നിപ: മലപ്പുറത്ത് 10 പേരുടെ സ്രവ പരിശോധനാഫലം കൂടി നെഗറ്റീവ്, സംസ്ഥാനത്തിന് ആശ്വാസം

മലപ്പുറം: നിപയിൽ വീണ്ടും സംസ്ഥാനത്തിന് ആശ്വാസം. മലപ്പുറത്ത് മരിച്ച യുവാവുമായി അടുത്ത സമ്പർക്ക പട്ടികയിൽ ഉണ്ടായിരുന്ന 10 പേരുടെ സ്രവ പരിശോധനാഫലം കൂടി നെഗറ്റീവ്. 26 പേരുടെ പരിശോധന ഫലം നെഗറ്റീവ് ആയി. പുതിയതായി 11 പേരെ കൂടി സമ്പർക്ക പട്ടികയിൽ ഉൾപ്പെടുത്തി. ഇതോടെ സമ്പർക്ക പട്ടികയിൽ 266 പേരായി.

പനിബാധിതരെ കണ്ടെത്താന്‍ ആരോഗ്യവകുപ്പിന്റെ നേതൃത്വത്തിൽ സംഘടിപ്പിച്ച മാസ് സർവ്വേയും പൂർത്തിയായിട്ടുണ്ട്. യുവാവ് മരിച്ച സാഹചര്യത്തിലാണ് ആരോഗ്യവകുപ്പിന്റെ നേതൃത്വത്തിൽ ആശ, അങ്കണവാടി വർക്കർമാർ, ഹരിത കർമ്മ സേനാംഗങ്ങൾ, കുടുംബശ്രീ പ്രവർത്തകർ, സന്നദ്ധ പ്രവർത്തകർ, ജനപ്രതിനിധികൾ അടങ്ങുന്ന സംഘം സർവ്വേ തുടങ്ങിയത്.

വണ്ടൂർ പഞ്ചായത്തിലെ നടുവത്ത് സ്വദേശിയും ബെംഗുളുരുവിൽ വിദ്യാർഥിയുമായ 23കാരനാണ് പെരിന്തൽമണ്ണ സ്വകാര്യ ആശുപത്രിയിൽ വെച്ച് മരിച്ചത്. 

Read More

• അർജുനായുള്ള തിരച്ചിൽ, ഡ്രഡ്ജര്‍ ഇന്ന് ഷിരൂരില്‍
• നതോന്നതയുടെ താളത്തിൽ തുഴയേറ്;ആറന്മുളയിൽ കോയിപ്രവും കോറ്റാത്തൂർ-കൈതക്കൊടിയും ജേതാക്കൾ
• സംസ്ഥാനത്ത് എം പോക്‌സ് സ്ഥിരീകരിച്ചു
• ഓണക്കുടിയിലും റെക്കോർഡ്; വിറ്റത് 818 കോടിയുടെ മദ്യം