Happy Navaratri Wishes 2025: ശക്തിയുടെ വിദ്യയുടെയും നവരാത്രി നാളിൽ പ്രിയപ്പെട്ടവർക്ക് ആശംസകൾ നേരാം

Navaratri 2025 Wishes and Greetings: ഹൈന്ദവ വിശ്വാസികൾ ആദിപരാശക്തിയായ ദുർഗ്ഗാദേവിയെ ആരാധിക്കുന്ന ഉത്സവമാണ് നവരാത്രി. 'ഒമ്പത് രാത്രികൾ' എന്ന് അർത്ഥം വരുന്ന ഈ പുണ്യകാലം, തിന്മയുടെ മേൽ നന്മ നേടിയ വിജയത്തിന്റെ പ്രതീകമായും ശക്തി, ഐശ്വര്യം, അറിവ് എന്നിവയുടെ ഉണർവ്വുകാലമായും കണക്കാക്കപ്പെടുന്നു. കന്നിമാസത്തിലെ അമാവാസി കഴിഞ്ഞുള്ള വെളുത്ത പക്ഷ പ്രഥമ മുതൽ നവമി വരെയാണ് നവരാത്രി ആഘോഷിക്കുന്നത്.

ഈ ഒമ്പത് ദിവസങ്ങളിൽ ദേവിയുടെ ഒമ്പത് രൂപങ്ങളെയാണ് (നവദുർഗ്ഗമാർ) പ്രധാനമായും ആരാധിക്കുന്നത്. ആദ്യത്തെ മൂന്ന് ദിനങ്ങൾ ശക്തിയുടെ ദേവതയായ ദുർഗ്ഗയ്ക്കും, അടുത്ത മൂന്ന് ദിവസങ്ങൾ ഐശ്വര്യത്തിന്റെ ദേവതയായ മഹാലക്ഷ്മിക്കും, അവസാനത്തെ മൂന്ന് ദിവസങ്ങൾ അറിവിന്റെ ദേവതയായ സരസ്വതിക്കുമാണ് പ്രാധാന്യം നൽകുന്നത്.

Also Read: അക്ഷരശ്രേഷ്ഠതയുടെയും അറിവിൻ്റെയും ഒൻപത് രാവുകൾ; നവരാത്രി ആശംസകൾ കൈമാറാം

കേരളത്തിൽ, അവസാനത്തെ മൂന്ന് ദിവസങ്ങളായ ദുർഗ്ഗാഷ്ടമി, മഹാനവമി, വിജയദശമി എന്നിവയ്ക്കാണ് കൂടുതൽ പ്രാധാന്യം. അഷ്ടമി ദിവസം വീടുകളിലും ക്ഷേത്രങ്ങളിലും വിദ്യാരംഭത്തിനായി പുസ്തകങ്ങളും തൊഴിൽ ഉപകരണങ്ങളും പൂജയ്ക്ക് വെക്കുന്നു. ഇത് പുസ്തകപൂജ എന്നും ആയുധപൂജ എന്നും അറിയപ്പെടുന്നു.

Also Read: ഐശ്വര്യത്തിൻ്റേയും അനുഗ്രഹങ്ങളുടേയും ഈ നവരാത്രി ദിനത്തിൽ ഏവർക്കും ആശംസകൾ കൈമാറാം

Also Read: ഭക്തിയുടെ നിറവിൽ ഇനി നവരാത്രി ദിനങ്ങൾ; പ്രിയപ്പെട്ടവർക്ക് ആശംസകൾ കൈമാറാം

നവരാത്രിയുടെ ഒമ്പതാം ദിവസമായ മഹാനവമിയിൽ ആയുധപൂജയും വിദ്യാരംഭത്തിനുള്ള ഒരുക്കങ്ങളും നടക്കുന്നു. പത്താം ദിവസമായ വിജയദശമി നവരാത്രി ആഘോഷങ്ങളുടെ പരിസമാപ്തി കുറിക്കുന്നു. ഈ ദിവസം പൂജവെച്ച പുസ്തകങ്ങൾ തിരിച്ചെടുക്കുന്നതോടൊപ്പം, കുട്ടികളെ എഴുത്തിനിരുത്തുന്ന ചടങ്ങായ വിദ്യാരംഭം നടത്തപ്പെടുന്നു. ആയിരക്കണക്കിന് കുരുന്നുകൾ ആദ്യാക്ഷരം കുറിക്കുന്ന പുണ്യദിനം കൂടിയാണ് ഈ വിജയദശമി ദിനം.

നവരാത്രി വ്രതാനുഷ്ഠാനത്തിലൂടെ ശരീരത്തെയും മനസ്സിനെയും ശുദ്ധീകരിക്കാനും ആദിപരാശക്തിയുടെ അനുഗ്രഹം നേടാനും സാധിക്കുന്നു എന്നാണ് വിശ്വാസം. 

Also Read: ഭക്തിസാന്ദ്രമായ നവരാത്രി ദിനങ്ങളിൽ ആശംസകൾ നേരാം

നൃത്തം, സംഗീതം, വിവിധതരം പൂജകൾ, കൊലുവയ്പ്പ് തുടങ്ങിയ പ്രാദേശിക ആചാരങ്ങളാൽ നവരാത്രി ഭാരതമെമ്പാടും വൈവിധ്യമാർന്ന രീതിയിൽ ആഘോഷിക്കപ്പെടുന്നു.

Read More: നവഭാവങ്ങളെ ആരാധിക്കുന്ന നവരാത്രിയിൽ ആശംസകൾ കൈമാറാം