ലൈംഗികാതിക്രമ കേസിൽ നിവിൻ പോളിയെ പോലീസ് ചോദ്യം ചെയ്തു

കൊച്ചി: ലൈംഗികാതിക്രമ കേസിൽ നിവിൻ പോളിയെ പ്രത്യേക അന്വേഷണ സംഘം ചോദ്യം ചെയ്തു. കൊച്ചിയിൽ വച്ചാണ് നടനെ ചോദ്യം ചെയ്തത്. സിനിമയിൽ അവസരം വാഗ്‌ദാനം ചെയ്ത് ദുബായിൽവച്ച് കൂട്ടബലാത്സംഗം ചെയ്തുവെന്നാണ് നിവിനെതിരായ നടിയുടെ പരാതി. കേസിൽ നിവിൻ ഉൾപ്പെടെ ആറു പ്രതികളാണുള്ളത്.

അതേസമയം, തനിക്കെതിരായ ഗൂഢാലോചന സംബന്ധിച്ച് നിവിൻ നൽകിയ പരാതിയിലും മൊഴി എടുത്തു. തനിക്കെതിരായ പീഡന പരാതിക്കു പിന്നിൽ ഗൂഢാലോചനയുള്ളതായി സംശയിക്കുന്നുവെന്നും സിനിമയിൽ ഉള്ളവരാണ് ഇതിനു പിന്നിലെന്നുമാണ് സംശയിക്കുന്നതെന്ന് ചൂണ്ടിക്കാട്ടി പ്രത്യേക അന്വേഷണ സംഘത്തലവനായ ക്രൈം ബ്രാഞ്ച് എഡിജിപി എച്ച്.വെങ്കടേഷിന് നിവിൻ പോളി പരാതി നൽകിയിരുന്നു. ഗൂഢാലോനയിൽ അന്വേഷണം വേണമെന്നും നടൻ ആവശ്യപ്പെട്ടിരുന്നു.

ഹേമ കമ്മിറ്റി റിപ്പോർട്ട് പുറത്തുവന്നതിനു പിന്നാലെയാണ് നിവിൻ പോളിക്കെതിരെ ലൈംഗികാതിക്രമ പരാതിയുമായി യുവതി രംഗത്തുവന്നത്. അവസരം വാ​ഗ്‌ദാനം ചെയ്ത് ദുബായിൽ ഹോട്ടൽ മുറിയിൽവെച്ച് ലൈം​ഗികമായി പീഡിപ്പിച്ചു എന്നായിരുന്നു ആരോപണം. എന്നാൽ, ആരോപണം നിവിൻ പോളി നിഷേധിച്ചിരുന്നു. പരാതിക്കാരിയുടെ വാദങ്ങൾ തെറ്റാണെന്ന് വിനീത് ശ്രീനിവാസൻ, നടി പാർവതി കൃഷ്ണ, ഭ​ഗത് മാനുവൽ തുടങ്ങിയവരും പറഞ്ഞിരുന്നു. 

Read More

• അജിത് കുമാറിന് മുകളിൽ ഒരു പരുന്തും പറക്കില്ലെന്ന് പിവി അൻവർ
• അൻവറിന് പിന്നിൽ മതമൗലികവാദ സംഘടനകൾ: പാലൊളി മുഹമ്മദ് കുട്ടി
• സിദ്ദിഖിന് ആശ്വാസം: അറസ്റ്റ് രണ്ടാഴ്ചത്തേക്ക് തടഞ്ഞ് സുപ്രീം കോടതി
• ഒറ്റയ്ക്ക് പാർട്ടിയുണ്ടാക്കാനില്ല; മുഖ്യമന്ത്രിക്കെതിരെ രൂക്ഷ വിമർശനവുമായി പി.വി അൻവർ