ഷാമ്പൂ വാങ്ങി പോക്കറ്റ് കാലിയാക്കേണ്ട, ഇത് വീട്ടിൽ തയ്യാറാക്കിയാൽ മാസങ്ങളോളം ഉപയോഗിക്കാം

തലമുടി വൃത്തിയായി സൂക്ഷിക്കു എന്നത് വളരെ പ്രധാനമാണ്. മുടി കൊഴിച്ചിൽ, ചൊറിച്ചിൽ, അമിതമായ താരൻ, വീക്കം എന്നിവ കുറയ്ക്കാൻ ഇത് സഹായിക്കും. അതിനായി ആഴ്ചയിൽ ഒരിക്കലെങ്കിലും മുടിയിൽ ഷാമ്പൂവും കണ്ടീഷ്ണറും ഉപയോഗിക്കാം. 

വ്യത്യസ്ത ബ്രാൻഡുകളിൽ വിലകൂടിയ ഷാമ്പൂ വിപണിയിൽ ലഭ്യമാണ്. എന്നാൽ മണത്തിനും ഗുണത്തിനുമായി രാസവസ്തുക്കളും പാരബിനുകളും അതിൽ ചേർത്തിട്ടുണ്ടാകും. സ്ഥിരമായി ഉപയോഗിക്കുന്നതിലൂടെ ഇത് തലമുടിയുടെ ആരോഗ്യത്തെ ദോഷകരമായി ബാധിച്ചേക്കും. പകരം വീട്ടിൽ തന്നെ ജൈവ ഉത്പന്നങ്ങൾ തയ്യാറാക്കാൻ ശ്രമിച്ചു നോക്കൂ. 

ചേരുവകൾ

• സോപ്പ് നട്
• നെല്ലിക്ക

Also Read: സ്ഥിരമായി ഉപയോഗിക്കുന്ന കെമിക്കൽ ഉൽപന്നങ്ങൾക്കു പകരം ഈ 5 പ്രകൃതിദത്ത ചേരുവകൾ ശീലമാക്കൂ

തയ്യാറാക്കുന്ന വിധം

രണ്ട് ബൗളുകളിലായി സോപ് നടും, നെല്ലിക്കയും 24 മണിക്കൂർ കുതിർത്തു വയ്ക്കാം. ശേഷം ഇവ ഒരുമിച്ചു ചേർത്ത് അരച്ചെടുക്കാം.

ഉപയോഗിക്കേണ്ട വിധം

ശിരോചർമ്മത്തിലും മുടിയിലും ഈ മിശ്രിതം പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

ഗുണങ്ങൾ

• കെമിക്കലുകൾ അടങ്ങിയ ഡൈയും ഷാമ്പൂവും ഉപയോഗിക്കുന്നതിനു പകരം ഈ നാച്യുറൽ ഹെയർവാഷ് ശീലമാക്കുന്നതിൻ്റെ ഗുണങ്ങളെ കുറിച്ച് കോസ്മെറ്റോളജിസ്റ്റായ ഡോ. കരുണ മൽഹോത്ര വ്യക്തമാക്കുന്നുണ്ട്.
• കഠിനമായ ചേരുവകൾ ഇല്ലാതെ തന്നെ ശിരോചർമ്മത്തിലെയും മുടിയിഴകളിലെയും അഴുക്കുകൾ നീക്കം ചെയ്യാം. 
• നെല്ലിക്കയിൽ അടങ്ങിയിരിക്കുന്ന വിറ്റാമിൻ സി ആൻ്റി ഓക്സിഡൻ്റുകളാൽ സമ്പന്നമാണ്.
• സോപ് നട്ടിൽ അടങ്ങിയിരിക്കുന്ന സാപ്പോണിനുകൾ ചർമ്മ സുഷിരങ്ങളിലേയ്ക്ക് ആഴ്ന്നിറങ്ങി വൃത്തിയാക്കാൻ സഹായിക്കും. 

Also Read: ഒരു സ്പൂൺ തേയിലപ്പൊടി മതി, ഇനി പായ്ക്കറ്റ് ഡൈ വാങ്ങി പോക്കറ്റ് കാലിയാക്കേണ്ട

ശിരോചർമ്മത്തിലെ എണ്ണ മയം സന്തുലിതമാക്കാൻ സോപ്നട് സഹായിക്കും. 

പ്രകൃതിദത്തവും രാസവസ്തുക്കൾ ഇല്ലാത്തതുമായ ഉത്പന്നങ്ങൾ തലമുടി പരിചരണത്തിന് ഉപയോഗിക്കേണ്ടത് അത്യാവശ്യമാണ്. എന്നാൽ ഇവ അമിതമായി വരണ്ടു പോകുന്നതിന് കാരണമാകും. അതിനാൽ ഇതുപയോഗിച്ചതിനു ശേഷം കണ്ടീഷൻ ചെയ്യാൻ മറക്കരുത്. 

അകാല നര അകറ്റാൻ തടയാൻ ഇത് നേരിട്ട് സഹായിക്കില്ലെങ്കിലും സ്ഥിരമായി ഉപയോഗിക്കുന്നതിലൂടെ ശിരോചർമ്മത്തിൻ്റെ ആരോഗ്യം വീണ്ടെടുക്കാം എന്ന് ഡോ. മൽഹോത്ര പറയുന്നു. 

Also Read: മുടിയുടെ കട്ടി കുറഞ്ഞുപോകുന്നുണ്ടോ? ആഴ്ചയിൽ ഒരിക്കൽ ഇവ ശീലമാക്കൂ

ഇക്കാര്യങ്ങൾ ശ്രദ്ധിക്കാം

കട്ടി കുറഞ്ഞതാണെങ്കിലും ഇവ ആദ്യമായി ഉപയോഗിക്കുമ്പോൾ പാച്ച് ടെസ്റ്റ് ചെയ്യാൻ മറക്കരുത്. എന്തെങ്കിലും തരത്തിലുള്ള അസ്വസ്ഥതകൾ ഉണ്ടെങ്കിൽ ഡെർമറ്റോളജിൻസ്റ്റിൻ്റെ സഹായം തേടാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തലമുടി സ്മൂത്ത് ചെയ്യാൻ പാർലർ പോകേണ്ട, വെളിച്ചെണ്ണയിൽ ഇതൊരു സ്പൂൺ ചേർത്ത് മുടിയിൽ പുരട്ടൂ