തിളക്കമുള്ള ചർമ്മത്തിന് ട്രൈ ചെയ്യൂ ബീറ്റ്റൂട്ട് ഫെയ്സ് മാസ്ക്

ചർമ്മത്തിൻ്റെ ആരോഗ്യം എന്നത് ആത്മവിശ്വാസവുമായി ബന്ധപ്പെട്ടിരിക്കുന്നു. ഇത് എങ്ങനെ നിലനിർത്താം എന്നത് സംബന്ധിച്ചുള്ള വിവരങ്ങൾ സോഷ്യൽമീഡിയയിലൂടെയും മറ്റും ദിനംപ്രതി പങ്കുവെയ്കക്കപ്പെട്ടുകൊണ്ടിരിക്കുന്നു. ഇത്തരം വിവരങ്ങളുപയോഗിച്ച് പരീക്ഷണങ്ങൾക്ക് മുതിരുന്നതിനു മുൻമ്പ് അതിൻ്റെ സത്യാവസ്ഥ ഉറപ്പു വരുത്തുക. പ്രകൃതി ദത്തമായ മാർഗ്ഗങ്ങൾ സ്വീകരിക്കുന്നതാണ് പലപ്പോഴും നല്ലത്. പാർശ്വഫലങ്ങൾ ഇല്ല എന്നതു മാത്രമല്ല മികച്ച ഫലവും, കുറഞ്ഞ ചിലവും ആണ് ഇതിൻ്റെ മറ്റ് ഗുണം. അങ്ങനെയെങ്കിൽ ചർമ്മ സംരക്ഷണത്തിന് വീട്ടിൽത്തന്നെ തയ്യാറാക്കാൻ സാധിക്കുന്ന ഫെയ്സ് മാസ്ക് ട്രൈ ചെയ്ത് നോക്കൂ. അതിൽത്തന്നെ പ്രധാന ചേരുവയായി ബീറ്റൂട്ട് ഉൾപ്പെടുത്തൂ. ധാരാളം ആൻ്റിഓക്സിഡൻ്റ് സവിശേഷതകളുള്ള പച്ചക്കറിയാണ് ബീറ്റൂട്ട് അതിനാൽ ചർമ്മത്തിലെ കറുത്തപാടുകൾ അകറ്റി തിളക്കവും മൃദുത്വവും നിലനിർത്താൻ സഹായിക്കുന്നു. 

ഫെയ്സ് മാസ്ക് 1

ചേരുവകൾ

• ബീറ്റ്റൂട്ട് 
• തൈര് 
  

തയ്യാറാക്കുന്ന വിധം
ചെറിയ ഇടത്തരം ബീറ്റ്റൂട്ടിൻ്റെ ജ്യൂസിലേയ്ക്ക് രണ്ട് ടേബിൾ സ്പൂൺ തൈര് ചേർത്തിളക്കി മുഖത്തും കഴുത്തിലും പുരട്ടുക. ഇരുപത് മിനിറ്റിനു ശേഷം കഴുകി കളയുക

ഫെയ്സ് മാസ്ക് 2

ചേരുവകൾ

• ബീറ്റ്റൂട്ട്
• തേൻ

തയ്യാറാക്കുന്ന വിധം
ബീറ്റ്റൂട്ട് ജ്യൂസിലേയ്ക്ക് ഒരു ടേബിൾ സ്പൂൺ തേൻ ചേർത്തിളക്കുക. മുഖത്തും കഴുത്തിലും പുരട്ടുക. ഇരുപത് മിനിറ്റിനു ശേഷം കഴുകി കളയുക.

ഫെയ്സ് മാസ്ക് 3

ചേരുവകൾ

• ബീറ്റ്റൂട്ട്
• മഞ്ഞൾപ്പൊടി

തയ്യാറാക്കുന്ന വിധം
ബീറ്റ്റൂട്ടിൻ്റെ ജ്യൂസും, അര ടീസ്പൂൺ മഞ്ഞൾപ്പൊടിയും ചേർത്തിളക്കി മുഖത്തും കഴുത്തിലും പുരട്ടുക. പതിനഞ്ചോ ഇരുപതോ മിനിറ്റിനു ശേഷം കഴുകി കളയുക.

Read More

• 90 കിലോയിൽനിന്ന് 72 ലേക്ക്, 'ചന്തു ചാമ്പ്യനാകാൻ' നടത്തിയത് കഠിനപരിശ്രമം; മേക്കോവർ വീഡിയോയിൽ അതിശയിപ്പിച്ച് കാർത്തിക് ആര്യൻ
• ഹൻസികയുടെ ഈ സ്റ്റണിങ് സാരിക്കും പറയാനൊരു ചരിത്രമുണ്ട്
• മേക്കപ്പ് ഇല്ലെങ്കിലെന്താ, സുന്ദരിയല്ലേ?, ദാവണിയിലെ ചിത്രങ്ങളുമായി ആർഷ
• പാവാടയും ഷർട്ടും, വട്ടപ്പൊട്ടും മൂക്കുത്തിയും; അടിമുടി ആളാകെ മാറി സണ്ണി ലിയോൺ
• അനന്ത്-രാധിക പ്രീവെഡ്ഡിങ്: ക്രൂയിസ് പാർട്ടിയിൽ സ്റ്റൈലിഷ് ഔട്ട്ഫിറ്റിൽ ബോളിവുഡ് താരങ്ങൾ