Rahul Mamkootathil: 'ചേട്ടനെ കുടുക്കാൻ ശ്രമമെന്ന് അവന്തിക പറഞ്ഞു;' ശബ്ദരേഖ പുറത്തുവിട്ട് രാഹുൽ മാങ്കൂട്ടത്തിൽ എംഎൽഎ

പത്തനംതിട്ട: ലൈംഗിക ചൂഷണ ആരോപണവുമായി ബന്ധപ്പെട്ട് രാജി ആവശ്യം ഉയരുന്ന പശ്ചാത്തലത്തിൽ പ്രതികരണവുമായി രാഹുൽ മാങ്കൂട്ടത്തിൽ എംഎൽഎ. കോണ്‍ഗ്രസ് പാർട്ടി പ്രതിസന്ധിയിലാകരുതെന്നും പാർട്ടി പ്രവർത്തകർ തലകുനിക്കേണ്ട അവസ്ഥ ഉണ്ടാകരുതെന്ന് ആഗ്രഹിക്കുന്ന ഒരാളാണ് താനെന്നും രാഹുല്‍ മാങ്കൂട്ടത്തില്‍ പറഞ്ഞു. 

ട്രാൻസ് വുമൺ അവന്തികയുടെ ആരോപണവുമായി ബന്ധപ്പെട്ട ഫോൺ സംഭാഷണവും രാഹുൽ പുറത്തുവിട്ടു. അവന്തികയും ഒരു മാധ്യമപ്രവര്‍ത്തകനും തമ്മിൽ നടന്ന ഫോൺ സംഭാഷണമാണ് രാഹുല്‍ പുറത്തുവിട്ടത്. രാഹുലിനെതിരെ ആരോപണം ഉണ്ടോ എന്ന് മാധ്യമ പ്രവര്‍ത്തകന്‍ അവന്തികയോട് ചോദിക്കുന്നതും,  ആരോപണം ഇല്ലെന്നാണ് അവന്തിക മറുപടിയായി പറയുന്നതുമാണ് സംഭാഷണത്തിലുള്ളത്.

Also Read: രാഹുൽ മാങ്കൂട്ടത്തിലിന്റെ രാജി; നിയമോപദേശം തേടി കോൺഗ്രസ്

'ഓഗസ്റ്റ് ഒന്നിന് രാത്രി അവന്തിക ഫോണിൽ വിളിച്ചിരുന്നു. തന്നെ ഒരു റിപ്പോർട്ടർ വിളിച്ചിരുന്നെന്നും മോശം അനുഭവം ഉണ്ടായോ എന്നും പരാതി ഉണ്ടോ എന്ന് ചോദിച്ചതായും അവന്തിക പറഞ്ഞു. ചേട്ടനെ കുടുക്കാനുള്ള ശ്രമമായിട്ടു തോന്നിയെന്ന് അവന്തിക പറഞ്ഞു. അവന്തിക തന്നെ ഇങ്ങോട്ട് വിളിച്ചതാണെ'ന്നും രാഹുൽ പറഞ്ഞു. 

രാജിയുമായി ബന്ധപ്പെട്ട് പ്രതികരണം നടത്താൻ രാഹുൽ തയ്യാറായില്ല. അതേസമയം, രാഹുലിന്റെ രാജിയിൽ കെപിസിസി നിയമോപദേശം തേടാനൊരുങ്ങിയെന്നാണ് വിവരം. രാഹുൽ രാജിവെച്ചാൽ ഉപതിരഞ്ഞെടുപ്പ് വേണ്ടിവരുമോ എന്നതിൽ ഉപദേശം തേടും. രാഹുൽ മാങ്കൂത്തിലിൻറെ രാജിയിൽ തീരുമാനം സംസ്ഥാന നേതൃത്വത്തിന് വിട്ടിരിക്കുകയാണെന്നാണ് ഹൈക്കമാൻഡ് വ്യക്തമാക്കിയിരിക്കുന്നത്. രാഹുലിനെ ഹൈക്കമാൻഡും കെപിസിസി നേതൃത്വവും പൂർണമായി കൈവിട്ടെന്ന് മനോരമ ന്യൂസ് റിപ്പോർട്ട് ചെയ്യുന്നു. 

Also Read:രാഹുൽ മാങ്കൂട്ടത്തിലിന്റെ രാജി; കോൺഗ്രസ് നേതാക്കൾ രണ്ട് തട്ടിൽ

അതിനിടെ, രാഹുലുമായി ബന്ധപ്പെട്ട വിവാദത്തിൽ നിലപാട് കടുപ്പിച്ച് മുതിർന്ന കോൺഗ്രസ് നേതാവ് രമേശ് ചെന്നിത്തല ഇന്ന് രംഗത്തെത്തിയിരുന്നു. രാഹുൽ മാങ്കൂട്ടത്തിലിനെ ഒരുനിമിഷം പോലും എംഎൽഎ സ്ഥാനത്ത് തുടരാൻ അനുവദിക്കരുതെന്നും എത്രയും വേഗം രാജിവെപ്പിക്കണമെന്നും അദ്ദേഹം ആവശ്യപ്പെട്ടു. കെപിസിസി അധ്യക്ഷനെയും എഐസിസി നേതൃത്വത്തെയും രമേശ് ചെന്നിത്തല നിലപാട് അറിയിച്ചു. കൂടുതൽ വെളിപ്പെടുത്തലുകൾ ഉണ്ടാകാനും സാധ്യതയുണ്ടെന്ന് രമേശ് ചെന്നിത്തല പറഞ്ഞു.

Read More: യൂത്ത് കോൺ​ഗ്രസ് അധ്യക്ഷ സ്ഥാനം രാജിവെച്ച് രാഹുൽ മാങ്കൂട്ടത്തിൽ