Ramesh Chennithala in Varthamanam Podcast: സിപിഎമ്മല്ല കോൺഗ്രസ്; രാഹുൽ മാങ്കൂട്ടത്തിലിനെതിരായ നടപടി അനിവാര്യം: രമേശ് ചെന്നിത്തല

Ramesh Chennithala in Varthamanam Podcast:അനിവാര്യമായത് കൊണ്ടാണ് യുവനേതാവ് രാഹുൽ മാങ്കൂട്ടത്തിലിനെതിരെ കോൺഗ്രസ് നടപടിയെടുത്തതെന്ന മുതിർന്ന കോൺഗ്രസ് നേതാവും മുൻ പ്രതിപക്ഷ നേതാവുമായ രമേശ് ചെന്നിത്തല. ഇന്ത്യൻ എക്‌സ്പ്രസ് മലയാളം പോഡ്കാസ്റ്റ് പരിപാടി വർത്തമാനത്തിലാണ് ചെന്നിത്തല തന്റെ നിലപാട് വ്യക്തമാക്കിയയത്. 

Also Read in English: Congress needs to present a united front, step up heat on unpopular LDF govt in Kerala, says Chennithala

ഏറെ പ്രതീക്ഷയുള്ള നേതാവായിരുന്നു രാഹുലെന്നും എന്നാൽ അദ്ദേഹത്തിനെതിരായി വന്ന കാര്യങ്ങൾ കോൺഗ്രസിന് അംഗീകരിക്കാൻ കഴിയാത്തതാണെന്നും രമേശ് ചെന്നിത്തല പറഞ്ഞു.

Also Read:പച്ചവെള്ളത്തിന് തീപിടിക്കുന്ന വർഗീയത കേരളത്തിലുണ്ട്; വിഡി സതീശൻ

"രാഹുൽ മാങ്കുട്ടത്തിലിനെതിരെ ആദ്യം ആരോപണങ്ങൾ വന്നപ്പോൾ യൂത്ത് കോൺഗ്രസ് അധ്യക്ഷ സ്ഥാനം രാജിവെച്ചു. എന്നാൽ പിന്നീട് തുടർച്ചയായി തെളിവുകൾ വന്നപ്പോഴാണ് പാർട്ടിയുടെ പ്രാഥമിക അംഗത്വത്തിൽ നിന്ന്് മാറ്റിനിർത്തിയത്. രാഹുലിനെതിരെ കേസെടുത്തില്ലായെന്നത് വസ്തുതയാണ്. പക്ഷെ കോൺഗ്രസിന് ഒരു ധാർമിക മുല്യമുണ്ട്. ജനങ്ങൾ കോൺഗ്രസിൽ നിന്ന് ചില കാര്യങ്ങൾ പ്രതീക്ഷിക്കുന്നുണ്ട്"- രമേശ് ചെന്നിത്തല പറഞ്ഞു.

Also Read:രാഷ്ട്രത്തിന് വേണ്ടി എന്തെങ്കിലും ചെയ്യേണ്ടത് കടമ; പാർട്ടിയ്ക്കും സർക്കാരിനുമിടയിലെ വിഷയങ്ങളെപ്പറ്റി അറിയില്ല: ശശി തരൂർ

സമാന ആരോപണം സിപിഎമ്മിലെ മുകേഷ് എംഎൽഎയ്ക്കെതിരെ ഉണ്ടായപ്പോൾ അവർ നടപടിയെടുക്കാത്തത് ജനങ്ങൾ വിലയിരുത്തട്ടേയെന്നും രമേശ് ചെന്നിത്തല പറഞ്ഞു. സിപിഎമ്മിനേക്കാൾ അധികം ചില ധാർമിക മൂല്യങ്ങൾ ജനങ്ങൾ കോൺഗ്രസിൽ നിന്ന് പ്രതീക്ഷിക്കുന്നുണ്ട്. രാഹുലിനെതിരെ നടപടിയെടുത്തില്ലായിരുന്നെങ്കിൽ അത് പ്രശ്നമാകുമായിരുന്നെന്നും രമേശ് ചെന്നിത്തല പറഞ്ഞു.

റീൽസ് രാഷ്ട്രീയം കാലഘട്ടത്തിന്റെ ആവശ്യമാണെന്നും എന്നാൽ അത് മറ്റുള്ളവരെ മോശമായി ചിത്രീകരിക്കാൻ ആവരതുതെന്നും രമേശ് ചെന്നിത്തല പറഞ്ഞു. നിലമ്പൂർ ഉപതിരഞ്ഞെടുപ്പിൽ റീൽസ് രാഷ്ട്രീയം ഏറെ ചർച്ചയായ സാഹചര്യത്തിലാണ് ചെന്നിത്തല നിലപാട് വ്യക്തമാക്കിയത്. നിലമ്പൂരിലെ യുഡിഎഫിന്റെ വിജയം കൂട്ടായ്മയുടെ വിജയമാണെന്നും ചെന്നിത്തല പറഞ്ഞു.

Read More: ഭരണത്തിലെത്തുന്നത് മുഖ്യം, യുഡിഎഫിന്റെ മുഖ്യമന്ത്രിയെ ജനങ്ങൾ തീരുമാനിക്കും: രമേശ് ചെന്നിത്തല