സുരേഷ് ഗോപിയെ കാണാനില്ല; പോലീസിൽ പരാതി

തൃശൂർ: കേന്ദ്രമന്ത്രിയും തൃശൂരിൽ നിന്നുള്ള എംപിയുമായ സുരേഷ് ഗോപിയെ കാണാനില്ലെന്ന് പരാതി. സുരേഷ് ഗോപിയെ തൃശൂർ മണ്ഡലത്തിൽ കാണാനില്ലെന്ന് ചൂണ്ടിക്കാട്ടി കെഎസ്‌യു തൃശൂർ ജില്ലാ പ്രസിഡന്റ് ഗോകുൽ ഗുരുവായൂർ തൃശൂർ ഈസ്റ്റ് പോലീസ് സ്റ്റേഷനിലാണ് പരാതി നൽകിയത്.

Also Read:സംസ്ഥാനത്ത് മഴ തുടരും; മത്സ്യതൊഴിലാളികൾക്ക് ജാഗ്രതാ നിർദേശം

ഛത്തീസ്ഗഡിൽ കന്യാസ്ത്രീകളെ അറസ്റ്റു ചെയ്തശേഷം കേന്ദ്രമന്ത്രിയും തൃശൂർ എംപിയുമായ സുരേഷ്‌ഗോപിയെ മണ്ഡലത്തിൽ കാണാനില്ലെന്ന് പരാതിയിൽ പറയുന്നു. സുരേഷ്‌ഗോപിയുടെ തിരോധാനത്തിനു പിന്നിൽ ആരാണെന്നും, അദ്ദേഹം എവിടെയാണെന്നും കണ്ടെത്തണമെന്നും പരാതിയിൽ ആവശ്യപ്പെടുന്നു.

Also Read:അതുല്യയുടെ മരണം; ഭർത്താവ് സതീഷ് പിടിയിൽ

സുരേഷ് ഗോപിയുടെ തൃശൂരിലെ ഓഫീസിൽ പലകുറി അന്വേഷിട്ടും എംപി എവിടുന്ന് വിവരം ലഭിച്ചില്ലെന്നും അതിനാലാണ് പരാതി നൽകിയതെന്നും ഗോകുൽ ഏഷ്യാനെറ്റ് ന്യൂസിനോട് പ്രതികരിച്ചു. എംപിയുടെ ഓഫീസിൽ ഉള്ളവർക്ക് പോലും ഇത് സംബന്ധിച്ചുള്ള വിവരം ഇല്ലെന്നും ഗോകുൽ ഏഷ്യാനെറ്റ് ന്യൂസിനോട് പറഞ്ഞു.

Also Read:കോഴിക്കോട് സഹോദരിമാരുടെ കൊലപാതകം; സഹോദരനെ കണ്ടെത്താൻ ലുക്കൗട്ട് നോട്ടീസ്

നേരത്തെ സൂരേഷ് ഗോപിയ്‌ക്കെതിരെ പരോക്ഷ പരിഹാസവുമായി ഓർത്തഡോക്‌സ് സഭ തൃശൂർ ഭദ്രാസനാധിപൻ യൂഹാനോൻ മാർ മിലിത്തിയോസ് രംഗത്തെത്തിയിരുന്നു. ഡൽഹിയിലേക്ക് അയച്ച നടനെ കാണാനില്ലെന്നാണ് ബിഷപ്പ് ഫെയ്‌സ് ബുക്കിൽ കുറിച്ചത്.

സുരേഷ് ഗോപിയെ കാണാനില്ലെന്ന് വിദ്യാഭ്യാസ മന്ത്രി വി ശിവൻകുട്ടിയും പ്രതികരിച്ചിരുന്നു. എന്നാൽ വിഷയത്തിൽ സുരേഷ് ഗോപി ഇതുവരെയും പ്രതികരിച്ചിട്ടില്ല.

Read More: ചേർത്തലയിലെ സ്ത്രീകളുടെ തിരോധാനം;  സെബാസ്റ്റ്യന്റെ കാറിൽ നിന്ന് നിർണായക തെളിവുകൾ