എന്നെ പോലെ ആരും സൈബർ ആക്രമണം നേരിട്ടിട്ടില്ല: രമേശ് ചെന്നിത്തല

Ramesh Chennithala in Varthamanam Podcast: രാഷ്ട്രീയത്തിൽ ഏറ്റവുമധികം സൈബർ ആക്രമണങ്ങൾ നേരിട്ട വ്യക്തിയാണ് താനെന്നും പാർട്ടിയ്ക്കുള്ളിൽ നിന്നുപോലും ഇത്തരത്തിലുള്ള ആക്രമണങ്ങൾ നേരിടേണ്ടി വന്നിട്ടുണ്ടെന്നും മുതിർന്ന കോൺഗ്രസ് നേതാവും മുൻ പ്രതിപക്ഷ നേതാവുമായ രമേശ് ചെന്നിത്തല. ഇന്ത്യൻ എക്‌സ്പ്രസ് മലയാളം പോഡ്കാസ്റ്റ് പരിപാടി വർത്തമാനത്തിലാണ് ചെന്നിത്തല തന്റെ നിലപാടുകൾ വ്യക്തമാക്കിയത്. 

Also Read:സിപിഎമ്മല്ല കോൺഗ്രസ്; രാഹുൽ മാങ്കൂട്ടത്തിലിനെതിരായ നടപടി അനിവാര്യം: രമേശ് ചെന്നിത്തല

"പ്രതിപക്ഷ നേതാവായിരിക്കെ, താൻ നേരിട്ടതുപോലെ സൈബർ ആക്രമണം മറ്റാരും നേരിട്ടിട്ടില്ല. പാർട്ടിയ്ക്കുള്ളിൽ നിന്ന് പോലും ഇത്തരം സൈബർ ആക്രമണങ്ങൾ നേരിട്ടു. എന്നാൽ ഇതിൽ താൻ അസ്വസ്ഥനായില്ല. ഇതൊക്കെ ഇതിന്റെ ഭാഗമാണെന്ന് കരുതി. പക്ഷെ പാർട്ടിയ്ക്കുള്ളിൽ നിന്നുള്ള ഇത്തരം സൈബർ ആക്രമണങ്ങൾ പാർട്ടിയ്ക്ക് ദോഷം ചെയ്യും."- രമേശ് ചെന്നിത്തല അഭിപ്രായപ്പെട്ടു. 

Also Read in English:Congress needs to present a united front, step up heat on unpopular LDF govt in Kerala, says Chennithala

റീൽസ് രാഷ്ട്രീയത്തപ്പറ്റിയും ചെന്നിത്തല തന്റെ അഭിപ്രായം വ്യക്തമാക്കി. റീൽസ് രാഷ്ട്രീയം കാലഘട്ടത്തിന്റെ ആവശ്യമാണെന്നും എന്നാൽ അത് മറ്റുള്ളവരെ മോശമായി ചിത്രീകരിക്കാനവരുതെന്നും ചെന്നിത്തല പറഞ്ഞു. "ഇന്നത്തെ കാലത്ത് സാമൂഹികമാധ്യമങ്ങളുടെ സ്വാധീനം വളരെ വലുതാണ്. സാമൂഹിക മാധ്യമങ്ങളെ ഉപയോഗിച്ച് പ്രധാനമന്ത്രി പദത്തിലെത്തിയ വ്യക്തിയാണ് നരേന്ദ്ര മോദി. അതിനാൽ സാമൂഹിക മാധ്യമങ്ങളുടെ പങ്ക് കുറച്ചുകാണരുത്. എന്നാൽ അനാവശ്യ കാര്യങ്ങൾക്കും മറ്റുള്ളവരെ മോശമായി ചിത്രീകരിക്കാനും അവ ഉപയോഗിക്കരുത്". - ചെന്നിത്തല പറഞ്ഞു. 

Also Read:പച്ചവെള്ളത്തിന് തീപിടിക്കുന്ന വർഗീയത കേരളത്തിലുണ്ട്; വിഡി സതീശൻ

വരുന്ന തിരഞ്ഞെടുപ്പിൽ ഭരണത്തിലെത്തുന്നതിനാണ് യുഡിഎഫ് പ്രഥമ പരിഗണന നൽകുന്നതെന്നും മുഖ്യമന്ത്രിയെ പിന്നീട് ജനങ്ങൾ തീരുമാനിക്കുമെന്നും അദ്ദേഹം പറഞ്ഞു. "നിലവിലെ എൽഡിഎഫ് സർക്കാരിനെതിരെ ജനവികാരം ശക്തമാണ്. യുഡിഎഫിന് അനുകൂലമായ സാഹചര്യമാണ് നിലവിലുള്ളത്. ജനങ്ങൾക്ക് യുഡിഎഫിൽ വിശ്വാസമുണ്ട്. മുഖ്യമന്ത്രി ആരെന്ന് ചോദ്യത്തിന് ഇപ്പോൾ പ്രസ്‌ക്തിയില്ല. മുഖ്യമന്ത്രിയെ തീരുമാനിക്കുന്നതിന് കോൺഗ്രസിനുള്ളിൽ ഒരു കീഴ്വഴക്കമുണ്ട്. അതനുസരിച്ച് മുന്നോട്ടുപോകും. മുഖ്യമന്ത്രി ആരാകണമെന്നതിൽ അന്തിമ തീരുമാനം ഹൈക്കമാൻഡ് സ്വീകരിക്കും."-ചെന്നിത്തല പറഞ്ഞു.

കോൺഗ്രസിന് ഒരു മുഖ്യമന്ത്രി സ്ഥാനാർഥി ഇല്ലേയെന്ന് ചോദ്യം സ്വഭാവികമായി ഉയരും. പക്ഷെ, ജനങ്ങൾക്ക് യുഡിഎഫിൽ വിശ്വാസമുണ്ട്. ശരിയായ തീരുമാനം കോൺഗ്രസ് എടുക്കുമെന്ന് ജനങ്ങൾക്കറിയാമെന്നും രമേശ് ചെന്നിത്തല പറഞ്ഞു.

Read More:ഭരണത്തിലെത്തുന്നത് മുഖ്യം, യുഡിഎഫിന്റെ മുഖ്യമന്ത്രിയെ ജനങ്ങൾ തീരുമാനിക്കും: രമേശ് ചെന്നിത്തല