Onam 2025 Wishes: തിരുവോണ നാളിൽ ഏവർക്കും ആശംസകൾ കൈമാറാം

Happy Onam 2025 Wishes in malayalam: സന്തോഷത്തിന്റെയും സമൃദ്ധിയുടെയും ആഘോഷമാണ് ഓണം. മലയാളികളുടെ ദേശീയോത്സവമാണ് ഓണം. കാണം വിറ്റും ഓണം ഉണ്ണണം (കാണം എന്നാൽ വസ്തു എന്നാണ് അർത്ഥം. കാണം വിറ്റിട്ടായാലും ഓണാഘോഷം പൊടിപൊടിക്കണമെന്നാണ് ഈ ചൊല്ലിന്റെ സാരം) എന്നാണ് പഴഞ്ചൊല്ല്.

കർക്കിടകത്തിന്റെയും മഴക്കാലത്തിന്റെയും പഞ്ഞകാലം കടന്ന് ആളുകൾ വാണിജ്യം പുനരാരംഭിക്കുന്ന കാലമാണ് ശ്രാവണമാസം. ശ്രാവണത്തിന്റെ മറ്റൊരു പേരാണ് സാവണം. ആ പേര് ലോപിച്ച് ആവണം എന്നും പിന്നീട് അത് ഓണമെന്നും ആയി മാറിയെന്നും കരുതപ്പെടുന്നു. 

അത്തം മുതൽ പത്തു ദിവസം നീണ്ടു നിൽക്കുന്നതാണ് ഓണാഘോഷം.

Also Read: പൊന്നിൻ തിരുവോണ നാളിൽ ആശംസകൾ കൈമാറാം

Also Read: ഐശ്വര്യവും സന്തോഷവും നിറഞ്ഞ ഓണാശംസകൾ കൈമാറാം

ചിങ്ങമാസത്തിലെ അത്തം നക്ഷത്രം മുതൽ തുടങ്ങുന്ന ഓണാഘോഷം തിരുവോണം നാളിൽ പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നു.

വാമനൻ പാതാളത്തിലേക്ക് ചവിട്ടി താഴ്ത്തിയ പ്രജാവത്സലനനായ മഹാബലിയെന്ന രാജാവ് തന്റെ ജനങ്ങളെ കാണാൻ എത്തുന്നുവെന്നാണ് ഓണക്കാലത്തെ കുറിച്ചുള്ള ഐതിഹ്യം. ഓണത്തെ കുറിച്ച് ഐതിഹ്യങ്ങൾ പലതുണ്ടെങ്കിലും കേരളത്തിന് ഓണമെന്നത് വിളവെടുപ്പിന്റെയും അവയുടെ വ്യാപാരത്തിന്റെയും ഉത്സവം കൂടിയാണ്.

Also Read: ഒരുമയും നന്മയും നിറഞ്ഞ ഈ ഓണക്കാലത്ത് പ്രിയപ്പെട്ടവർക്ക് ആശംസകൾ നേരാം

ഓണാഘോഷങ്ങളിൽ മുഴുകിയിരിക്കുന്ന ഈ സമയത്ത് പ്രിയപ്പെട്ടർവർക്ക് ആശംസകൾ നേരാൻ മറക്കരുത്.

Read More: ഹൃദയം നിറഞ്ഞ ആശംസകൾ തിരുവോണത്തിന് നേരാം