പട്ടു പോലെ തിളക്കമുള്ള തലമുടിക്ക് ചുവപ്പൻ ചെമ്പരത്തി കൊണ്ട് ഒരു ഒറ്റമൂലി

പാർശ്വഫലങ്ങൾ​ ഇല്ലാതെ കേശ പരിപാലനം സാധ്യമാകുമെന്നതിനാലാണ് കൂടുതലായി പ്രകൃതിദത്ത പരിഹാരങ്ങൾ ആളുകൾ തിരഞ്ഞെടുക്കുന്നത്. അതുകൊണ്ട് തന്നെയാണ് ഹെയർ കെയർ ടിപ്പുകളും ഹാക്കുകളും നമ്മൾ സോഷ്യൽ മീഡിയയിൽ തിരയുന്നത്. എന്നാൽ ഇത്തരം നുറുങ്ങുകളിലൂടെ പല അമളികളിലും നമ്മൾ ചെന്നു പെടാറുമുണ്ട്. കൃത്യമായ പ്രകൃതിദത്ത ചേരുവകൾ ഉപയോഗിച്ചുള്ള കേശപരിപാലനം, വിവിധ പ്രശ്നങ്ങൾക്ക് പരിഹാരമാകുമെന്നാണ് പല വിദഗ്ധരും നിർദേശിക്കുന്നത്.  

Also Read: നരച്ച മുടി മറയ്ക്കാൻ പോക്കറ്റ് കാലിയാക്കാതെ മാജിക്; ഒരു തവണ ഇത് പുരട്ടി നോക്കൂ

മുടികൊഴിച്ചിൽ പരിഹരിക്കാനും മുടിവളരാനും സഹായിക്കുന്ന മികച്ച ഔഷധമാണ് ചെമ്പരത്തി. ഒരു കാലത്ത് ഷാമ്പൂവിനു പകരം തലമുടി കഴുകുന്നതിന് ഇതാണ് ഉപയോഗിച്ചിരുന്നത്. യാതൊരും പാർശ്വഫലങ്ങളും ഉണ്ടാകില്ല എന്നതിനാൽ ഈ മാസ്ക് ഇടയ്ക്ക് ഉപയോഗിച്ചു നോക്കൂ.

Also Read: വാക്സിംഗിൻ്റെ വേദന മറക്കാം, മുഖത്തെ രോമം കളയാൻ ഇതിലും എളുപ്പത്തിൽ മറ്റൊരു വിദ്യയില്ല

Also Read: മുടി കൊഴിച്ചിലിന് മാത്രമല്ല അകാല നരയ്ക്കും ഈ ഒറ്റമൂലി മതി, ആഴ്ചയിൽ ഒരിക്കലെങ്കിലും ഉപയോഗിക്കൂ

ചേരുവകൾ

• ചെമ്പരത്തി
• തൈര്
• വെളിച്ചെണ്ണ

തയ്യാറാക്കുന്ന വിധം

• ചെമ്പരത്തി പൂവിൻ്റെ ഇതളുകൾ വെള്ളത്തിൽ കുതിർത്തുവെയ്ക്കാം.
• ഒരു ബൗളിൽ രണ്ട് ടേബിൾസ്പൂൺ തൈര്, രണ്ട് ടേബിൾസ്പൂൺ  വെളിച്ചെണ്ണ എന്നിവയും, കുതിർത്തുവെച്ച ചമ്പരത്തി പൂവും ചേർത്ത് അരച്ചെടുക്കാം.
• മുടിയിഴകളിൽ ഇത് പുരട്ടാം. അര മണിക്കൂറിനു ശേഷം ഷാമ്പൂ ഉപയോഗിച്ച് കഴുകി കളയാം. മുടിയിൽ കണ്ടീഷ്ണർ പുരട്ടാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കരുത്തുറ്റ മുടിയിഴകൾക്കുള്ള ഒറ്റമൂലി അടുക്കളയിലുണ്ട്, ഇങ്ങനെ ഉപയോഗിക്കൂ