ആഴ്ചയിൽ ഒരു തവണ ഇത് പുരട്ടൂ, ഒറ്റ നര പോലും ഇല്ലാതെ തലമുടി കട്ട കറുപ്പാക്കാം

മുടി നരച്ചു നരച്ചു തുടങ്ങിയാൽ ഡൈ ചെയ്യുക എന്നതാണ് ആദ്യം മനസിലേയ്ക്കു വരുന്ന ഓപ്ഷൻ. എന്നാൽ എത്ര തവണ ഡൈ ചെയ്യുന്നുവോ അത്രത്തോളം കെമിക്കലുകളും നിങ്ങളുടെ മുടി ആഗിരണം ചെയ്യുന്നുണ്ട്. പായ്ക്കറ്റ് ഡൈകളിൽ ദീർഘനാളത്തേയ്ക്ക് മുടിയിൽ നിറം നിൽക്കുന്നതിനായി ധാരാളം രാസവസ്തുക്കൾ ചേർത്തിട്ടുണ്ടാകും. 

Also Read: ഒരു സ്പൂൺ വെളിച്ചെണ്ണയിൽ ഇത് ഒഴിച്ചു പുരട്ടൂ, പട്ടുപോലുള്ള തലമുടി സ്വന്തമാക്കാം

എന്നാൽ ഇവ ഒഴിവാക്കി കൊണ്ട് തലമുടിയുടെ പ്രകൃതം അനുസരിച്ച് ഹെയർ ഡൈ വീട്ടിൽ തന്നെ തയ്യാറാക്കി ഉപോഗിക്കാവുന്നതേയുള്ളൂ. അതിന് ആവശ്യമായ ചേരുവകൾ നിങ്ങൾക്ക് ചുറ്റും തന്നെയുണ്ട്. 

അതിൽ തന്നെ ഏറ്റവും അധികം തലമുടിക്ക് അനുഗുണമായത് നെല്ലിക്കയാണ്. നെല്ലിക്കയും കറിവേപ്പിലയും ഉപയോഗിച്ച് ഒരു ഹെർബൽ ഹെയർ ഡൈ വീട്ടിൽ തയ്യാറാക്കാം. 

ചേരുവകൾ

• നെല്ലിക്ക
• കറിവേപ്പില
• തേയിലപ്പൊടി
• ഉലുവ

Also Read: ഡൈ വാങ്ങാൻ കടയിൽ പോകേണ്ട, തലമുടി കറുപ്പിക്കാൻ കഞ്ഞിവെള്ളം കൊണ്ട് ഇതാ ഒരു രഹസ്യക്കൂട്ട്

തയ്യാറാക്കുന്ന വിധം

• ഒരു സോസ് പാൻ അടുപ്പിൽ വച്ചു ചൂടാക്കാം അതിലേയ്ക്ക് തേയിപ്പൊടി ചേർക്കാം.
• ഒരു സ്പൂൺ ഉലുവ കൂടി ചേർത്ത് നന്നായി തിളപ്പിക്കാം.
• ശേഷം അടുപ്പണച്ച് അത് തണുക്കാൻ മാറ്റി വയ്ക്കാം.
• നെല്ലിക്ക കുരുകളഞ്ഞ് ചെറിയ കഷ്ണങ്ങളാക്കാം. അതിലേയ്ക്ക്​ ഒരു പിടി കറിവേപ്പില ചേർത്ത് അരച്ചെടുക്കാം.
• ഇടയ്ക്ക് തിളപ്പിച്ച തേയില വെള്ളം കൂടി ചേർക്കാം.
• അരച്ചെടുത്ത മിശ്രിതം അരിച്ച് ജ്യൂസ് പ്രത്യേകമെടുക്കാം.
• ഒരു ഇരുമ്പ് ചീനച്ചട്ടി അടുപ്പിൽ വയ്ക്കാം. അതിലേയ്ക്ക് തയ്യാറാക്കിയ മിശ്രിതം ഒഴിച്ചു തിളപ്പിക്കാം.
• നന്നായി തിളച്ച് കുറുകി വരുന്നതു വരെ ഇളക്കി കൊടുക്കാം. ശേഷം അടുപ്പണയ്ക്കാം. ഇത് ഒരു ദിവസം അടച്ചു സൂക്ഷിക്കാം. 

ഉപയോഗിക്കേണ്ട വിധം

എണ്ണ മയം ഒട്ടുമില്ലാത്ത തലമുടി പല ഭാഗങ്ങളായി തിരിക്കാം. തയ്യാറാക്കിയ മിശ്രിത്തിലേയ്ക്ക് കുറച്ച് തേയില വെള്ളം ഒഴിച്ചിളക്കി യോജിപ്പിക്കാം. ബ്രെഷ് ഉപയോഗിച്ചോ വിരലുകൾ കൊണ്ടോ അമിതമായി നര ഉള്ള മുടിയിഴകളിൽ ഇത് പുരട്ടാം. 30 മിനിറ്റിനു ശേഷം തേയില വെള്ളത്തിലോ താളി ഉപയോഗിച്ചോ ഇത് കഴുകി കളയാം. 

Also Read: വെളുത്ത മുടികൾ ഒന്നുപോലും ബാക്കിയില്ലാതെ കട്ട കറുപ്പാക്കാൻ ഹെയർ ഡൈ വീട്ടിൽ തയ്യാറാക്കാം

ഇക്കാര്യങ്ങൾ ശ്രദ്ധിക്കാം

ഷാമ്പൂ ഉപയോഗിച്ച് ഹെയർ ഡൈ കഴുകി കളയരുത്. നാച്യുറൽ ഹെയർ ഡൈ ആയതിനാൽ തലമുടിയുടെ നിറം മെച്ചപ്പെടാൻ കുറച്ചധികം സമയം വേണ്ടി വരും. ആഴ്ചയിൽ രണ്ട് തവണ ഇത് പുരട്ടാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കെമിക്കലില്ലാത്ത ഈ ഹെയർ ഡൈ മതി, 5മിനിറ്റിൽ നര മറയ്ക്കാം