നേത്രാവതി എക്സ്പ്രസ് ഉൾപ്പെടെയുള്ള ട്രെയിൻ സർവ്വീസുകൾ ഓടില്ല; റദ്ദാക്കിയ ട്രയിനുകളറിയാം

തിരുവനന്തപുരം: കനത്ത മഴയെ തുടർന്ന് കൊങ്കൺ പാതയിലുണ്ടായ മണ്ണിടിച്ചിലിനെ തുടർന്ന് നാല് ട്രെയിനുകൾ റദ്ദാക്കിയതായി കൊങ്കൺ റെയിൽവെ അറിയിച്ചു. കൊങ്കൺ പാതയിലൂടെ പോകേണ്ട ഒരു ട്രെയിൻ പൻവേൽ വഴി വഴിതിരിച്ചു വിടുമെന്നും റെയിൽവേയുടെ അറിയിപ്പുണ്ട്. രത്നഗിരി മേഖലയിലെ ഖേഡിനും വിഹ്നേര സ്റ്റേഷനും ഇടയിലാണ് ട്രാക്കിലേക്ക് മണ്ണിടിഞ്ഞ് വീണിരിക്കുന്നത്. 

ട്രാക്കിൽ നിന്നും മണ്ണ് നീക്കി ട്രെയിൻ ഗതാഗതം പുനഃസ്ഥാപിക്കാൻ ശ്രമം നടക്കുന്നുണ്ടെങ്കിലും ഇതുവരെ പൂർത്തിയാക്കാൻ കഴിയാത്ത സാഹചര്യത്തിലാണ് ട്രയിൻ സർവ്വീസുകൾ റദ്ദാക്കിയിരിക്കുന്നത്. കേരളത്തിലേക്കുള്ള നേത്രാവതി എക്സ്പ്രസ് ഉൾപ്പടെയുള്ള ട്രയിനുകളാണ് റദ്ദാക്കിയിരിക്കുന്നത്.

റദ്ദാക്കുകയും വഴിതിരിച്ചു വിടുകയും ചെയ്ത ട്രെയിനുകളുടെ വിവരങ്ങൾ ചുവടെ

*ജൂലൈ 15ന് രാവിലെ 11.40ന് ലോകമാന്യ തിലക് ടെർമിനസിൽ നിന്ന് പുറപ്പെടേണ്ടിയിരുന്ന, ട്രെയിൻ നമ്പർ 16345 - ലോകമാന്യ തിലക് ടെർമിനസ് - തിരുവനന്തപുരം സെൻട്രൽ നേത്രാവതി എക്സ്പ്രസ് പൂർണമായി റദ്ദാക്കി.

*ജൂലൈ 17ന് തിരുവനന്തപുരം സെൻട്രലിൽ നിന്ന് രാവിലെ 9.15ന് പുറപ്പെടേണ്ട ട്രെയിൻ നമ്പർ - 16346 - തിരുവനന്തപുരം സെൻട്രൽ - ലോകമാന്യ തിലക് ടെർമിനസ് നേത്രാവതി എക്സ്പ്രസ് പൂർണമായി റദ്ദാക്കി.

*ജൂലൈ 15ന് ലോകമാന്യ തിലക് ടെർമിനസിൽ നിന്ന് പുറപ്പെടേണ്ട ട്രെയിൻ നമ്പർ 12201 - ലോകമാന്യ തിലക് ടെർമിനസ് - കൊച്ചുവേളി ഗരീബ്‍രഥ് എക്സ്പ്രസ് പൂർണമായി റദ്ദാക്കി.

*ജൂലൈ 18ന് കൊച്ചുവേളിയിൽ നിന്ന് പുറപ്പെടേണ്ട ട്രെയിൻ നമ്പർ 12202 - കൊച്ചുവേളി - ലോകമാന്യ തിലക് ഗരീബ്‍രഥ് എക്സ്പ്രസ് പൂർണമായി റദ്ദാക്കി.

*ജൂലൈ 14ന് അമൃത്സറിൽ നിന്ന് പുറപ്പെട്ട ട്രെയിൻ നമ്പർ 12484 - അമൃത്സർ - കൊച്ചുവേളി എക്സ്പ്രസ് പൻവേൽ, ലോണാവാല, പൂനെ ജംഗ്ഷൻ, മിരാജ്, ലോണ്ട വഴിയാവും സർവ്വീസ് നടത്തുകയെന്നും റെയിൽവെ അറിയിച്ചു.

Read More

• ആമയിഴഞ്ചാൻ തോട്ടിലെ അപകടം: കേസെടുത്ത് മനുഷ്യാവകാശ കമ്മിഷൻ

• രക്ഷദൗത്യം തുടരുന്നു; തെരച്ചിലിനായി നാവികസേന
• പിണറായി വിജയൻ പൂർണ സംഘിയായി മാറി; രൂക്ഷമായി വിമർശിച്ച് കെ.മുരളീധരൻ
• മുഖ്യമന്ത്രി മറന്നെങ്കിലും ഉമ്മൻചാണ്ടിയെ ഓർത്തെടുത്ത് സ്പീക്കർ