കേന്ദ്രത്തിലും കേരളത്തിലും കോൺഗ്രസ് അധികാരത്തിലെത്തും, എല്ലാ പ്രശ്നങ്ങളും പരിഹരിക്കും: രാഹുൽ ഗാന്ധി

സുൽത്താൻ ബത്തേരി: കേന്ദ്രത്തിലും കേരളത്തിലും കോൺഗ്രസ് അധികാരത്തിൽ എത്തുമെന്ന് രാഹുൽ ഗാന്ധി. കോൺഗ്രസ് അധികാരത്തിൽ എത്തിയാൽ എല്ലാ പ്രശ്നങ്ങളും പരിഹരിക്കും. കോൺഗ്രസ് കേന്ദ്രത്തിൽ വന്നാൽ നിലമ്പൂര്‍ റെയിൽവെ സ്റ്റേഷന്റെ വികസനം യാഥാര്‍ത്ഥ്യമാക്കുമെന്നും രാഹുൽ പറഞ്ഞു. വയനാട് ലോക്‌സഭാ മണ്ഡലത്തിൽ പ്രചാരണത്തിന്റെ ഭാഗമായി സുൽത്താൻ ബത്തേരിയിൽ ജനങ്ങളോട് സംസാരിക്കുകയായിരുന്നു അദ്ദേഹം.

വൻകിടക്കാരുടെ കടങ്ങൾ മോദി എഴുതി തള്ളി. 16ലക്ഷം കോടി രൂപയാണ് മോദി സർക്കാർ എഴുതി തള്ളിയത്. 2024ൽ ഇന്ത്യ മുന്നണി അധികാരത്തിൽ വന്നാൽ കർഷകരുടെ കടം എഴുതി തള്ളും. ഈ രാജ്യത്തെ അതി സമ്പന്നരുടെ കടം എഴുതി തള്ളിയ സർക്കാരിന് അതി ദരിദ്രരായ കർഷകരുടെ കടം എഴുതി തള്ളൻ കഴിയണമെന്നും രാഹുൽ പറഞ്ഞു.

വയനാട്ടിലേക്ക് വരുമ്പോൾ വീട്ടിലേക്ക് വന്ന പ്രതീതിയാണ്. വയനാട്ടിൽ വരാതിരിക്കുമ്പോൾ ലോകത്തെ മികച്ച ഭൂമിയാണ് നഷ്ടപ്പെടുത്തുന്നതെന്ന് താൻ പറയാറുണ്ടെന്നും രാഹുൽ പറഞ്ഞു. 

വയനാട് ജില്ലയിൽ ഇന്നു രാഹുൽ ഗാന്ധിക്ക് ആറു പരിപാടികളാണുള്ളത്. ബത്തേരി, മാനന്തവാടി, വെള്ളമുണ്ട, പടിഞ്ഞാറത്തറ എന്നിവടിങ്ങളിൽ റോഡ് ഷോ നടത്തും. നാളെയും വയനാട് ലോക്സഭാ മണ്ഡലത്തിലെ വിവിധ പരിപാടികളിൽ രാഹുൽ പങ്കെടുക്കും. 18നു കണ്ണൂർ, പാലക്കാട്, കോട്ടയം എന്നിവിടങ്ങളിൽ രാഹുൽ പ്രചാരണത്തിനെത്തും. 22 നു തൃശൂർ, തിരുവനന്തപുരം, ആലപ്പുഴ എന്നിവിടങ്ങളിലും രാഹുൽ റാലികളിൽ പങ്കെടുക്കും.

Read More

• തൃശൂരിൽ മുരളീധരൻ മൂന്നാമതാകും: പത്മജ വേണുഗോപാൽ
• 'കാലഹരണപ്പെട്ട നേതാവ്, സംസ്ക്കാരമില്ലാത്തവർക്ക് മറുപടിയുമില്ല'; ഹസനെതിരെ തിരിച്ചടിച്ച് അനിൽ ആന്റണി
• അബ്ദുൽ റഹീമിൻ്റെ മോചനത്തിനായുള്ള നടപടികൾ ആരംഭിച്ച് ഇന്ത്യൻ എംബസി
• 'അനിൽ ആന്റണി യൂദാസിന്റെ പുതിയ അവതാരം'; ജയിച്ചാൽ കാക്ക മലർന്നു പറക്കുമെന്ന് എം എം ഹസൻ