നരച്ച മുടിക്കായി ഡൈകൾ വാങ്ങേണ്ട ഹെന്നയും ഉപയോഗിക്കേണ്ട, തേയിലപ്പൊടിയിലേയ്ക്ക് ഈ വിത്ത് ചേർത്തു പുരട്ടൂ

തലമുടിയുടെ നിറം നഷ്ടപ്പെടുന്നത് പല ആളുകളും നേരിടുന്ന പ്രശ്നമാണ്. 20കളിൽ തന്നെ മുടി നരച്ചു തുടങ്ങുന്നത് നിങ്ങളെ മാനസികമായ തന്നെ ബുദ്ധിമുട്ടിച്ചേക്കാം. ചെറുപ്പക്കാർ ഇത്തരം പ്രശ്നങ്ങൾ നേരിടുന്നത് ഡൈ ഉപയോഗിച്ചാണ്. അതിനായി പോക്കറ്റ് കാലിയാക്കുന്ന ബ്രാൻഡുകൾ തിരഞ്ഞു നടക്കേണ്ട. പകരം വീട്ടിൽ കെമിക്കൽ രഹിതമായ ഹെയർ ഡൈ വീട്ടിൽ തയ്യാറാക്കാം. ദിവസവും അടുക്കളയിൽ ഉപയോഗിക്കുന്ന തേയിലപ്പൊടി ഉണ്ടെങ്കിൽ ചായ തിളക്കുന്നതിനു മുമ്പേ ഡൈ തയ്യാറാക്കാം. 

Also Read: തലമുടിക്ക് മാത്രമല്ല ചർമ്മം തിളക്കമുള്ളതാക്കാനും തേയിലപ്പൊടി, ഇത്രമാത്രം ചെയ്താൽ മതി

ചേരുവകൾ

• കരിഞ്ചീരകം
• നെല്ലിക്കപ്പൊടി
• മൈലാഞ്ചിപ്പൊടി
• തേയില വെള്ളം

തയ്യാറാക്കുന്ന വിധം

അടി കട്ടിയുള്ള ഒരു പാത്രമോ ഇരുമ്പ് ചീനച്ചട്ടിയോ അടുപ്പിൽ വച്ച് കരിഞ്ചീരകം അതിൽ ചേർത്തു വറുക്കാം. ശേഷം ഇത് പൊടിച്ചെടുക്കാം. അതിലേയ്ക്ക് നെല്ലിക്കപ്പൊടിച്ചതും മൈലാഞ്ചിയില പൊടിച്ചതും ചേർക്കാം. കുറച്ച് തേയില വെള്ളം കൂടി ഒഴിച്ച് ഇത് ഇളക്കി യോജിപ്പിക്കാം. ശേഷം അരമണിക്കൂർ അത് അടച്ചു സൂക്ഷിക്കാം. 

Also Read: തിളക്കമുള്ള ചർമ്മം ഒറ്റ ഉപയോഗത്തിൽ സ്വന്തമാക്കാം, ദിവസവും രാവിലെ ഇത് പുരട്ടി നോക്കൂ

ഉപയോഗിക്കേണ്ട വിധം

ഒട്ടും എണ്ണ മയമില്ലാത്ത മുടിയിഴകളിൽ ഈ മിശ്രിതം പുരട്ടാം. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഇക്കാര്യങ്ങൾ ശ്രദ്ധിക്കാം

പാച്ച് ടെസ്റ്റ് ചെയ്ത് എന്തെങ്കിലും തരത്തിലുള്ള അലർജി ഇല്ലെന്ന് ഉറപ്പാക്കിയതിനു ശേഷം മാത്രം ഇത് സ്ഥിരമായി ഉപയോഗിക്കുക. എന്തെങ്കിലും തരത്തിലുള്ള ബുദ്ധിമുട്ടുകൾ അനുഭവപ്പെട്ടാൽ ഒരു ആരോഗ്യ വിദഗ്ധൻ്റെ  നിർദ്ദേശം തേടാൻ മടിക്കേണ്ട. 

Also Read: മുഖത്തെ ചുളിവുകളും നേർത്ത വരകളും കുറയ്ക്കാം, ഒരു സ്പൂൺ വെളിച്ചെണ്ണ മതി

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: മഞ്ഞൾപ്പൊടി കൈയ്യിലുണ്ടോ? എങ്കിൽ 30കളിലും ചർമ്മം തിളക്കമുള്ളതാക്കാൻ ഇതാ ഒരു പൊടിക്കൈ