ഗോതമ്പ് പൊടി കൈയ്യിലുണ്ടോ? 10 മിനിറ്റിൽ മുഖം തിളങ്ങും

രുചികരമായ പലഹാരങ്ങൾ തയ്യാറാക്കാൻ മാതേരമല്ല ചർമ്മത്തിൽ അടിഞ്ഞു കൂടിയിരിക്കുന്ന മൃതകോശങ്ങളെ നീക്കം ചെയ്യാൻ സഹായിക്കുന്ന മികച്ച എക്സ്ഫോളിൻ്റ് കൂടിയാണിത്. ഇത് ചർമ്മത്തിൻ്റെ ഘടന തന്നെ മെച്ചപ്പെടുത്തുന്നു. വിറ്റാമിൻ ഇയുടെ ചെറിയ ഒരു സ്രോതസ്സു കൂടിയാണ് ഗോതമ്പ്. അതിനാൽ ചർമ്മ കോശങ്ങൾക്ക് പുനരുജ്ജീവനം നൽകും. 

Also Read: ഒരാഴ്ച ദിവസവും ഈ പപ്പായ ക്രീം പുരട്ടൂ, ചുളിവുകളും വരകളും ഇല്ലാത്ത സോഫ്റ്റ് ചർമ്മം നേടാം

പാടുകളും മുഖക്കുരുവും ടാനും അകറ്റി, തിളക്കമുള്ള ചർമ്മം സ്വന്തമാക്കാൻ ഗോതമ്പ് പൊടി വ്യത്യസ്ത രീതിയിൽ ഉപയോഗിക്കാം.

ഗോതമ്പ് പൊടി

രണ്ട് ടേബിൾസ്പൂൺ ഗോതമ്പ് പൊടിയിലേയ്ക്ക് അൽപം വെള്ളം ചേർത്തിളക്കി യോജിപ്പിക്കാം. ഇത് ചർമ്മത്തിൽ പുരട്ടി ഉണങ്ങിയതിനു ശേഷം കഴുകി കളയാം. 

ഗോതമ്പ് പൊടി, മഞ്ഞൾപ്പൊടി, നാരങ്ങ

ഒരു ടേബിൾസ്പൂൺ ഗോതമ്പ് പൊടിയിലേയ്ക്ക് ഒരു ടീസ്പൂൺ നാരങ്ങ നീരും ഒരു നുള്ള് മഞ്ഞൾപ്പൊടിയും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 15 മിനിറ്റിനു ശേഷം കഴുകി കളയാം. 

ഗോതമ്പ് പൊടി നാരങ്ങ നീര്

ഗോതമ്പ് പൊടിയിലേയ്ക്ക് നാരങ്ങ നീരും ചേർതിളക്കി യോജിപ്പിക്കാം. ഈ മിശ്രിതം മുഖത്തും കഴുത്തിലും പുരട്ടാം. 15 മിനിറ്റിനു ശേഷം കഴുകി കളയാം. 

Also Read: ഒരു നുള്ള് കാപ്പിപ്പൊടി ചർമ്മത്തിൽ പല മാറ്റങ്ങളും കൊണ്ടുവരും, ഇതുകൂടി ചേർത്ത് ഉപയോഗിക്കൂ

Also Read: ഇനി പെഡിക്യൂറും വീട്ടിൽ ചെയ്യാം, ഈ ക്രീം കൈയ്യിലുണ്ടെങ്കിൽ

ഗോതമ്പ് പൊടി, പാൽ

ഗോതമ്പ് പൊടിയിലേയ്ക്ക് കുറച്ച് പാൽ ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി അൽപ സമയം വിശ്രമിക്കാം. ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം. 

ഗോതമ്പ് പൊടി റോസ് വാട്ടർ

ഒരു ടേബിൾസ്പൂൺ ഗോതമ്പ് പൊടിയിലേയ്ക്ക് ഒരു ടേബിസ്പൂൺ റോസ് വാട്ടറും, രണ്ട് ടേബിൾസ്പൂൺ പാലും ചേർത്തിളക്കി യോജിപ്പിക്കാം. ഇത് 20 മിനിറ്റിനു ശേഷം കഴുകി കളയാം.

ഗോതമ്പ് പൊടി, തേൻ

ഒരു ടേബിൾസ്പൂൺ ഗോതമ്പ് പൊടിയിലേയ്ക്ക് അര ടേബിൾസ്പൂൺ തേനും ഒരു ടേബിൾസ്പൂൺ തൈരും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ടാനേറ്റ് വാടിയ ചർമ്മത്തിന് ഒരു ഇൻസ്റ്റൻ്റ് ഗ്ലോ നൽകാം, ഈ ഫെയ്സപാക്ക് സ്ഥിരമായി ഉപയോഗിക്കൂ