30കളിലും പൂപോലെ സോഫ്റ്റായ ചർമ്മം നേടാം, ദിവസവും ഈ ഫെയ്സ് മാസ്ക് ഉപയോഗിക്കൂ

സോഫ്റ്റും തിളക്കമുള്ളതുമായ ചർമ്മം നേടാൻ ആഗ്രഹിക്കാത്തതായി ആരാണുള്ളത്. എങ്കിൽ ദിവസവും ഉപയോഗിക്കാൻ സാധിക്കുന്ന ഒരു ഫെയ്സ് മാസ്ക് പരിചയപ്പെടാം.

ചേരുവകൾ

ചണവിത്ത് പൊടി- 2 ടേബിൾസ്പൂൺ, വെള്ളം- 1 കപ്പ്, അരിപ്പൊടി- 1 ടേബിൾസ്പൂൺ , തേൻ- 1/2 ടീസ്പൂൺ

തയ്യാറാക്കുന്ന വിധം

ഒരു സോസ് പാനിൽ ഒരു കപ്പ് വെള്ളമെടുത്ത് അതിലേയ്ക്ക് രണ്ടി ടേബിൾസ്പൂൺ ചണവിത്ത് പൊടി ചേർത്ത് അടുപ്പിൽ വച്ച് അഞ്ച് മുതൽ ആറ് മിനിറ്റു വരെ തിളപ്പിക്കാം. കട്ടിയായി ജൽ രൂപത്തിലാകുന്നതു വരെ ഇളക്കി കൊടുക്കാം. ശേഷം അടുപ്പണച്ച് തണുക്കാൻ മാറ്റി വയ്ക്കാം. ഇതിലേയ്ക്ക് കുറച്ചു വീതം അരിപ്പൊടി ചേർത്തിളക്കി യോജിപ്പിക്കാം. ഒപ്പം അര ടീസ്പൂൺ തേൻ ചേർത്ത് സ്മൂത്ത് മിശ്രിതമാക്കി മാറ്റാം.

ഉപയോഗിക്കേണ്ട വിധം

ക്ലെൻസ് ചെയ്ത മുഖത്ത് തയ്യാറാക്കിയ മിശ്രിതം പുരട്ടാം. 15 മുതൽ 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

ഗുണങ്ങൾ

ചണവിത്തും, തേനും, അരിപ്പൊടിയും മികച്ച ചർമ്മ പരിചരണ ചേരുവകളാണ്. ഇവ പിഗ്മെൻ്റേഷൻ കുറച്ച് പഞ്ഞിപോലെ സോഫ്റ്റായ ചർമ്മം ഏതു പ്രായത്തിലും നേടാൻ സഹായിക്കും.