സിംപിളെങ്കിലും സ്റ്റൈലിഷ്, സാരിയിൽ സ്റ്റണ്ണിങ് ലുക്കിൽ അനുപമ പരമേശ്വരൻ

തെന്നിന്ത്യയിലെ അറിയപ്പെടുന്ന നടിമാരിലൊരാളാണ് അനുപമ പരമേശ്വരൻ. പ്രേമം എന്ന മലയാള ചിത്രത്തിലൂടെയാണ് അനുപമയുടെ കരിയർ തുടങ്ങുന്നത്.

മലയാളത്തിൽനിന്നും തമിഴിലേക്ക് എത്തിയ അനുപമയെ പിന്നെ കണ്ടത് തെലുങ്കിലാണ്. ഇന്ന് ടോളിവുഡിലെ ഉയർന്ന പ്രതിഫലം വാങ്ങുന്ന നടിമാരിലൊരാളാണ് താരം.

സോഷ്യൽ മീഡിയയിലും താരം സജീവമാണ്. ഫൊട്ടോഷൂട്ട് ചിത്രങ്ങൾ ഇടയ്ക്ക് താരം പങ്കുവയ്ക്കാറുണ്ട്.

സാരിയിലുള്ള പുതിയ ചിത്രങ്ങൾ ഇൻസ്റ്റഗ്രാമിൽ പോസ്റ്റ് ചെയ്തിരിക്കുകയാണ് അനുപമ.

സാരിയിൽ സിംപിൾ ലുക്കിലായിരുന്നു താരം. മിനിമൽ ആഭരണങ്ങളും മേക്കപ്പുമാണ് താരം തിരഞ്ഞെടുത്തത്.

തൃശൂര്‍ ജില്ലയിലെ ഇരിങ്ങാലക്കുടയില്‍ ജനിച്ച അനുപമയുടെ ചെറുപ്പം മുതലുളള ആഗ്രഹം ഒരു സിനിമ നടിയാവുക എന്നതായിരുന്നു. അങ്ങനെ ഓഡിഷനില്‍ പങ്കെടുത്താണ് അനുപമയ്ക്കു ' പ്രേമം' എന്ന ചിത്രത്തിലേയ്ക്കു അവസരം ലഭിക്കുന്നത്.

പ്രേമത്തിനുശേഷം അനുപമ സജീവമായത് തെലുങ്ക് സിനിമാ ലോകത്താണ്. അ ആ, സതമാനം ഭവതി, കൃഷ്ണാര്‍ജുന യുദ്ധം തുടങ്ങിയ ചിത്രങ്ങളിലൂടെ അനുപമ തെലുങ്കു പ്രേക്ഷകര്‍ക്കു സുപരിചിതയായി മാറി.

ദുല്‍ഖര്‍ സല്‍മാന്‍ പ്രധാന കഥാപാത്രമായെത്തിയ 'കുറുപ്പ്' ആണ് അനുപമയുടെ അവസാനമായി പുറത്തിറങ്ങിയ മലയാള ചിത്രം.

'ഡിജെ ടില്ലു' എന്ന തെലുങ്ക് സിനിമയുടെ രണ്ടാം ഭാഗമായ 'ടില്ലു സ്ക്വയർ' ആണ് നടിയുടേതായി അടുത്തിടെ പുറത്തിറങ്ങിയ തെലുങ്ക് ചിത്രം. സിനിമയിൽ അതീവ ഗ്ലാമറസായിട്ടാണ് അനുപമ അഭിനയിച്ചത്. ഈ സിനിമയ്ക്കായി രണ്ടു കോടിയാണ് താരം പ്രതിഫലമായി വാങ്ങിയതെന്നാണ് റിപ്പോർട്ടുകൾ.

Read More

• സ്കൾപ്റ്റഡ് കോസ്മിക് ഗൗണിൽ ഗ്രീക്ക് ദേവതയെപ്പോൽ തമന്ന
• സ്ലീവ്‌ലെസ് ഗൗണിനൊപ്പം ആലിയ അണിഞ്ഞത് 20 കോടിയുടെ വജ്രാഭരണങ്ങള്‍
• തമന്നയുടെ ഡാർക്ക് ഗ്രീൻ ട്രികോൺ ഡ്രാപ്ഡ് സാരിയുടെ വില അറിയേണ്ടേ?
• 30 വർഷം പഴക്കമുള്ള സാരിയിൽ സ്റ്റൈലിഷായി ആലിയ ഭട്ട്