ഷെറിൻ മർദിച്ച നൈജീരിയൻ സ്വദേശിനിയെ ജയിൽ മാറ്റി

കണ്ണൂർ: കാരണവര്‍ വധക്കേസ് പ്രതി ഷെറിന്റെ മര്‍ദനത്തിരയായ തടവുകാരിയെ ജയില്‍ മാറ്റി. കണ്ണൂര്‍ വനിതാ ജയിലില്‍ മര്‍ദ്ദനനത്തിരയായ നൈജീരിയന്‍ പൗര ജൂലിയെ തിരുവനന്തപുരം വനിതാ ജയിലിലേക്കാണ് മാറ്റിയത്. സഹതടവുകാരിയെ അക്രമിച്ചതിന് ഷെറിനെ ഒന്നാം പ്രതിയാക്കി പൊലീസ് കേസെടുത്തിരുന്നു.

ഭാസ്‌കര കാരണവര്‍ വധക്കേസില്‍ ശിക്ഷ അനുഭവിക്കുന്ന ഷെറിന്‍കണ്ണൂര്‍ വനിതാ ജയിലിലാണ് കഴിയുന്നത്. കഴിഞ്ഞ തിങ്കളാഴ്ചയാണ് കേസിനാസ്പദമായ സംഭവം. നൈജീരിയന്‍ പൗരയായ തടവുകാരി കുടിവെള്ളം എടുക്കാന്‍ പോയപ്പോള്‍ഷെറിനും മറ്റൊരു തടവുകാരിയായ ഷബ്‌നയും ചേര്‍ന്ന് മര്‍ദ്ദിക്കുകയും ചീത്ത വിളിക്കുകയും ചെയ്തുവെന്നാണ് കേസ്. മര്‍ദ്ദനമേറ്റ തടവുകാരിയുടെ മൊഴി രേഖപ്പെടുത്തിയതിന് പിന്നാലെ കണ്ണൂര്‍ ടൗണ്‍ പൊലീസ് എഫ്‌ഐആര്‍ രജിസ്റ്റര്‍ ചെയ്തു.

ഷെറിന് ശിക്ഷാ ഇളവ് നല്‍കാന്‍അസാധാരണ വേഗത്തില്‍ സര്‍ക്കാര്‍ തീരുമാനമെടുത്തത് വിവാദമായിരുന്നു. ജയിലിലെ നല്ലനടപ്പും മാനസാന്തരവും നിയമപരമായ അര്‍ഹതയും പരിഗണിച്ചാണ്ജയില്‍ മോചനത്തിന് ശുപാര്‍ശ നല്‍കിയതെന്ന് ജയില്‍ ഉപദേശക സമിതി അംഗം തന്നെ ന്യായീകരിക്കുകയും ചെയ്തിരുന്നു. മന്ത്രിസഭാ ശുപാര്‍ശ ഗവര്‍ണറുടെ പരിഗണനയിലാണ്.ഷെറിന്, ശിക്ഷ കാലയളവിലും മോചന ശിപാര്‍ശയിലും രാഷ്ട്രീയ ഉന്നതരുടെ സഹായം കിട്ടിയെന്നാണ് ആരോപണം. ഇതിനിടെയാണ് പുതിയ കേസ്.

ഷെറിന് ശിക്ഷായിളവ് നൽകാനുള്ള സർക്കാർ തീരുമാനത്തിനെതിരെ വ്യാപക പ്രതിഷേധം ഉയർന്നിരുന്നു.  ജയിലിൽ നല്ലനടപ്പുകാരിയെന്നാണു ജയിൽ സൂപ്രണ്ട് ഷെറിന് അനുകൂലമായി റിപ്പോർട്ട് നൽകിയത്. ആ ഷെറിനാണ് ഇപ്പോൾ സഹതടവുകാരിയെ മർദിച്ചത്. ഷെറിനെ മുൻപു രണ്ടു ജയിലുകളിൽനിന്നു മാറ്റിയതു ജീവനക്കാരുടെയും സഹതടവുകാരുടെയും പരാതിയെ തുടർന്നായിരുന്നു. ആദ്യം അട്ടക്കുളങ്ങര വനിതാ ജയിലിലായിരുന്ന ഷെറിനെ പിന്നീട് വിയ്യൂർ സെൻട്രൽ ജയിലിലേക്ക് മാറ്റുകയായിരുന്നു. അവിടെയും പ്രശ്നം ഉണ്ടാക്കിയതിനെ തുടർന്നാണ് കണ്ണൂർ വനിതാ ജയിലിലേക്ക് മാറ്റിയത്. 

നേരത്തെ, ഷെറിനെ ജയിലിൽ നിന്ന് പുറത്തിറക്കാൻ മന്ത്രിസഭയിലെ ഏത് ഉന്നതനാണ് ഇടപെട്ടതെന്ന് മുഖ്യമന്ത്രി വ്യക്തമാക്കണമെന്നും മുൻ പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു.അതേസമയം, ഷെറിന്റെ മോചനം തടയണമെന്നാവശ്യപ്പെട്ട് ഭാസ്‌കര കാരണവരുടെ ബന്ധുക്കളും ഗവർണറെ സമീപിച്ചേക്കും. അഭിഭാഷകനുമായി ആലോചിച്ച് തുടർ നടപടിയെന്നാണ് ബന്ധുക്കളുടെ പ്രതികരണം. 

Read More

• ഷെറിനെതിരായ പുതിയ കേസ്; നൈജീരിയൻ തടവുകാരിയെ മർദ്ദിച്ചെന്ന് പരാതിയിൽ
• സഹതടവുകാരിയെ മർദ്ദിച്ചു; ഷെറിനെതിരെ വീണ്ടും കേസ്
• കെപിസിസി നേതൃമാറ്റം; കെ സുധാകരന് പിന്തുണയുമായി നേതാക്കൾ
• യുഡിഎഫ് നേതൃയോഗം ഇന്ന്; ശശി തരൂർ വിഷയം ചർച്ചയായേക്കും
• Shashi Tharoor Podcast:"ഞാൻ മോഹൻ ഭാഗവതിനോട് പറഞ്ഞു, ‘സർ, ഇത് എന്റെ ഹിന്ദു മതമല്ല.’ അദ്ദേഹം പറഞ്ഞു, ‘എന്റേതും അല്ല’: ശശി തരൂർ