ഈ എണ്ണ ഒരു തുള്ളി മതി, മുടി കൊഴിച്ചിലും മുഖക്കുരുവും പമ്പ കടക്കും

അടുത്തിടെ സോഷ്യൽ മീഡിയയിൽ ട്രെൻഡിങ് ആയിക്കൊണ്ടിരിക്കുന്ന ഒന്നാണ് റോസ്മേരി വാട്ടർ, റോസ്മേരി ഓയിൽ എന്നിവയൊക്കെ. തലമുടി കൊഴിച്ചിൽ തടയും, ചർമ്മത്തിന് തിളക്കം ലഭ്യമാകും എന്ന സാക്ഷ്യപ്പെടുത്തലുകളും മിക്കവരും കണ്ടിട്ടുണ്ടാകും. എന്നാൽ ഇതിൻ്റെ ഗുണങ്ങൾ എന്തൊക്കെ? എങ്ങനെയാണ് റോസ്മേരി ഓയിൽ ഉപയോഗിക്കേണ്ടത് എന്നൊക്കെ അറിയാമോ?.സൗന്ദര്യ പരിലപാലനത്തിലെ എസൻഷ്യൽ ഓയിലുകളുടെ പട്ടികയിൽ ഉൾപ്പെടുത്താവുന്നതാണ് റോസ്മേരി ഓയിൽ. ഇതിൽ അടങ്ങിയിരിക്കുന്ന കാർനോസിക് ആസിഡാണ് ഏറ്റവും ഗുണപ്രദം. കോശങ്ങളുടെ പുനരുജ്ജീവനത്തിന് അത് സഹായിക്കും.

Also Read: കഞ്ഞിവെള്ളത്തിലേയ്ക്ക് ഈ ഇല ഒരുപിടി ചേർത്ത് ഉപയോഗിക്കൂ, ഇനി മുടിയഴകിന് ഷാമ്പൂ വാങ്ങിക്കൂട്ടേണ്ട 

മുടി കൊഴിച്ചിൽ തടയാൻ സഹായിക്കുന്ന ആൻ്റി ഓക്സിഡൻ്റുകൾ, ആൻ്റി ഇൻഫ്ലമേറ്ററി സംയുക്തങ്ങൾ, മറ്റ് ആവശ്യ പോഷകങ്ങൾ എന്നിവയാൽ സമ്പന്നമാണ് റോസ്മേരി ഓയിൽ. 

തലമുടി വളർച്ചയ്ക്ക്

ഹെയർ ഫോളിക്കിളുകളെ ഉത്തേജിപ്പിക്കുന്നതിലൂടെ റോസ്മേരി ഓയിൽ മുടി വളർച്ചയ്ക്ക് സഹായിക്കുന്നു. തലയോട്ടിയിലേക്കുള്ള രക്തചംക്രമണം വർധിപ്പിക്കുന്നതിന് ഇത് ഉപയോഗിച്ച് മസാജ് ചെയ്താൽ മതിയാകും. മസാജ് ചെയ്ത് 20 മിനിറ്റ് കഴിഞ്ഞ് കഴുകി കളയാം. 

മുടി കൊഴിച്ചിൽ തടയാൻ

ഒരു ടേബിള്‍സ്പൂണ്‍ വെളിച്ചെണ്ണ എടുത്ത് ഇതില്‍ 5-6 തുള്ളി റോസ്‌മേരി ഓയില്‍ ചേര്‍ക്കാം. അത് തലയോട്ടിയിൽ പുരട്ടാം. റോസ്മേരി ഓയിലിനൊപ്പം ആവണക്കെണ്ണ ചേർത്ത് ഉപയോഗിക്കുന്നതും നല്ലതാണ്.

Also Read: അടുക്കളയിൽ നിസാരമെന്നു കരുതുന്ന ഈ ചേരുവ മതി തിളക്കമുള്ള ചർമ്മം സ്വന്തമാക്കാൻ; ദിവസവും ഇത് കഴിക്കൂ, പുരട്ടൂ 

നെറ്റി കയറുന്നത്  തടയാം

നെറ്റി കയറലിന് ഇത് മികച്ച പ്രതിവിധിയാണ്. വെളിച്ചെണ്ണ ഉപയോഗിക്കുന്നതു പോലെ തന്നെ ഇത് തലയോട്ടിയിൽ പുരട്ടി മസജ് ചെയ്യാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. 

Also Read: ചെറുനാരങ്ങയും വെളിച്ചെണ്ണയും കൈയ്യിലുണ്ടോ? കക്ഷത്തിലെ കറുപ്പ് നിറം കുറയ്ക്കാൻ ഒരു പൊടിക്കൈ ഉണ്ട്

ചർമ്മ സംരക്ഷണത്തിന്

ചർമ്മത്തിലെ മിക്ക പ്രശ്നങ്ങൾക്കും പ്രകൃതിദത്ത പരിഹാര മാർഗമാണ് റോസ്മേരി ഓയിൽ. മുഖത്തും കൈകാലുകളിലും റോസ്മേരി എണ്ണ പുരട്ടാവുന്നതാണ്. കുളിക്കുമ്പോൾ കഴുകി കളഞ്ഞാൽ മതിയാകും. ഖക്കുരുവിൽ നിന്ന് ആശ്വാസം ലഭിക്കാനും ചർമ്മത്തിൻ്റെ മൊത്തത്തിലുള്ള ആരോഗ്യം മെച്ചപ്പെടുത്താനും ഇത് ഗുണകരമാണ്. എന്നാൽ മുറിവുകളോ, ഇൻഫെക്ഷനുകളോ, അല്ലെങ്കിൽ മുഖക്കുരു പൊട്ടിയിരിക്കുമ്പോഴോ ഇത് അവിടെ പുരട്ടരുത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വെളിച്ചെണ്ണയിലേയ്ക്ക് ഈ​ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ തിളക്കമുള്ള ചർമ്മം സ്വന്തമാക്കാം