കോൺഗ്രസിൽ ഇപ്പോൾ എത്ര ഗ്രൂപ്പുണ്ടെന്ന് ആർക്കും അറിയില്ല, അബിൻ വർക്കി അർഹൻ: രമേശ് ചെന്നിത്തല

Ramesh Chennithala in Varthamanam Podcast: കോൺഗ്രസിൽ ഇപ്പോൾ എത്ര ഗ്രൂപ്പുകളുണ്ടെന്ന് ആർക്കും അറിയില്ലെന്ന് മുതിർന്ന നേതാവും മുൻ പ്രതിപക്ഷ നേതാവുമായ രമേശ് ചെന്നിത്തല.ഇന്ത്യൻ എക്‌സ്പ്രസ് മലയാളം പോഡ്കാസ്റ്റ് പരിപാടി വർത്തമാനത്തിൽ സംസാരിക്കുകയായിരുന്നു അദ്ദേഹം. 

Also Read in English: Congress needs to present a united front, step up heat on unpopular LDF govt in Kerala, says Chennithala

"പണ്ട് പുനസംഘടനയെന്ന് കേൾക്കുമ്പോൾ രണ്ട് ഗ്രൂപ്പുകൾ എല്ലാം വീതം വെച്ചെന്നായിരുന്നു ആരോപണം. താനും ഉമ്മൻചാണ്ടിയും വീതം വെച്ചെന്ന് പലരും പറയുമായിരുന്നു. എന്നാൽ ഇപ്പോൾ എത്ര ഗ്രൂപ്പുണ്ടെന്ന് പോലും ആർക്കും അറിയില്ല"- രമേശ് ചെന്നിത്തല പറഞ്ഞു. മറ്റ് പാർട്ടികളിലെ പോലെ കോൺഗ്രസിൽ പുനസംഘടന എളുപ്പമല്ലെന്നും രമേശ് ചെന്നിത്തല പറഞ്ഞു.

Also Read:ഭരണത്തിലെത്തുന്നത് മുഖ്യം, യുഡിഎഫിന്റെ മുഖ്യമന്ത്രിയെ ജനങ്ങൾ തീരുമാനിക്കും: രമേശ് ചെന്നിത്തല

യൂത്ത് കോൺഗ്രസ് അധ്യക്ഷ സ്ഥാനത്തിന് അബിൻ വർക്കി അർഹനാണെന്നും ചെന്നിത്തവ പറഞ്ഞു. "175000-ത്തിലധികം വോട്ടുകൾ നേടിയ ആളാണ് അബിൻ വർക്കി. പ്രസിഡന്റ് ഒഴിയുമ്പോൾ സ്വഭാവികമായി വൈസ് പ്രസിഡന്റ് സ്ഥാനത്തുള്ള അബിൻ വർക്കിയ്ക്ക് അധ്യക്ഷ സ്ഥാനത്തിന് അർഹതയുണ്ട്. ഇക്കാര്യം ഹൈക്കമാൻഡിനെ അറിയിച്ചിട്ടുണ്ട്"- രമേശ് ചെന്നിത്തല പറഞ്ഞു.

Also Read:സിപിഎമ്മല്ല കോൺഗ്രസ്; രാഹുൽ മാങ്കൂട്ടത്തിലിനെതിരായ നടപടി അനിവാര്യം: രമേശ് ചെന്നിത്തല

വരുന്ന തിരഞ്ഞെടുപ്പിൽ ഭരണത്തിലെത്തുന്നതിനാണ് യുഡിഎഫ് പ്രഥമ പരിഗണന നൽകുന്നതെന്നും മുഖ്യമന്ത്രിയെ പിന്നീട് ജനങ്ങൾ തീരുമാനിക്കുമെന്ന ചെന്നിത്തല പറഞ്ഞു. "നിലവിലെ എൽഡിഎഫ് സർക്കാരിനെതിരെ ജനവികാരം ശക്തമാണ്. യുഡിഎഫിന് അനുകൂലമായ സാഹചര്യമാണ് നിലവിലുള്ളത്. ജനങ്ങൾക്ക് യുഡിഎഫിൽ വിശ്വാസമുണ്ട്. മുഖ്യമന്ത്രി ആരെന്ന് ചോദ്യത്തിന് ഇപ്പോൾ പ്രസ്‌ക്തിയില്ല. മുഖ്യമന്ത്രിയെ തീരുമാനിക്കുന്നതിന് കോൺഗ്രസിനുള്ളിൽ ഒരു കീഴ്വഴക്കമുണ്ട്. അതനുസരിച്ച് മുന്നോട്ടുപോകും. മുഖ്യമന്ത്രി ആരാകണമെന്നതിൽ അന്തിമ തീരുമാനം ഹൈക്കമാൻഡ് സ്വീകരിക്കും." -രമേശ് ചെന്നത്തില പറഞ്ഞു. 

കോൺഗ്രസിന് ഒരു മുഖ്യമന്ത്രി സ്ഥാനാർഥി ഇല്ലേയെന്ന് ചോദ്യം സ്വഭാവികമായി ഉയരും. പക്ഷെ, ജനങ്ങൾക്ക് യുഡിഎഫിൽ വിശ്വാസമുണ്ട്. ശരിയാ തീരുമാനം കോൺഗ്രസ് എടുക്കുമെന്ന് ജനങ്ങൾക്കറിയാമെന്നും രമേശ് ചെന്നിത്തല പറഞ്ഞു.

Read More:പച്ചവെള്ളത്തിന് തീപിടിക്കുന്ന വർഗീയത കേരളത്തിലുണ്ട്; വിഡി സതീശൻ