തലമുടി കട്ടക്കറുപ്പാക്കാൻ ഒരു സ്പൂൺ ഉലുവ ഇങ്ങനെ പുരട്ടൂ

നരച്ച മുടി കണ്ടു തുടങ്ങിയാൽ പായ്ക്കറ്റ് ഹെയർ ഡൈകൾ വാങ്ങി ഉപയോഗിക്കുന്നതാണ് പതിവ്. എന്നാൽ അതിൽ അടങ്ങിയിരിക്കുന്ന കെമിക്കലുകൾ മുടിയുടെ ആരോഗ്യത്തിന് ഹാനികരമായി മാറാം. പകരം വീട്ടിൽ തയ്യാറാക്കാവുന്ന ഹെർബൽ ഡൈകൾ കണ്ടെത്താം.

കറിവേപ്പില ബാക്കി വന്നാലും അത് ഉണങ്ങിയാലും വെറുതെ കളയേണ്ട, ആള് നിസാരക്കാരനല്ല. ഔഷധ ഗുണങ്ങളുടെ കാര്യത്തിൽ കറിവേപ്പിലയുടെ തട്ട് എന്നും താണ് തന്നെയിരിക്കും. മീൻ വറുക്കാനും, കറിയുടെ രുചിയും മണവും വർധിപ്പിക്കാനും മാത്രമല്ല തലമുടിയുടെ ആരോഗ്യത്തിനും കറിവേപ്പില തന്നെ താരം.

Also Read: കെമിക്കലില്ലാതെ തലമുടിക്ക് കറുപ്പഴക് നൽകാം; തൈര് മാത്രം മതി

വിറ്റാമിൻ സി, വിറ്റാമിൻ ബി, പ്രോട്ടീനുകൾ, ആൻ്റിഓക്സിഡൻ്റുകൾ എന്നിവ അടങ്ങിയിരിക്കുന്ന കറിവേപ്പില തലയോട്ടിയിലേയ്ക്കുള്ള രക്തചംക്രമണം മെച്ചപ്പെടുത്തി പോഷിപ്പിക്കുന്നു. ഇത് മുടി അതിവേഗം വളരാൻ സഹായകരമാണ്.

മുടിക്ക് നിറവും കരുത്തും പകരുന്നതിന് കറിവേപ്പിലയോടൊപ്പം ഉലുവ കൂടി ചേർക്കാം. മുടിയുടെ വളർച്ചയെ ത്വരിതപ്പെടുത്തുന്ന ഗുണങ്ങൾ ഉലുവയിൽ ധാരാളമായി അടങ്ങിയിട്ടുണ്ട്. താരനെ പ്രതിരോധിക്കാനും ഉലുവ മികച്ചതാണ്.

ഉലുവയിലെ അമിനോ ആസിഡുകളാണ് തലമുടി വളര്‍ച്ചയ്ക്കു സഹായിക്കുന്നത്. കൂടാതെ മുടിയുടെ സ്വഭാവികമായ നിറം നിലനിർത്താനും ഇതി ഗുണകരമാണ്. കറിവേപ്പിലയും ഉലുവയും ഉപയോഗിക്കേണ്ട വിധം പരിചയപ്പെടാം.

Also Read: മുടി കൊഴിച്ചിലിന് മാത്രമല്ല അകാല നരയ്ക്കും ഈ ഒറ്റമൂലി മതി, ആഴ്ചയിൽ ഒരിക്കലെങ്കിലും ഉപയോഗിക്കൂ

ചേരുവകൾ

• ഉലുവ
• കറിവേപ്പില
• വെള്ളം

തയ്യാറാക്കുന്ന വിധം

ഉലുവ ഒരു ദിവസം വെള്ളത്തിൽ കുതിർത്തു വയ്ക്കാം. അതിലേയ്ക്ക് കറിവേപ്പില ചേർത്ത് നന്നായി അരച്ചെടുക്കാം.

Also Read: കരുത്തുറ്റ മുടിയിഴകൾക്കുള്ള ഒറ്റമൂലി അടുക്കളയിലുണ്ട്, ഇങ്ങനെ ഉപയോഗിക്കൂ

ഉപയോഗിക്കേണ്ട വിധം

മുടി പല ഭാഗങ്ങളായി തിരിക്കാം. ശേഷം അരച്ചെടുത്ത മിശ്രിതം തലയോട്ടിയിലും മുടിയിഴകളിലും പുരട്ടാം. 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പട്ടു പോലെ തിളക്കമുള്ള തലമുടിക്ക് ചുവപ്പൻ ചെമ്പരത്തി കൊണ്ട് ഒരു ഒറ്റമൂലി