ഇനി പെഡിക്യൂറും വീട്ടിൽ ചെയ്യാം, ഈ ക്രീം കൈയ്യിലുണ്ടെങ്കിൽ

കാൽപാദങ്ങളിലെ കറുപ്പ് നിറം പലരിലും ഉണ്ടാകാറുണ്ട്. പാദങ്ങളിലെ ചർമ്മം വളരെ കട്ടികുറഞ്ഞതും സെൻസിറ്റീവായതുമാണ്. അതിനാൽ പെട്ടെന്ന് സൂര്യപ്രകാശം പോലുള്ള ബാഹ്യഘടകങ്ങൾക്ക് ഇരയാകുന്നു. കൂടാതെ മഴക്കാലത്ത് കൂടുതൽ പരിചരണം ആവശ്യമാണ്. മണ്ണും പൊടിയും ഈർപ്പവും വിരലുകളിൽ അണുബാധയ്ക്ക് കാരണമാകും. ഇവയ്ക്ക് മികച്ച പ്രതിവിധിയാണ് മാനിക്യൂർ. എന്നാൽ അതിനായി പാർലറിൽ പോകേണ്ട. മാനിക്യൂറിൽ ഏറ്റവും അത്യാവശ്യമുള്ളത് ഫുട് ക്രീമാണ്, അത് വീട്ടിൽ തയ്യാറാക്കാം. 

Also Read: ഒരാഴ്ച ദിവസവും ഈ പപ്പായ ക്രീം പുരട്ടൂ, ചുളിവുകളും വരകളും ഇല്ലാത്ത സോഫ്റ്റ് ചർമ്മം നേടാം

ചേരുവകൾ

• വെളിച്ചെണ്ണ- 1/2 കപ്പ്
• ഷിയ ബട്ടർ- 1/4 കപ്പ്
• ബീ വാക്സ്- 2 ടേബിൾസ്പൂൺ
• വിറ്റാമിൻ ഇ എണ്ണ- 2 ടേബിൾസ്പൂൺ
• ലാവൻഡർ എണ്ണ- 2 തുള്ളി

Also Read: 30കളിലും പൂപോലെ സോഫ്റ്റായ ചർമ്മം നേടാം, ദിവസവും ഈ ഫെയ്സ് മാസ്ക് ഉപയോഗിക്കൂ

തയ്യാറാക്കുന്ന വിധം

ഒരു പാൻ അടുപ്പിൽ വച്ച് വെള്ളമൊഴിച്ചു തിളപ്പിക്കാം. രണ്ട് ചെറിയ ബൗളുകളിലായി ഷിയാ ബട്ടറും, ബീ വാക്സും എടുത്ത് തിളച്ച വെള്ളത്തിൽ വച്ച് അലിയിച്ചെടുക്കാം. അതിലേയ്ക്ക് വിറ്റാമിൻ ഇ ഓയിലും, ലാവൻഡർ ഓയിലും ചേർത്തിളക്കി യോജിപ്പിക്കാം. 

Also Read: മഞ്ഞളിലേയ്ക്ക് ഈ പൊടി കൂടി ചേർത്ത് പുരട്ടൂ, ഒറ്റ ഉപയോഗത്തിൽ ചർമ്മം തിളക്കമുള്ളതാകും

ഉപയോഗിക്കേണ്ട വിധം

• ചെറുചൂടുള്ള വെള്ളത്തിൽ നാരങ്ങ പിഴിഞ്ഞൊഴിച്ച് അതിൽ കാൽപാദങ്ങൾ 10 മിനിറ്റ് മുക്കി വയ്ക്കാം. 
• ശേഷം ക്യൂട്ടിക്കിളുകൾ നീക്കം ചെയ്യാം.
• ഒരു ടീസ്പൂൺ പഞ്ചസാരയിലേയ്ക്ക് തേനും ചേർത്തിളക്കി യോജിപ്പിക്കാം. ഇത് പാദങ്ങളിൽ പുരട്ടി മൃദുവായി മസാജ് ചെയ്യാം. ശേഷം വെള്ളത്തിൽ മുക്കി കാൽപാദങ്ങൾ തുടയ്ക്കാം. 
• തയ്യാറാക്കിയ ക്രീം പാദങ്ങളിൽ പുരട്ടി 10 മിനിറ്റ് മൃദുവായി മസാജ് ചെയ്യാം. ആഴ്ചയിൽ ഒരു തവണയെങ്കിലും ഇത് ചെയ്യുന്നത് പാദങ്ങളെ സുന്ദരമാക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചർമ്മത്തിൻ്റെ നിറം മെച്ചപ്പെടുത്താനും മുഖകാന്തി വർധിപ്പിക്കാനും ഇത് ദിവസവും പുരട്ടൂ