ഒരു ടീസ്പൂൺ​ ഉലുവ മതി, ഇനി ഒറ്റ ഉപയോഗത്തിൽ നരച്ച മുടി മറയ്ക്കാം

മുടിക്ക് നിറം നൽകുന്നത് ഇന്ന് ഒരു ഫാഷൻ ട്രെൻഡാണ്. എന്നാൽ വിപണിയിൽ ലഭ്യമായ പല ഹെയർ ഡൈകളിലും അടങ്ങിയിട്ടുള്ള രാസവസ്തുക്കൾ മുടിക്ക് ദോഷം ചെയ്യുകയും അലർജിക്ക് കാരണമാവുകയും ചെയ്യാം. ഇതിനൊരു പരിഹാരമാണ് വീട്ടിൽ നിർമ്മിക്കുന്ന പ്രകൃതിദത്ത ഹെയർ ഡൈകൾ. ഇവ മുടിക്ക് ദോഷകരമല്ലാത്ത രീതിയിൽ നിറം നൽകുകയും മുടിയുടെ ആരോഗ്യവും തിളക്കവും വർദ്ധിപ്പിക്കുകയും ചെയ്യുന്നു.

Also Read: ഒറ്റ ദിവസം കൊണ്ട് മുടി കറുപ്പിക്കാം, മൈലാഞ്ചി ഇല അരയ്ക്കുമ്പോൾ ഇതു കൂടി ചേർക്കൂ

ഉലുവയും ഉള്ളിത്തൊലിയും പോലുള്ള പ്രകൃതിദത്ത ചേരുവകൾ ഉപയോഗിച്ച് നരച്ച മുടി മറയ്ക്കാൻ സാധിക്കും. ഇത് മുടിക്ക് നിറം നൽകുന്നതിനോടൊപ്പം തന്നെ മുടിയുടെ വളർച്ചയെ സഹായിക്കുകയും അകാല നര തടയുകയും ചെയ്യും. ഈ ഹെയർ ഡൈ തയ്യാറാക്കുന്ന വിധം പരിചയപ്പെടാം. 

Also Read: പട്ടു പോലെ തിളക്കമുള്ള തലമുടിക്ക് ചുവപ്പൻ ചെമ്പരത്തി കൊണ്ട് ഒരു ഒറ്റമൂലി

ചേരുവകൾ

• ഉള്ളിത്തൊലി
• ഉലുവ
• വെളിച്ചെണ്ണ
• വിറ്റാമിൻ ഇ ക്യാപ്സൂൾ
• ബദാം

തയ്യാറാക്കുന്ന വിധം

ഒരു ഇരുമ്പിൻ്റെ ചീനച്ചട്ടിയിലേയ്ക്ക് ബദാം ചേർക്കാം. ഒപ്പം ഉള്ളിത്തൊലി, ഉലുവ എന്നിവ ചേർത്ത് അടുപ്പിൽ വച്ച് വറുക്കാം. ഇവ കറുത്ത നിറമായതിനു ശേഷം അടുപ്പിൽ നിന്നും മാറ്റാം. ഇത് തണുക്കാൻ മാറ്റി വയ്ക്കാം. ശേഷം ഒരു മിക്സിയിൽ പൊടിച്ചെടുക്കാം. 

Also Read: ഡൈ ചെയ്ത് കാത്തിരിക്കേണ്ട, കട്ടക്കറുപ്പൻ മുടി നേടാൻ കുളിക്കുന്നതിനു മുമ്പ് ഇത് പുരട്ടൂ

ഉപയോഗിക്കേണ്ട വിധം

തയ്യാറാക്കിയ പൊടിയിൽ നിന്നും മൂന്ന് ടീസ്പൂണെടുക്കാം. അതിലേയ്ക്ക് വിറ്റാമിൻ ഇ ക്യാപ്സൂൾ പൊട്ടിച്ചൊഴിക്കാം. കുറച്ച് വെളിച്ചെണ്ണ കൂടി ഇതിലേയ്ക്ക് ഒഴിച്ചിളക്കി യോജിപ്പിക്കാം. എണ്ണ മയം ഇല്ലാത്ത മുടിയിഴകൾ പലതായി തിരിക്കാം. ശേഷം തയ്യാറാക്കിയ മിശ്രിതം മുടിയിഴകളിൽ പുരട്ടി 30 മിനിറ്റ് വിശ്രമിക്കാം. ശേഷംം വീര്യം കുറഞ്ഞ ഷാമ്പൂ അല്ലെങ്കിൽ താളി ഉപയോഗിച്ച് കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഒരു സ്പൂൺ തൈര് തലമുടിയിൽ പുരട്ടുന്നതിൻ്റെ ഗുണങ്ങൾ അറിയാമോ?