എൻസിപിയിൽ മന്ത്രിമാറ്റം; എ.കെ ശശീന്ദ്രനു പകരം തോമസ് കെ. തോമസ് മന്ത്രിസഭയിലേക്ക്?

തിരുവനന്തപുരം: എൻസിപിയിൽ മന്ത്രി മാറ്റമുണ്ടായേക്കുമെന്ന് സൂചന. എ.​കെ ശശീന്ദ്രൻ മന്ത്രി സ്ഥാനം ഒഴിയാൻ സന്നദ്ധത അറിയിച്ചതായാണ് റിപ്പോർട്ട്. പാര്‍ട്ടി അധ്യക്ഷന്‍ ശരദ് പവാറിന്റെ നേതൃത്വത്തിൽ നടന്ന കൂടിക്കാഴ്ചയിലാണ് സൂപ്രധാന തീരുമാനമെന്നാണ് വിവരം.

കുട്ടനാട് എംഎൽഎ തോമസ് കെ. തോമസ്, ശശീന്ദ്രനു പകരക്കാരനാകും. മന്ത്രിമാറ്റം മുഖ്യമന്ത്രിയെയും ഇടതുമുന്നണിയെയും അറിയിച്ച ശേഷം ഒരാഴ്ചയക്കകം ഔദ്യോഗിക പ്രഖ്യാപനം ഉണ്ടാകും. 

മന്ത്രിസ്ഥാനത്തു നിന്ന് മാറണമെന്ന പാർട്ടി ആവശ്യം ശശീന്ദ്രൻ ആദ്യം അംഗീകരിച്ചിരുന്നില്ല. സ്ഥാനത്തു നിന്ന് നീക്കിയാൽ എംഎൽഎ സ്ഥാനം രാജിവയ്ക്കുമെന്ന് അടക്കം നലപാട് കടുപ്പിച്ചിരുന്നു. ഇതിനു പിന്നാലെ മന്ത്രിസ്ഥാനം ഒഴിയുന്നതിനെതിരെ മുഖ്യമന്ത്രിയുമായും ശശീന്ദ്രൻ കൂടിക്കാഴ്ച നടത്തിയിരുന്നു. എന്നാൽ വിഷയത്തിൽ ഇടപെടാനാകില്ലെന്നാണ് മുഖ്യമന്ത്രി നിലപാട് സ്വീകരിച്ചത്.

അതേസമയം, തോമസ് കെ. തോമസിനെ ഒരു വര്‍ഷത്തേക്കെങ്കിലും മന്ത്രി പദവിയില്‍ നിര്‍ത്തണമെന്നാണ് എൻസിപിയിലെ പല നേതാക്കളുടെയും ആവശ്യം. രണ്ടാം പിണറായി സർക്കാർ അധികാരത്തിലെത്തിയപ്പോൾ തന്നെ മന്ത്രിയാക്കണമെന്ന ആവശ്യവുമായി കുട്ടനാട് എംഎൽഎ തോമസ് കെ.തോമസ് രംഗത്തെത്തിയിരുന്നു, എന്നാൽ പാർട്ടി തയ്യാറായില്ല.

രണ്ടര വർഷം കഴിഞ്ഞ് മന്ത്രിസ്ഥാനം കൈമാറാമെന്ന വ്യവസ്ഥ മുന്നോട്ടുവച്ചെങ്കിലും എ.കെ.ശശീന്ദ്രൻ തയ്യാറായിരുന്നില്ല. എന്നാൽ, ഇപ്പോൾ പാർട്ടി നേതാക്കളിൽ പലരും ശശീന്ദ്രൻ മന്ത്രിസ്ഥാനത്തുനിന്നും മാറിനിൽക്കണമെന്നാണ് ആവശ്യപ്പെടുന്നത്. 

Read More

• ശ്രുതി ആശുപത്രി വിട്ടു, ഇനി മുണ്ടേരിയിലെ വീട്ടിൽ വിശ്രമം
• ഭക്ഷ്യ സുരക്ഷ; വീണ്ടും കേരളം ഒന്നാമത്
• പൂരം കലക്കിയതെന്ന് സുനിൽ കുമാർ; അന്വേഷണം വേഗത്തിലാക്കണമെന്ന് സുരേഷ് ഗോപി
• പൾസർ സുനി പുറത്തേക്ക്; കർശന വ്യവസ്ഥകളോട് ജാമ്യം
• ഷിരൂരിൽ അർജുനായി തിരച്ചിൽ ഇന്ന് പുനരാരംഭിക്കും
• എഡിജിപി എംആർ അജിത് കുമാർ, എസ്പി സുജിത് ദാസ് എന്നിവർക്കെതിരെ വിജിലൻസ് അന്വേഷണം