയ്സ് വാഷ് വാങ്ങി പോക്കറ്റ് കാലിയാക്കേണ്ട

കഴുത്തിലെ കറുപ്പ് അകറ്റാൻ വീട്ടിൽ ചെയ്യാവുന്ന ചില പൊടിക്കൈകളുണ്ട്. ഇതിൽ ബേക്കിങ് സോഡ വളരെ ഫലപ്രദമാണെന്ന് തെളിയിക്കപ്പെട്ടിട്ടുണ്ട്. കഴുത്തിലെ കറുപ്പ് അകറ്റാൻ ബേക്കിങ് സോഡ ഉപയോഗിക്കുന്നതെങ്ങനെയെന്ന് നോക്കാം.

Also Read: ഒരു ബദാം മതി, ദിവസങ്ങൾക്കുള്ളിൽ ഗ്ലാസ് സ്കിൻ സ്വന്തമാക്കാം

ഓറഞ്ച് തൊലി, ബേക്കിങ് സോഡ സ്ക്രബ്

ഒരു ഓറഞ്ച് തൊലി എടുക്കാം. അതിൽ ബേക്കിങ് സോഡ വിതറിയശേഷം കുറച്ച് തുള്ളി നാരങ്ങ നീര് ചേർക്കുക. ഏതാനും മിനിറ്റ് കഴുത്തിലെ കറുപ്പുള്ള ഭാഗങ്ങളിൽ നന്നായി ഇതുപയോഗിച്ച് മൃദുവായി സ്ക്രബ് ചെയ്യാം. 15-20 മിനിറ്റുകൾക്കുശേഷം കഴുകി കളയാം. ഓറഞ്ച് തൊലി ഉണക്കി പൊടിച്ചതും ബേക്കിങ് സോഡയും നാരങ്ങ നീരും ചേർത്ത് തയ്യാറാക്കിയ പേസ്റ്റും ഉപയോഗിക്കാവുന്നതാണ്. ഈ പേസ്റ്റ് കറുപ്പുള്ള ഭാഗങ്ങളിൽ പുരട്ടാം. ഉണങ്ങിയശേഷം കഴുകി കളയാം.

കറ്റാർവാഴ ജെല്ലും ബേക്കിങ് സോഡും

കറ്റാർവാഴ ജെല്ലും ഒരു ടേബിൾസ്പൂൺ ബേക്കിങ് സോഡയും നന്നായി മിക്സ് ചെയ്യാം. ഈ മിശ്രിതം കറുപ്പുള്ള ഭാഗങ്ങളിൽ പുരട്ടുക. 30 മിനിറ്റിനുശേഷം കഴുകി കളയാം.

Also Read: ഇൻസ്റ്റൻ്റ് ഗ്ലോ ആണോ വേണ്ടത്? പാർലറിലേയ്ക്ക് ഓടേണ്ട, ഈ പൊടി മാത്രം മതി

ഉരുളക്കിഴങ്ങും ബേക്കിങ് സോഡയും

ഉരുളക്കിഴങ്ങ് തൊലി കളഞ്ഞശേഷം അരച്ചെടുക്കാം. ഇത് അരിച്ചെടുത്ത് കിട്ടുന്ന ജ്യൂസ് ഒരു പാത്രത്തിലേക്ക് മാറ്റാം. ഇതിലേക്ക് ഒരു ടേബിൾസ്പൂൺ ബേക്കിങ് സോഡ ചേർത്ത് പേസ്റ്റ് രൂപത്തിലാക്കാം. ഒരു കോട്ടൺ ബോൾ ഉപയോഗിച്ച് കറുപ്പുള്ള ഭാഗങ്ങളിൽ തേച്ചുപിടിപ്പിക്കാം. 10 മിനിറ്റിനുശേഷം കഴുകി കളയാം. 

മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ടാൻ ആണോ പ്രശ്നം? സൺസ്ക്രീൻ ഇങ്ങനെ ഉപയോഗിക്കൂ