40ലും ചുളിവുകളോ പാടുകളോ ഇല്ലാത്ത ചർമ്മം സ്വന്തമാക്കാൻ ബിപാഷയുടെ പൊടിക്കൈ

കോവിഡ് കാലഘട്ടത്തിൽ പുറത്തിറങ്ങാനാകാതെ ഇരുന്ന സമയം പാർലറുകളിലും മറ്റും പോകാൻ സാധിക്കാത്ത അവസ്ഥിയിലായിരുന്നു. സെലിബ്രറ്റികൾ ഉൾപ്പെടെയുള്ളവർ ഈ സമയം സ്വയം ചർമ്മ പരിചരണ രീതികളാണ് ശീലമാക്കിയിരുന്നത്. അതിനായി വീട്ടിൽ ലഭ്യമായ ചേരുവകൾ ആശ്രയിക്കാനും മടിച്ചില്ല. അത്തരത്തിൽ സോഷ്യൽ മീഡിയയിൽ ട്രെൻഡായ ഒരു ഫെയ്സ് പാക്ക് ബിപാഷ ബസു തൻ്റെ ഇൻസ്റ്റഗ്രാമിൽ പങ്കുവച്ചിരുന്നു. ചെമ്പരത്തിപ്പൂവും കറ്റാർവാഴ ജെല്ലുമാണ് അത് തയ്യാറാക്കാൻ താരം ഉപയോഗിച്ചിരുന്നത്. 

Also Read: ഗോതമ്പ് പൊടി കൈയ്യിലുണ്ടോ? 10 മിനിറ്റിൽ മുഖം തിളങ്ങും

ചേരുവകൾ

• ചെമ്പരത്തിപ്പൊടി
• കറ്റാർവാഴ ജെൽ
• കടലമാവ്

തയ്യാറാക്കുന്ന വിധം

ചെമ്പരത്തിപ്പൂവ് ഉണക്കിയെടുക്കാം. അത് പൊടിക്കാം. ഇതിലേയ്ക്ക് കറ്റാർവാഴ ജെല്ലും കടലമാവും ചേർത്തിളക്കി യോജിപ്പിക്കാം. ക്ലെൻസ് ചെയ്ത മുഖത്ത് ഈ മിശ്രിതം പുരട്ടാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

Also Read: കരുത്തുറ്റ കട്ടക്കറുപ്പൻ മുടി നേടാൻ ഖുശ്ബു ഉപയോഗിക്കുന്നത് ഈ ഹെയർ മാസ്ക്

Also Read: 40കളിലും കട്ടിയുള്ള തിളക്കമാർന്ന തലമുടി സ്വന്തമാക്കാൻ സമീറയുടെ രഹസ്യക്കൂട്ട്

ഗുണങ്ങൾ

• കാലങ്ങളായി ചർമ്മ പരിചരണത്തിന് കടലമാവ് ഉപയോഗത്തിലുണ്ട്. ചർമ്മം വൃത്തിയാക്കാനും, എക്സ്ഫോളിയേറ്റ് ചെയ്യാനും ഇത് ഏറെ ഉപകാരപ്രദമായിരിക്കും. കൂടാതെ ടാനേറ്റ മൃതകോശങ്ങളെ നീക്കി അമിതമായി എണ്ണ മയം ഉണ്ടാകുന്നതു തടയാനും കടലമാവ് സഹായിക്കും. 
• വിറ്റാമിൻ സി , ആന്തോസയാനിനുകൾ തുടങ്ങിയവ ചെമ്പരത്തിപ്പൂവിൽ അടങ്ങിയിട്ടുണ്ട്. ഇവ രണ്ടും ചർമ്മ സംരക്ഷണത്തിന് ഗുണപ്രദമാണ്. ഇതിൻ്റെ ആൻ്റി ഓക്സിഡൻ്റ് സവിശേഷതകൾ ഹൈപ്പർപിഗ്മൻ്റേഷനും, വാർധക്യ ലക്ഷണങ്ങളും തടഞ്ഞു നിർത്തുന്നു. ചെമ്പരത്തിയിൽ അടങ്ങിയിരിക്കുന്ന പ്രകൃതിദത്തമായ ആസിഡ് ചർമ്മത്തിൽ മികച്ച സ്ക്രബറായും, എക്സ്ഫോളിയൻ്റായും പ്രവർത്തിക്കും. 
• മുഖക്കുരുവിനും പാടുകൾക്കും ഉത്തമ പ്രതിവിധിയാണ് കറ്റാർവാഴ ജെൽ. അത് ചർമ്മത്തിലെ വീക്കം കുറയ്ക്കാൻ സഹായിക്കും. ഇതിൽ അമിനോ ആസിഡുകൾ, സിങ്ക് എന്നിവയോടൊപ്പം മ്യൂക്കോപൊളിസാക്കറൈഡുകളും അടങ്ങിയിട്ടുണ്ട്. ഇത് ചർമ്മത്തിന്റെ സമഗ്രത, ഈർപ്പം നിലനിർത്തൽ എന്നിവ കുറയ്ക്കാൻ കാരണമാകുന്നു, കൂടാതെ ചർമ്മത്തിലുണ്ടാകുന്ന അൾസറുകൾ തടയാൻ സഹായിക്കുന്നു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഇനി ഗ്ലാസ് സ്കിൻ നേടാൻ ഒരു നുള്ള് അരിപ്പൊടി മതി