മുടിയിഴകൾ പട്ടുപോലെ തിളക്കമുള്ളതാകും, ഇത് ഉപയോഗിച്ച് കഴുകൂ

പല സ്ത്രീകളും തങ്ങളുടെ മുടി സ്വാഭാവികമായും ആരോഗ്യത്തോടെയും കട്ടിയുള്ളതും നീളമുള്ളതുമായി വളരണമെന്ന് ആഗ്രഹിക്കുന്നു. എന്നിരുന്നാലും, രാസവസ്തുക്കൾ അടങ്ങിയ ഷാംപൂകളും മറ്റ് ഉത്പന്നങ്ങളും മുടി കൊഴിച്ചിലിനും ശിരോചർമ്മം വരണ്ടു പോകുന്നതിനും കാരണാകും. എന്നാൽ ഇതിന് മികച്ച പരിഹാരമാണ് തേങ്ങാപ്പാൽ. 

പ്രകൃതിയിൽ കാണപ്പെടുന്ന ഏറ്റവും മികച്ച വിറ്റാമിനുകൾ, പ്രോട്ടീനുകൾ, ഫാറ്റി ആസിഡുകൾ എന്നിവയാൽ സമ്പന്നമാണ് തേങ്ങാപ്പാൽ. ഇത് തലമുടിക്ക് ആഴത്തിലുള്ള പോഷണം നൽകുന്നു. പ്രത്യേകിച്ച്, ഇത് ശിരോചർമ്മത്തിലേയ്ക്ക് ആഴ്ന്നിറങ്ങി, മുടിയുടെ വേരുകളെ ശക്തിപ്പെടുത്തുകയും, മുടിയുടെ വളർച്ചയെ വേഗത്തിൽ ഉത്തേജിപ്പിക്കുകയും ചെയ്യുന്നു.

ദോഷകരമായ രാസവസ്തുക്കൾ ഇല്ലാതെയാണ് ഇത് നിർമ്മിച്ചിരിക്കുന്നത്, അതിനാൽ പ്രകൃതിദത്ത പരിചരണം ആഗ്രഹിക്കുന്നവർക്ക് ഇത് ഉചിതമായിരിക്കും. തേങ്ങാപ്പാൽ ഒരു പ്രകൃതിദത്ത മോയ്‌സ്ച്യുറൈസറാണ്. ഇത് വരണ്ട  ശിരോചർമ്മത്തിന് ഈർപ്പം നൽകുകയും മുടിയുടെ വേരുകളെ പോഷിപ്പിക്കുകയും ചെയ്യുന്നു. ഇത് മുടി കൊഴിച്ചിലും പൊട്ടലും കുറയ്ക്കുന്നു. പതിവായി ഉപയോഗിക്കുന്നതിലൂടെ മുടി മൃദുവും തിളക്കവുമുള്ളതായി മാറുന്നു. കൂടാതെ, തേങ്ങാപ്പാലിലെ പ്രോട്ടീനുകൾ മുടിയുടെ പുറം പാളിയെ (ക്യൂട്ടിക്കിൾ) ശക്തിപ്പെടുത്തുകയും ചെയ്യും.

Also Read: കടുക് മതി, മുടിക്ക് കട്ടക്കറുപ്പ് നൽകാൻ ഒരു കിടിലൻ ഹോംമെയ്ഡ് ഡൈ തയ്യാറാക്കാം

പ്രധാനപ്പെട്ട ഗുണങ്ങൾ

• മുടി വളർച്ചയെ പ്രോത്സാഹിപ്പിക്കുന്നു.
• മുടി വേരുകളെ ശക്തിപ്പെടുത്തി പോഷിപ്പിക്കുന്നു.
• മുടി കൊഴിച്ചിലും പൊട്ടലും തടയുന്നു.
• വരണ്ട ശിരോചർമ്മത്തിന് ആഴത്തിലുള്ള ഈർപ്പം നൽകുന്നു.
• മുടിക്ക് സ്വാഭാവിക തിളക്കവും മൃദുത്വവും നൽകുന്നു.

ഉപയോഗിക്കേണ്ട വിധം

• ആഴ്ചയിൽ ഒരു ദിവസം തേങ്ങാപ്പാൽ മുടിയിലും ശിരോചർമ്മത്തിലും പുരട്ടി മൃുദാവയി മസാജ് ചെയ്യാം. 
• 30 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

Also Read: അതിവേഗം മുടി വളരും, കുളിക്കുന്നതിനു മുമ്പ് ദിവസവും ഇത് പുരട്ടൂ

View this post on Instagram

A post shared by preetha (@brush_and_blush_beauty_lounge)

Also Read: മുടി സ്മൂത്താകാൻ ഇനി വിലകൂടിയ ക്രീമുകൾ വേണ്ട, അടുക്കളയിലെ ഈ ചേരുവ മതി

ഇക്കാര്യങ്ങൾ ശ്രദ്ധിക്കാം

തേങ്ങാപ്പിലിനോട് അലർജി ഉള്ളവരും സെൻസിറ്റീവ് ചർമ്മമുള്ളവരും ഇത് അമിതമായി ഉപയോഗിക്കുന്നത് ഒഴിവാക്കാം. എന്തെങ്കിലും തരത്തിലുള്ള സംശയങ്ങൾക്ക് ഒരു ആരോഗ്യ വിദഗ്ധൻ്റെ നിർദ്ദേശം സ്വീകരിക്കുന്നത് ഗുണകരമാകും. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വെളുത്തുള്ളി അല്ലി രണ്ടെണ്ണം മതി, ഇനി തലമുടി കറുപ്പിക്കാൻ പാർലറിൽ പോകേണ്ട