രാഹുൽ മാങ്കൂട്ടത്തിലിന് സസ്പെൻഷൻ; രാജിയില്ല, എംഎൽഎ ആയി തുടരും

തിരുവനന്തപുരം: ലൈംഗിക ആരോപണങ്ങളിൽ കോൺഗ്രസ് എംഎൽഎ രാഹുൽ മാങ്കൂട്ടത്തിലിനെതിരെ കോൺഗ്രസ് നടപടി. പാർട്ടിയുടെ പ്രാഥമിക അംഗത്വത്തിൽനിന്ന് സസ്പെൻഡ് ചെയ്തു. 6 മാസത്തേക്കാണ് സസ്പെൻഡ് ചെയ്തിരിക്കുന്നത്. എംഎൽഎ സ്ഥാനത്ത് രാഹുൽ തുടരും. രാഹുലിനെതിരായ ആരോപണങ്ങളിൽ പാര്‍ട്ടി അന്വേഷണവും ഉണ്ടാകില്ല.

പാർട്ടിയിൽനിന്ന് സസ്പെൻഡ് ചെയ്തതോടെ രാഹുലിന്റെ രാജിയെന്ന ആവശ്യത്തിൽനിന്നും കോൺഗ്രസ് പിന്മാറി. എംഎൽഎ സ്ഥാനം രാജിവച്ചാൽ പാലക്കാട് ഉപതിരഞ്ഞെടുപ്പ് വരുമ്പോൾ പാർട്ടിക്ക് അത് തിരിച്ചടിയാകുമെന്ന കണക്കുകൂട്ടലിലാണ് കോൺഗ്രസ് നേതൃത്വം. ഇതോടെയാണ് രാഹുൽ എംഎൽഎ സ്ഥാനം രാജിവയ്ക്കണമെന്ന ആവശ്യത്തിൽനിന്നും കോൺഗ്രസ് പിന്മാറുന്നതെന്ന് സ്ഥിരീകരിക്കാത്ത റിപ്പോർട്ടുകളുണ്ട്. 

Also Read: 'പരിഹസിച്ചു, കുറ്റപ്പെടുത്തി, സ്തുതിപാടിയവർ വിമർശകരായി, പരിഭവങ്ങൾ ഇല്ലാതെ അയാൾ പോരാടുന്നു;' കുറിപ്പുമായി രാഹുൽ

രാഹുൽ മാങ്കൂട്ടത്തിലിന്റെ രാജിയിൽ തീരുമാനം സംസ്ഥാന നേതൃത്വത്തിന് വിട്ടിരിക്കുകയാണ് ഹൈക്കമാൻഡ്. രാഹുൽ എംഎൽഎ സ്ഥാനം രാജി വയ്ക്കണമെന്നാവശ്യം ശക്തമാകുന്നതിനിടയിൽ കോൺഗ്രസിനുള്ളിൽ രണ്ട് അഭിപ്രായം ഉയരുന്നുണ്ട്. രാഹുൽ ഉടൻ രാജിവയ്ക്കണമെന്ന് ഒരു വിഭാഗം ആവശ്യപ്പെടുമ്പോൾ തത്കാലം രാജി വേണ്ടെന്നാണ് മറുവിഭാഗം ആവശ്യപ്പെടുന്നത്. 

പ്രതിപക്ഷ നേതാവ് വി.ഡി.സതീശൻ ഉൾപ്പെടെയുള്ളവർ രാഹുൽ രാജി വയ്ക്കണമെന്ന അഭിപ്രായമുള്ളവരാണ്. തിരഞ്ഞെടുപ്പ് പടിവാതിക്കൽ എത്തിനിൽക്കെ രാഹുലിന്റെ രാജി അനുയോജ്യമാണെന്നാണ് ഇവരുടെ വാദം. മുതിർന്ന നേതാവ് രമേശ് ചെന്നിത്തല ഉൾപ്പടെയുള്ളവർ ഈ അഭിപ്രായത്തിനെ പിന്തുണയ്ക്കുന്നവരാണ്. 

Also Read: 'ചേട്ടനെ കുടുക്കാൻ ശ്രമമെന്ന് അവന്തിക പറഞ്ഞു;' ശബ്ദരേഖ പുറത്തുവിട്ട് രാഹുൽ മാങ്കൂട്ടത്തിൽ എംഎൽഎ

എംഎൽഎ സ്ഥാനം രാജിവയ്ക്കുകയാണെങ്കിൽ പാർട്ടിക്ക് വിവാദങ്ങളെ മറികടന്ന് മുന്നോട്ടു പോകാൻ കഴിയുമെന്നാണ് ഇവരുടെ കണക്കുകൂട്ടൽ. ഇതുവഴി സമാന ആരോപണം നേരിടുന്ന എംഎൽഎമാരെ സംരക്ഷിക്കുന്ന സിപിഎമ്മിനെ രാഷ്ട്രീയമായി നേരിടാമെന്നും പറയുന്നു. വരുന്ന തിരഞ്ഞെടുപ്പിൽ ഇത് ഗുണം ചെയ്യുമെന്നും രാജിയെ പിന്തുണയ്ക്കുന്ന നേതാക്കന്മാർ അഭിപ്രായപ്പെടുന്നു.

Also Read: രാഹുൽ മാങ്കൂട്ടത്തിലിന്റെ രാജി; നിയമോപദേശം തേടി കോൺഗ്രസ്

എംഎൽഎ സ്ഥാനം രാജിവയ്ക്കുന്നത് പോലുള്ള കടുത്ത തീരുമാനം തിരക്കിട്ട് എടുക്കരുതെന്നാണ് ഒരു വിഭാഗം നേതാക്കളുടെ നിലപാട്. വീണ്ടുമൊരു ഉപതിരഞ്ഞെടുപ്പ് വരുമോയെന്ന ആശങ്കയും രാജിയെ എതിർക്കുന്നവർക്കുണ്ട്. 

Read More: രാഹുൽ മാങ്കൂട്ടത്തിലിന്റെ രാജി; കോൺഗ്രസ് നേതാക്കൾ രണ്ട് തട്ടിൽ