Rahul Mamkootathil: യൂത്ത് കോൺ​ഗ്രസ് അധ്യക്ഷ സ്ഥാനം രാജിവെച്ച് രാഹുൽ മാങ്കൂട്ടത്തിൽ

Rahul Mamkootathil: തിരുവനന്തപുരം: യുവനടി ഉന്നയിച്ച ആരോപണം തനിക്കെതിരെയെന്ന് കരുതുന്നില്ലെന്ന് യൂത്ത് കോൺഗ്രസ് സംസ്ഥാന അധ്യക്ഷനും പാലക്കാട് എംഎൽഎയുമായ രാഹുൽ മാങ്കൂട്ടത്തിൽ. യുവനടി തൻ്റെ അടുത്ത സുഹൃത്താണ്. ആരോപണം തനിക്കെതിരെയാണെന്ന് കരുതുന്നില്ലെന്നും രാഹുൽ മാധ്യമങ്ങളോട് പ്രതികരിച്ചു.

Also Read:രാഹുൽ മാങ്കൂട്ടത്തിലിനെതിരെ പ്രതിഷേധം ശക്തം; നടപടി വേണമെന്ന് കോൺഗ്രസ് നേതാക്കൾ

ആരോപണങ്ങളുടെ പശ്ചാത്തലത്തിൽ യൂത്ത് കോൺ​ഗ്രസ് അധ്യക്ഷ സ്ഥാനം രാജിവയ്ക്കുന്നു എന്നും രാഹുൽ മാധ്യമങ്ങളെ അറിയിച്ചു.

തന്റെ രാജി ആരും ആവശ്യപ്പെട്ടില്ലെന്നും രാഹുൽ മാങ്കൂട്ടത്തിൽ പറഞ്ഞു. കെപിസിസി, എഐസിസി നേതൃത്വവുമായി താൻ സംസാരിച്ചിരുന്നു. ആരും തൻ്റെ രാജി ആവശ്യപ്പെട്ടിട്ടില്ല. തൻ്റെ പേര് ഇതുവരെ പരാതിയായി വന്നിട്ടില്ലെന്നും രാഹുൽ ആവർത്തിച്ചു.

Also Read:യുവനടിയുടെ ആരോപണം; മുഖം നോക്കാതെ നടപടിയെടുക്കും: വിഡി സതീശൻ

ഓഡിയോ സന്ദേശം വ്യാജമായി നിർമിക്കുന്ന കാലഘട്ടമാണെന്നും താൻ രാജ്യത്തെ നിയമസംഹിതയിൽ വിശ്വസിക്കുന്നുണ്ടെന്നും രാഹുൽ പറഞ്ഞു. എഴുത്തുകാരി ഹണി ഭാസ്‌കരിന്റെ ആരോപണങ്ങളും രാഹുൽ നിഷേധിച്ചു. തനിക്കെതിരെ ആരോപണങ്ങൾ ഉണ്ടെങ്കിൽ ഹണി നിയമപരമായി മുന്നോട്ടുപോകണമെന്നും രാഹുൽ മാങ്കൂട്ടത്തിൽ പ്രതികരിച്ചു. തനിക്കെതിരെ പരാതി വന്നാൽ നിയമപരമായി നേരിടുമെന്നും രാഹുൽ മാങ്കൂട്ടത്തിൽ പ്രതികരിച്ചു. 

Also Read:തനിക്കെതിരെ രൂക്ഷമായ സൈബർ ആക്രമണം: റിനി ആൻ ജോർജ്

അതേസമയം, രാഹുൽ എംഎൽഎ സ്ഥാനം രാജിവെക്കണമെന്നാവശ്യപ്പെട്ട് സിപിഎമ്മും ബിജെപിയും പ്രതിഷേധം ശക്തമാക്കിയിരിക്കുകയാണ്. മഹിളാ മോർച്ചയുടെ നേതൃത്വത്തിൽ പാലക്കാട് രാഹുൽ മാങ്കൂട്ടത്തിലിൻ്റെ എംഎൽഎ ഓഫീസിലേക്ക് പ്രതിഷേധ പ്രകടനം നടത്തി. ഡിവൈഎഫ്‌ഐയുടെ നേതൃത്വത്തിൽ സംസ്ഥാന വ്യാപകമായി പ്രതിഷേധം നടത്തുകയാണ്.

Read More:യുവനേതാവിനെതിരെ ഗുരുതര വെളിപ്പെടുത്തലുമായി യുവ നടി