'വോഗ് അറേബ്യ'യിൽ ഗൗണിൽ തിളങ്ങി കരീന കപൂർ

ബോളിവുഡിലെ എക്കാലത്തെയും മികച്ച നടിമാരിലൊരാളായി കരീന കപൂറിന്റെ പേര് എന്നുമുണ്ടാകും. കഭി ഖുശി കഭി ഗം, ജബ് വി മെറ്റ്, ത്രീ ഇഡിയറ്റ്‌സ്, റാവണ്‍, ബോഡിഗാര്‍ഡ് പോലുള്ള ഹിറ്റ് ചിത്രങ്ങൾ കരീനയുടെ മെഗാ ഹിറ്റുകളാണ്.

വ്യാഴാഴ്ച യുഎഇയിൽ നടന്ന 'വോഗ് ബോൾ ഓഫ് അറേബ്യ' പരിപാടിയിൽ ഇന്ത്യയെ പ്രതിനീധീകരിച്ച് കരീന കപൂറാണ് പങ്കെടുത്തത്. 

ഓഷ്യൻ ഗ്രീനിലുള്ള ഗൗൺ ധരിച്ചാണ് കരീന പരിപാടിക്ക് എത്തിയത്. വസ്ത്രത്തിന് ഇണങ്ങുന്ന നെക്ലേസും താരം അണിഞ്ഞിരുന്നു. 

കൃതി സനോൺ, തബു, ദിൽജിത് ദൊസഞ്ജ് എന്നിവർ ഒന്നിക്കുന്ന ദി ക്രൂവിലാണ് കരീന അടുത്തതായി അഭിനയിക്കുന്നത്. 

2000 ൽ പുറത്തിറങ്ങിയ റെഫ്യൂജി ആണ് രാജ്കപൂർ കുടുംബത്തിലെ അം​ഗമായ കരീനയുടെ ആദ്യ സിനിമ.

കരിയറിന്റെ ഏറ്റവും മികച്ച സമയത്ത് നിൽക്കവെയാണ് കരീന വിവാഹിതയാകുന്നത്. 2012 ലാണ് കരീനയും സെയ്ഫ് അലി ഖാനും വിവാഹിതരായത്. 

അഞ്ച് വര്‍ഷത്തെ ലിവ് ഇന്‍ റിലേഷന്‍ഷിപ്പിന് ശേഷമാണ് ഇരുവരും വിവാഹിതരായത്.

തൈമൂർ അലി ഖാൻ, ജഹാം​ഗീർ അലി ഖാൻ എന്നീ രണ്ട് മക്കളാണ് താരദമ്പതികൾക്കുള്ളത്.

Read More

• ലെഹങ്ക സെറ്റിൽ സ്റ്റൈലിഷായി നമിത പ്രമോദ്, ചിത്രങ്ങൾ
• 'വാലന്റൈൻസ് ഡേ എനർജി'; റെഡ് ഗൗണിൽ ഗ്ലാമർ ലുക്കി ജാൻവി കപൂർ, ചിത്രങ്ങൾ
• അനാർക്കലിയിൽ ബ്യൂട്ടി ക്വീനായി ഭാമ
• സ്റ്റൈലിഷ് ലുക്കിൽ ഫാഷൻ പ്രേമികളുടെ മനം കവർന്ന് സോനം കപൂർ