ചർമ്മം വരണ്ടു പോകുന്നതു തടയാം, ട്രൈ ചെയ്യൂ ഈ മോയ്സ്ച്യുറൈസർ

തണുപ്പ് കാലത്ത് അധികം ആളുകളും നേരിടുന്ന പ്രധാന പ്രശ്നമാണ് വരണ്ട ചർമ്മം. ഇത് ഏറെ ബുദ്ധിമുട്ടുകൾ ഉണ്ടാക്കിയേക്കാം. വില കൂടിയ കെമിക്കൽ മോയ്സ്ച്യുറൈസർ വാങ്ങി ഉപയോഗിക്കുകയാവും ഇതിന് പരിഹാരം എന്ന് ചിന്തിക്കേണ്ട. നമ്മുടെ അടുക്കളയിലെ സ്ഥിരം സാന്നിധ്യമായ നെയ്യും കുറച്ച് തേനും ഉണ്ടെങ്കിൽ കടയിൽ നിന്നും വാങ്ങാതെ കെമിക്കൽരഹിത മോയ്സ്ച്യുറൈസർ വീട്ടിൽ തയ്യാറാക്കാൻ സാധിക്കും. ഭക്ഷണത്തിൽ മാത്രമല്ല ഇനി ചർമ്മ സംരക്ഷണത്തിനും ഇവ മാറ്റി വച്ചോളൂ. 

ഒമേഗ 3 ഫാറ്റി ആസിഡിൻ്റെ മികച്ച് ഉറവിടമാണ് നെയ്യ്. ഇത് ചർമ്മത്തിൻ്റെ വീക്കം കുറയ്ക്കുന്നു. ഇത് അകാല വാർധക്യത്തിൻ്റെ ലക്ഷണങ്ങളായ ചുളിവുകൾ, വരകൾ, വരണ്ട ചുണ്ടുകൾ, പിഗ്മൻ്റേഷൻ, കണ്ണിനു ചുറ്റുമുള്ള കറുപ്പ് എന്നിവ കുറയ്ക്കാൻ സഹായിക്കുന്നു. തേനിന് ആൻ്റ് ബാക്ടീരിയൽ ആൻ്റി ഇൻഫ്ലമേറ്ററി സവിശേഷതകളുണ്ട്. അതിനാൽ മുഖക്കുരുവും അതിൻ്റെ പാടുകളും ഇല്ലാതാക്കാൻ പ്രവർത്തിക്കും. അങ്ങനെ ചർമ്മം മൃദുവും തിളക്കമുള്ളതുമാക്കി തീർക്കുന്നു. 

നെയ്യും തേനും ഉപയോഗിച്ച് പ്രകൃതിദത്തമായ മോയ്സ്ച്യുറൈസർ എങ്ങനെ തയ്യാറാക്കാം എന്ന് പരിചയപ്പെടാം

ചേരുവകൾ

• തേൻ- 1 ടേബിൾസ്പൂൺ
• വെളിച്ചെണ്ണ- 1/2 ടേബിൾസ്പൂൺ
• വിറ്റാമിൻ ഇ- 1 ക്യാപ്സൂൾ

തയ്യാറാക്കുന്ന വിധം

ഒരു ബൗളിലേയ്ക്ക് ഒരു ടേബിൾസ്പൂൺ നെയ്യെടുക്കാം.​ അതിലേയ്ക്ക് അര ടേബിൾസ്പൂൺ വെളിച്ചെണ്ണയും ഒരു വിറ്റാമിൻ ഇ ക്യാപ്സൂളും പൊട്ടിച്ചൊഴിച്ചിളക്കി യോജിപ്പിക്കാം. വിരലുകൾ ഉപയോഗിച്ച് ഇത് വരണ്ട ചർമ്മത്തിൽ പുരട്ടാം. ശേഷം അൽപ സമയം മൃദുവായി മസാജ് ചെയ്തു കൊടുക്കാം. 15 മിനിറ്റിനു ശേഷമോ അല്ലെങ്കിൽ രാവിലെയോ കഴുകി കളഞ്ഞാൽ മതിയാകും. അതിനായി തണുത്ത വെള്ളം ഉപയോഗിക്കുക. 

ചുണ്ടുകൾ വരണ്ടു പോകുന്നതു തടയാൻ ഇവ ഉപയോഗിക്കൂ

തേനും ഒലിവ് എണ്ണയും
 
തേൻ പ്രകൃതിദത്ത മോയ്സ്ചറൈസറാണ്. വരണ്ടിരിക്കുന്ന ചുണ്ടിനെ മൃദുലവും ഈർപ്പമുള്ളതും ആക്കുന്നു. അതിനൊപ്പം അൽപ്പം പഞ്ചസാര കൂടി ചേർത്താൽ മികച്ച സ്ക്രബറാക്കി മാറ്റാം. ഒരു സ്പൂൺ പഞ്ചസാരയിലേക്ക് മൂന്നോ നാലോ തുള്ളി ഒലിവ് എണ്ണയും അരസ്പൂൺ തേനും ചേർത്തിളക്കി ചുണ്ടിൽ പുരട്ടാം. ശേഷം വിരലുകൾ ഉപയോഗിച്ച് മൃദുവായി മസാജ് ചെയ്യുക. 

റോസ്‌വാട്ടർ

റോസ് വാട്ടറിനെ കുറിച്ച് നിങ്ങൾ കേട്ടിട്ടുണ്ടാകും. വരണ്ട ചർമ്മം അകറ്റാൻ ഏറ്റവും മികച്ചതാണ് റോസ് വാട്ടർ. ദിവസവും ചുണ്ടിൽ റോസ് വാട്ടർ പുരട്ടുന്നത് വരൾച്ച അകറ്റാൻ സഹായിക്കും. ഒലീവ് ഓയിലും റോസ് വാട്ടറും ചേർത്ത് പുരട്ടുന്നതാണ് കൂടുതൽ നല്ലത്. ദിവസവും രണ്ട് നേരം പുരട്ടാം. വരണ്ട് പൊട്ടുന്നത് അകറ്റുക മാത്രമല്ല ചുണ്ടിന് നിറം നൽകാനും റോസ് വാട്ടർ സഹായിക്കും.

വെള്ളരിക്ക നീര്

ചുണ്ട് വരണ്ട് പൊട്ടുന്നത് തടയാൻ ഏറ്റവും നല്ലതാണ് വെള്ളരിക്ക നീര്. ദിവസവും രാവിലെയും രാത്രിയും ഉറങ്ങുന്നതിന് മുമ്പ് വെള്ളരിക്ക നീരും റോസ് വാട്ടറും ചേർത്ത് ചുണ്ടിൽ പുരട്ടുന്നത് ചുണ്ടിന് നിറം നൽകുകയും വരൾച്ച തടയാനും സഹായിക്കും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• താരൻ പമ്പ കടക്കും, ഈ എണ്ണ മുടിയിൽ പുരട്ടൂ
• കഴുത്തിനു ചുറ്റമുള്ള കറുപ്പ് നിറം അകറ്റാൻ ഒരു നുറുങ്ങു വിദ്യ
• ബ്യൂട്ടി പാർലറിൽ പോയി സമയം കളയേണ്ട, ഹെയർ സ്പാ ജെൽ വീട്ടിൽ തയ്യാറാക്കാം
• ഫെയ്സ് മാസ്ക് മുതൽ ടോണർ വരെ, റോസ്‌വാട്ടർ ഈ 5 രീതിയിൽ ഉപയോഗിക്കൂ
• കക്ഷത്തിലെ കറുപ്പ് നിറമാണോ പ്രശ്നം? ഇവ ഉപയോഗിക്കൂ