ഡൈ ചെയ്ത് കാത്തിരിക്കേണ്ട, കട്ടക്കറുപ്പൻ മുടി നേടാൻ കുളിക്കുന്നതിനു മുമ്പ് ഇത് പുരട്ടൂ

കെമിക്കൽ കളറുകളുടെയും ഡൈകളുടെയും അമിത ഉപയോഗം മുടിയുടെ വേരുകളെ ദുർബലപ്പെടുത്തുകയും മുടി കൊഴിച്ചിൽ, താരൻ, ചർമ്മ അലർജികൾ തുടങ്ങിയ പ്രശ്നങ്ങൾക്ക് കാരണമാവുകയും ചെയ്യുന്നു. ഇത് മുടിയുടെ നിറം സ്വാഭാവികമായി സംരക്ഷിക്കും. ഏലയ്ക്കാപ്പൊടി, വെളിച്ചെണ്ണ, കറ്റാർ വാഴ എന്നീ മൂന്ന് പ്രകൃതിദത്ത ചേരുവകൾ ഉപയോഗിച്ച് നിങ്ങൾക്ക് വീട്ടിൽ തന്നെ ഫലപ്രദമായ പ്രകൃതിദത്ത ഹെയർ ഡൈ എങ്ങനെ ഉണ്ടാക്കാം എന്ന്  പരിചയപ്പെടാം.

Also Read: പട്ടു പോലെ തിളക്കമുള്ള തലമുടിക്ക് ചുവപ്പൻ ചെമ്പരത്തി കൊണ്ട് ഒരു ഒറ്റമൂലി

ചേരുവകൾ

• കയ്യോന്നിപ്പൊടി
• വെളിച്ചെണ്ണ
• കറ്റാർ വാഴ 

Also Read: കരുത്തുറ്റ മുടിയിഴകൾക്കുള്ള ഒറ്റമൂലി അടുക്കളയിലുണ്ട്, ഇങ്ങനെ ഉപയോഗിക്കൂ

തയ്യാറാക്കേണ്ട വിധം

• ഒരു ചെറിയ പാനിൽ കയ്യോന്നി ഉണക്കിപ്പൊടിച്ചതെടുക്കാം. 
• അതിലേയ്ക്ക് കുറച്ച് വെളിച്ചെണ്ണ ഒഴിച്ച് കുറഞ്ഞത് അഞ്ച് മുതൽ ഏഴ് മിനിറ്റ് വരെ തിളപ്പിക്കാം. 
• ശേഷം കറ്റാർവാഴയും നീര് ചേർത്ത് കട്ടിയാകുന്നതു വരെ ഇളക്കാം. 
• അടുപ്പണച്ച് ഇത് തണുക്കാൻ മാറ്റി വയ്ക്കാം. ഇത് വൃത്തിയുള്ള ഒരു കുപ്പിയിലാക്കി സൂക്ഷിച്ചാൽ ഏറെ നാൾ ഉപയോഗിക്കാം. 

Also Read: മുടി കൊഴിച്ചിലിന് മാത്രമല്ല അകാല നരയ്ക്കും ഈ ഒറ്റമൂലി മതി, ആഴ്ചയിൽ ഒരിക്കലെങ്കിലും ഉപയോഗിക്കൂ

ഉപയോഗിക്കേണ്ട വിധം

കുളിക്കുന്നതിനു മുമ്പ് തയ്യാറാക്കിയ മിശ്രിതം തലമുടിയുടെ അറ്റം മുതൽ പുരട്ടാം. 45 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് ഇത് കഴുകി കളയാം. ആഴ്ചയിൽ രണ്ട് തവണ ഇത് ഉപയോഗിക്കാം. 

ഗുണങ്ങൾ

കയ്യോന്നിപ്പൊടിയും, കറ്റാർവാഴയും തലമുടിയിൽ സ്വാഭാവികമായി മെലാനിൻ ഉത്പാദനത്തെ മെച്ചപ്പെടുത്തും. വെളിച്ചെണ്ണ ശിരോചർമ്മത്തിലെ ഈർപ്പം നിലനിർത്തും. ഒപ്പം തലമുടി മൃദുവും തിളക്കമുള്ളതുമാക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഒറ്റ ദിവസം കൊണ്ട് മുടി കറുപ്പിക്കാം, മൈലാഞ്ചി ഇല അരയ്ക്കുമ്പോൾ ഇതു കൂടി ചേർക്കൂ