ഒരു സ്പൂൺ വെളിച്ചെണ്ണയിൽ ഇത് ഒഴിച്ചു പുരട്ടൂ, പട്ടുപോലുള്ള തലമുടി സ്വന്തമാക്കാം

ചർമ്മ സംരക്ഷണം പോലെ തന്നെ മഴക്കാലത്ത് ഏറ്റവും അധികം കരുതൽ വേണ്ടത് തലമുടിക്കാണ്. അന്തരീക്ഷത്തിലെ ഈർപ്പം മൂലം അമിതമായ എണ്ണ മയം ഉണ്ടാവുകയും മുടി കൊഴിച്ചിലിലേയ്ക്ക് നയിക്കുകയും ചെയ്യും. ചിലരിൽ ഈർപ്പം  തലയോട്ടി വരണ്ടു പോകുന്നതിനു കാരണമായേക്കാം. ഇതു മൂലം ചൊറിച്ചിലും അസ്വസ്ഥകളും അനുഭവപ്പെടുന്നു.

Also Read: വിലകൂടിയ ഷാമ്പൂവോ കണ്ടീഷ്ണറോ വേണ്ട, ഇത് ഒരു കപ്പ് ഉണ്ടെങ്കിൽ മിനുസമാർന്ന അഴകുള്ള മുടിയിഴകൾ നേടാം

ഒരൽപ്പം കരുതൽ കൊടുത്താൽ ഇത്തരം സാഹചര്യങ്ങൾ ഒഴിവാക്കാൻ സാധിക്കും. അതിനുള്ള മികച്ച പ്രതിവിധിയാണ് വെള്ളരി. ധാരാളം വിറ്റാമിൻ സി, വിറ്റാമിൻ​ കെ, സിങ്ക്, ഇരുമ്പ്, കാൽസ്യം തുടങ്ങിയ പോഷകങ്ങളാണ് ഇതിൽ അടങ്ങിയിരിക്കുന്നത്. അതിനാൽ വേരിൽ നിന്നു തന്നെ തലമുടിയ്ക്ക് കരുത്തേകുകയും, താരന് പ്രതിരോധം സൃഷ്ടിക്കുകയും ചെയ്യും.

ചേരുവകൾ

• വെള്ളരി
• വെളിച്ചെണ്ണ

Also Read: ഈ എണ്ണ ഒരു തുള്ളി മതി, മുടി കൊഴിച്ചിലും മുഖക്കുരുവും പമ്പ കടക്കും

തയ്യാറാക്കുന്ന വിധം

• തൊലി കളഞ്ഞ വെള്ളരിയോടൊപ്പം ഒരു ടേബിൾസ്പൂൺ വെളിച്ചെണ്ണ കൂടി ചേർത്ത് അരച്ചെടുക്കാം.
• തലമുടിയിലും, തലയോട്ടിയിലും ഇത് പുരട്ടാം.
• 30 മിനിറ്റിനു ശേഷം ഹെയർമാസ്ക് ഷാമ്പൂ ഉപയോഗിച്ച് കഴുകി കളയാം.

Also Read: അകാല നരയിൽ ആശങ്ക വേണ്ട, ഡൈ വാങ്ങി പോക്കറ്റ് കാലിയാക്കാതെ ഇവ ശീലമാക്കൂ

ഗുണങ്ങൾ

• മുടികൊഴിച്ചിൽ തടയാൻ വെള്ളരി ഗുണകരമാണ്.
• തലയോട്ടി വരണ്ടു പോകുന്നത് തടഞ്ഞ് ഈർപ്പം നിലനിർത്തുന്നതിന് സഹായിക്കും.
• മുടി തിളക്കമുള്ളതും മൃദുലവുമാകാൻ ആഴ്ച്ചയിൽ രണ്ട തവണയെങ്കിലും ഇത് ഉപയോഗിക്കുക.
• വെള്ളരിയിൽ അടങ്ങിയിരിക്കുന്ന വിറ്റാമിൻ കെ മുടിയുടെ കരുത്ത് നിലനിർത്തുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കഞ്ഞിവെള്ളത്തിൽ ഈ വിത്ത് ഒരു സ്പൂൺ കുതിർത്തെടുക്കൂ; പട്ടു പോലെ തിളക്കമുള്ള തലമുടി നേടാം