ഡൈ വാങ്ങാൻ കടയിൽ പോകേണ്ട, തലമുടി കറുപ്പിക്കാൻ കഞ്ഞിവെള്ളം കൊണ്ട് ഇതാ ഒരു രഹസ്യക്കൂട്ട്

തിളക്കമുള്ളതും കറുത്തതുമായ മുടി നേടുന്നതിനുള്ള പ്രകൃതിദത്തവും പുരാതനവുമായ ഒരു പ്രതിവിധിയാണ് ഹെന്ന അല്ലെങ്കിൽ മൈലാഞ്ചിപ്പൊടി. മുടിയുടെ നര മറയ്ക്കുന്നതിനൊപ്പം മുടി കണ്ടീഷൻ ചെയ്യാനും പോഷിപ്പിക്കാനും സംരക്ഷിക്കാനും ഉൾപ്പെടെ മുടിക്ക് ഗുണകരമായ നിരവധി സവിശേഷതകൾ ഈ പ്രകൃതിദത്ത ഹെയർഡൈക്കുണ്ട്. 

ഹെന്ന കൂടാതെ തന്നെ സ്വന്തമായി ഡൈ തയ്യാറാക്കാൻ സഹായിക്കുന്ന ഒന്നാണ് കഞ്ഞി വെള്ളവും. ഷാമ്പൂവിനും കണ്ടീഷ്ണറിനും നൽകാൻ സാധിക്കാത്ത തിളക്കവും കരുത്തും തലമുടിക്ക് നൽകുന്നതിനൊപ്പം നരച്ച മുടിയിഴകൾ മറച്ചു വയ്ക്കാനും അവ സഹായിക്കും.

ചേരുവകൾ

• കഞ്ഞിവെള്ളം
• കാപ്പിപ്പൊടി
• ഹെന്നപ്പൊടി
• കാത്തപ്പൊടി
• ഉപ്പ്

Also Read: കഞ്ഞിവെള്ളത്തിൽ ഈ വിത്ത് ഒരു സ്പൂൺ കുതിർത്തെടുക്കൂ; പട്ടു പോലെ തിളക്കമുള്ള തലമുടി നേടാം

തയ്യാറാക്കുന്ന വിധം

ഒരു സോസ് പാൻ അടുപ്പിൽ വച്ച് കാപ്പിപ്പൊടി ചേർത്തു തിളപ്പിക്കാം. ശേഷം അടുപ്പണയ്ക്കാം. ഒരു ഇരുമ്പ് ചീനച്ചട്ടിയെടുക്കാം. അതിലേയ്ക്ക് ആവശ്യത്തിന് ഹെന്നപ്പൊടി ചേർക്കാം. അതിലും പകുതി അളവിൽ കാത്തപ്പൊടി ചേർത്തിളക്കി യോജിപ്പിക്കാം. ഒരു നുള്ള് ഉപ്പ് ചേർക്കാം. ഇതിലേയ്ക്ക് കഞ്ഞിവെള്ളവും കാപ്പി തിളപ്പിച്ചതും ചേർത്തിളക്കി യോജിപ്പിക്കാം. ഇത് എട്ടു മണിക്കൂർ അടച്ച് മാറ്റി വയ്ക്കാം. 

Also Read: ഒരു സ്പൂൺ വെളിച്ചെണ്ണയിൽ ഇത് ഒഴിച്ചു പുരട്ടൂ, പട്ടുപോലുള്ള തലമുടി സ്വന്തമാക്കാം

Also Read: നരച്ച മുടി ഒറ്റ ഉപയോഗത്തിൽ കറുപ്പിക്കാം, സവാള മാത്രം മതി

ഉപയോഗിക്കേണ്ട വിധം

എണ്ണ മയം ഒട്ടുമില്ലാത്ത തലമുടി പല ഭാഗങ്ങളായി തിരിക്കാം. ശേഷം തയ്യാറാക്കിയ മിശ്രിതം തലമുടി അമിതമായ നരച്ച ഭാഗങ്ങളിൽ പുരട്ടാം. ബ്രെഷോ കൈ ഉപയോഗിച്ചോ ഡൈ പുരട്ടാവുന്നതാണ്. 30 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. ഇത് ആഴ്ചയിൽ ഒരു തവണ ഉപയോഗിക്കുന്ന മുടിയുടെ നിറം കൂടുതൽ മെച്ചപ്പെടുത്താൻ സഹായിക്കും. ഹെയർ ഡൈ കഴുകി കളയാൻ ഷാമ്പൂ ഉപയോഗിക്കരുത്. പ്രകൃതി ദത്തമായ ചേരുവകളായതിനാൽ തലമുടിയുടെ ആരോഗ്യത്തിനും ഇത് ഏറെ ഗുണകരമായരിക്കും.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വെളുത്ത മുടികൾ ഒന്നുപോലും ബാക്കിയില്ലാതെ കട്ട കറുപ്പാക്കാൻ ഹെയർ ഡൈ വീട്ടിൽ തയ്യാറാക്കാം