ഒറ്റ ദിവസം കൊണ്ട് മുടി കറുപ്പിക്കാം, മൈലാഞ്ചി ഇല അരയ്ക്കുമ്പോൾ ഇതു കൂടി ചേർക്കൂ

മുടിയുടെ കരുത്ത് പോലെ തന്നെ നിറവും പ്രധാനമാണ്. എന്നാൽ ഹോർമോണൽ വ്യതിയാനം, ജീവിത ശൈലി, സമ്മർദ്ദം തുടങ്ങി ഒട്ടേറെ കാരണങ്ങൾ കൊണ്ട് വളരെ ചെറുപ്പത്തിൽ തന്നെ മുടി നരച്ചു തുടങ്ങിയേക്കാം. കെമിക്കൽ ഡൈ പോലെയുള്ളവ മുടിയുടെ സ്വാഭാവിക നിറത്തെ നഷ്ടപ്പെടുത്തും. സ്ഥിരമായി ഇത്തരം ഉത്പന്നങ്ങൾ ഉപയോഗിക്കുന്നതിലൂടെ ചിലരിൽ അലർജി പോലെയുള്ള പ്രശ്നങ്ങളും ഉണ്ടാകാറുണ്ട്.

Also Read: കെമിക്കലില്ലാതെ തലമുടിക്ക് കറുപ്പഴക് നൽകാം; തൈര് മാത്രം മതി

നര കുറച്ച് മുടിക്ക് നല്ല നിറവും കരുത്തും പകരാനുള്ള മാർഗങ്ങളാണ് തേടുന്നതെങ്കിൽ പ്രകൃതിദത്ത മാർഗങ്ങൾ സ്വീകരിക്കാം. അതിനാൽ മൈലാഞ്ചി പോലെയുള്ളവ കാലങ്ങളായി ഉപയോഗത്തിലുണ്ട്. മൈലാഞ്ചിയോടൊപ്പം മറ്റ് ചില ചേരുവകളും ഉപയോഗിച്ച് കെമിക്കൽ രഹിത ഡൈ സ്വയം തയ്യാറാക്കാം

ചേരുവകൾ

• ഉലുവ- 1സ്പൂൺ
• തേയിലപ്പൊടി- 1 സ്പൂൺ
• മൈലാഞ്ചി- ഒരു പിടി
• പച്ചകർപ്പൂരം- 1
• നെല്ലിക്കപ്പൊടി- ആവശ്യത്തിന്
• ആവണക്കെണ്ണ- 1 സ്പൂൺ

Also Read: മുടി കൊഴിച്ചിലിന് മാത്രമല്ല അകാല നരയ്ക്കും ഈ ഒറ്റമൂലി മതി, ആഴ്ചയിൽ ഒരിക്കലെങ്കിലും ഉപയോഗിക്കൂ

തയ്യാറാക്കുന്ന വിധം

• ഒരു പാനിൽ രണ്ട് ഗ്ലാസ് വെള്ളമെടുത്ത് തിളപ്പിക്കാം.
• ഇതിലേയ്ക്ക് ഒരു സ്പൂൺ ഉലുവ, ഒരു സ്പൂൺ തേയിലപ്പൊടി എന്നിവ ചേർത്ത് ഒരിക്കൽ
• കൂടി തിളപ്പിക്കാം.
• ഇതിലേയ്ക്ക് ഒരു പച്ചകർപ്പൂരം പൊടിച്ചിടാം.
• ശേഷം അടുപ്പണയ്ക്കാം.
• ഇരുമ്പ് ചീനച്ചട്ടി അടുപ്പിൽ വച്ച് നെല്ലിക്കപ്പൊടിയും, മൈലാഞ്ചി ഇല
• ഉണക്കിപ്പൊടിച്ചതും ചേർത്തു ചൂടാക്കാം.
• ഇതിലേയ്ക്ക് തിളപ്പിച്ചെടുത്ത വെള്ളം ഒഴിച്ചിളക്കാം.
• വെള്ളം വറ്റി കുറുകി വരുമ്പോൾ അടപ്പണയ്ക്കാം.
• ഇരുമ്പ് ചീനച്ചട്ടിയിൽ തന്നെ ഒരു രാത്രി ഇത് അടച്ചു സൂക്ഷിക്കാം.
• ശേഷം ഒരു സ്പൂൺ ആവണക്കെണ്ണ ഒഴിച്ചിളക്കിയെടുക്കാം. 

Also Read: കരുത്തുറ്റ മുടിയിഴകൾക്കുള്ള ഒറ്റമൂലി അടുക്കളയിലുണ്ട്, ഇങ്ങനെ ഉപയോഗിക്കൂ 

ഉപയോഗിക്കേണ്ട വിധം

എണ്ണ മയം അൽപം പോലും ഇല്ലാത്ത തലമുടിയിൽ വേണം ഈ ഡൈ ഉപയോഗിക്കാൻ. മുടി പല ഭാഗങ്ങളായി തിരിച്ച് ഡൈ മുടിയിഴകളിൽു പുരട്ടാം. 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. ഷാമ്പൂ ഉപയോഗിച്ച് മുടി കഴുകരുത്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: തലമുടി കട്ടക്കറുപ്പാക്കാൻ ഒരു സ്പൂൺ ഉലുവ ഇങ്ങനെ പുരട്ടൂ