ബ്ലാക്ക് ആൻഡ് വൈറ്റിൽ ഗ്ലാമർ ലുക്കിൽ ഐശ്വര്യ ലക്ഷ്മി

മലയാളം, തമിഴ്, തെലുങ്ക് ഭാഷകളിലായി നിറഞ്ഞുനിൽക്കുകയാണ് നടി ഐശ്വര്യ ലക്ഷ്മി. വളരെ ചുരുങ്ങിയ സമയം കൊണ്ടുതന്നെ തെന്നിന്ത്യൻ സിനിമയിൽ തന്രേതായ സ്ഥാനം ഉറപ്പിക്കാൻ നടിക്ക് കഴിഞ്ഞിട്ടുണ്ട്.

സോഷ്യൽ മീഡിയയിൽ വളരെയധികം സജീവമാണ് ഐശ്വര്യ. തന്റെ ജീവിതത്തിലെ രസകരമായ നിമിഷങ്ങളെല്ലാം ഐശ്വര്യ ഇൻസ്റ്റഗ്രാമിലൂടെ പങ്കുവയ്ക്കാറുണ്ട്. ഇടയ്ക്ക് ഫൊട്ടൊഷൂട്ട് ചിത്രങ്ങൾ ഐശ്വര്യ ഷെയർ ചെയ്യാറുണ്ട്. അധിവേഗമാണ് ഈ ചിത്രങ്ങൾ സോഷ്യൽ മീഡിയയും ആരാധകരും ഏറ്റെടുക്കുന്നത്.

ബ്ലാക്ക് ആൻഡ് വൈറ്റിൽ ഗ്ലാമറസ് ലുക്കിലുള്ള ചിത്രങ്ങൾ പോസ്റ്റ് ചെയ്തിരിക്കുകയാണ് താരം. 'Outtakes from an evening with the Girls' എന്ന കുറിപ്പോടെയാണ് താരം ചിത്രങ്ങൾ പോസ്റ്റ് ചെയ്തത്.

പുതിയ ലുക്കിലുള്ള ഐശ്വര്യയുടെ ചിത്രങ്ങൾ സോഷ്യൽ മീഡിയയിൽ വളരെ പെട്ടെന്നു തന്നെ വൈറലായിട്ടുണ്ട്. ഭ്രമയുഗം ട്രെൻഡാണോ എന്നാണ് പലരും ചോദിക്കുന്നത്. 

മെല്ലോഡ്രോമയുടേതാണ് ഐശ്വര്യ ധരിച്ച വസ്ത്രം. സെലിബ്രിറ്റ് സ്റ്റൈലിസ്റ്റ് സ്മിജിയാണ് നടിയുടെ സ്റ്റൈലൻ ലുക്കിനു പിന്നിലുള്ളത്. ചിത്രങ്ങൾ പകർത്തിയത് എലവേറ്റ് പിആർ എന്ന കൺസൾട്ടിങ് ഏജൻസിയാണ്.

2017 ൽ അൽത്താഫ് സംവിധാനം ചെയ്ത് നിവിൻ പോളി നായകനായ 'ഞണ്ടുകളുടെ നാട്ടിൽ ഒരു ഇടവേള' എന്ന സിനിമയിലൂടെയാണ് എം ബി ബി എസ് ഡോക്ടറും മോഡലുമായ ഐശ്വര്യ ലക്ഷ്മി ചലച്ചിത്രലോകത്തേയ്ക്ക് എത്തുന്നത്. 

ആ വർഷം തന്നെ റിലീസ് ചെയ്ത 'മായാനദി' എന്ന സിനിമയിൽ ടൊവിനോയുടെ നായികയായി അഭിനയിച്ചു. തുടർന്ന് 'വരത്തൻ,' 'വിജയ് സൂപ്പറും പൗർണമിയും' എന്നിവയുൾപ്പെടെ എട്ട് മലയാള ചിത്രങ്ങളിൽ അഭിനയിച്ചു. 

2020 ൽ 'ജഗമേ തന്തിരം' എന്ന സിനിമയിലൂടെ തമിഴ് സിനിമയിലും തുടക്കം കുറിച്ചു. മണിരത്നത്തിന്റെ 'പൊന്നിയിൻ സെൽവൻ' എന്ന ബ്രഹ്‌മാണ്ഡ ചിത്രത്തിൽ ശ്രദ്ധേയമായ വേഷം ചെയ്തിരുന്നു ഐശ്വര്യ.  

കേരളത്തിലെ ആദ്യത്തെ 2024 മോഡൽ റേഞ്ച് റോവർ ഇവോക്ക് ലക്ഷ്വറി എസ്‌യുവി സ്വന്തമാക്കി താരം അടുത്തിടെ വാർത്തകളിൽ നിറഞ്ഞിരുന്നു. 67.90 ലക്ഷം രൂപ എക്സ്ഷോറൂം വില വരുന്ന റോവർ റേഞ്ച് റോവർ ഇവോക്കിന്റെ കൊച്ചിയിൽ ഓൺറോഡ് വില ഏകദേശം 86.64 ലക്ഷം രൂപയാണ്. 

ഒരു മെഴ്‌സിഡീസ് ജി.എല്‍.സി.220ഡി സ്വന്തമായുണ്ട് ഐശ്വര്യ ലക്ഷ്മിയ്ക്ക്.  അതിനു പുറമെയാണ് ഇപ്പോൾ ആഡംബര എസ്.യു.വിയായ ലാന്‍ഡ് റോവറിന്റെ റേഞ്ച് റോവര്‍ ഇവോക് താരം സ്വന്തമാക്കിയത്. 

ദുൽഖർ സൽമാൻ നായകനായ 'കിങ്ങ് ഓഫ് കൊത്ത' ആണ് ഐശ്വര്യയുടെ അടുത്തിടെ റിലീസായ ചിത്രം. അഭിലാഷ് ജോഷിയുടെ സംവിധാനത്തിൽ ഒരുക്കിയ ചിത്രത്തിൽ താര എന്ന കഥാപാത്രത്തെയാണ് ഐശ്വര്യ അവതരിപ്പിച്ചത്.

Read More

• ബാഫ്ത റെഡ്കാർപെറ്റിൽ സബ്യാസാചി സാരിയിൽ തിളങ്ങി ദീപിക പദുക്കോൺ
• സാമന്ത ധരിച്ച റെഡ് സാരിയുടെ വില അറിയാമോ?
• വൈറ്റ് സാരിയിൽ സ്റ്റണ്ണിങ് ലുക്കിൽ ജാൻവി കപൂർ
• 'വോഗ് അറേബ്യ'യിൽ ഗൗണിൽ തിളങ്ങി കരീന കപൂർ