Kerala Rain: കാലവർഷം; ജൂൺ ആദ്യവാരത്തിൽ ദുർബലം, മഴയിൽ 62 ശതമാനം കുറവ്

Kerala Rains Updates: കൊച്ചി: സംസ്ഥാനത്ത് കാലവർഷം രണ്ടാഴ്ച പിന്നിടുമ്പോൾ ജൂൺ ആദ്യവാരത്തിൽ സംസ്ഥാനത്ത് ലഭിക്കേണ്ട മഴയിൽ കുറവ്. പതിവിൽ നിന്ന് വ്യത്യസ്തമായി കാലവർഷം ഇക്കുറി നേരത്തെയാണ് കേരളത്തിൽ എത്തിയത്. 16 വർഷങ്ങൾക്ക് ശേഷം ആദ്യമായാണ് ഇക്കുറി മേയിൽ കാലവർഷം എത്തിയത്. 

Also Read:കാലവർഷം കേരളത്തിൽ; നേരത്തെ എത്തുന്നത് 16 വർഷങ്ങൾക്ക് ശേഷം

മേയ് 24-നാണ് ഇക്കുറി കാലവർഷം എത്തിയത്. മേയ് 24 മുതൽ 31 വരെയുള്ള ഏഴ് ദിവസങ്ങളിൽ സംസ്ഥാനത്ത് ശക്തമായ മഴയാണ് രേഖപ്പെടുത്തിയത്. ഈ ദിവസങ്ങളിൽ സംസ്ഥാനത്ത് 440.5 ശതമാനം മഴയാണ് സംസ്ഥാനത്ത് ലഭിച്ചത്. എന്നാൽ പിന്നീടുള്ള വാരത്തിൽ കാലവർഷം ദുർബലമായതാണ് സംസ്ഥാനത്ത് മഴയിൽ കുറവുണ്ടായതിന് കാരണം.

ജൂൺ ആദ്യം ലഭിച്ചത് 46 മില്ലിമീറ്റർ മഴ

ജൂൺ ഒന്ന് മുതൽ ഏഴ് വരെയുള്ള തീയതികളിൽ സംസ്ഥാനത്ത ലഭിച്ചത് 46 മില്ലിമീറ്റർ മഴയാണ്. ഈ ആഴ്ചയിൽ സംസ്ഥാനത്ത് ലഭിക്കേണ്ടത് 120 മില്ലിമീറ്റർ മഴയാണ്. സംസ്ഥാനത്ത ലഭിക്കേണ്ട മഴയിൽ ഈ ആഴ്ച 62 ശതമാനം കുറവാണ് രേഖപ്പെടുത്തിയത്. ആലപ്പുഴ, കാസർകോട് ഒഴികെയുള്ള ജില്ലകളിൽ 50-ശതമാനത്തിൽ കുറവ് മഴയാണ് ലഭിച്ചത്. ആലപ്പുഴയിൽ 102 മില്ലി മീറ്റർ മഴയും കാസർകോട് 96 മില്ലി മീറ്റർ മഴയുമാണ് ഇക്കാലയളിൽ ലഭിച്ചത്.

Also Read: അൻവർ യൂദാസ് തന്നെ; യുഡിഎഫിലേക്ക് പോകാനാണ് എൽ.ഡി.എഫിനെ ഒറ്റിയത്: എം.വി.ഗോവിന്ദൻ

കഴിഞ്ഞ കുറച്ചുനാളുകളായി ജൂൺ ആദ്യവർഷത്തിൽ പൊതുവേ മഴ കുറവാണെന്ന് കാലാവസ്ഥ വിദഗ്ധർ ചൂണ്ടിക്കാട്ടി. സംസ്ഥാത്ത് ജൂൺ ആദ്യവാരത്തിൽ ഏറ്റവും കൂടുതൽ മഴ ലഭിച്ചത് 2020-ലാണ്. 155 മില്ലി മീറ്റർ മഴയാണ് 2020-ൽ സംസ്ഥാനത്ത് ലഭിച്ചത്. അന്ന് ഏറ്റവുമധികം മഴ ലഭിച്ചത് കോഴിക്കോട് ജില്ലയിലാണ്. 420 മില്ലി മീറ്റർ മഴയാണ് 2020-ൽ കോഴിക്കോട് ജില്ലയിൽ ലഭിച്ചത്. പാലക്കാട് ജില്ലയിലാണ് അന്ന് ഏറ്റവും കുറവ് മഴ ലഭിച്ചത്. 52 മില്ലി മീറ്റർ മഴയാണ് അന്ന് ലഭിച്ചത്. 

Also Read: ഇതുവരെ 10 വിവാഹങ്ങൾ; അടുത്തതിന് ഒരുങ്ങവേ പിടിയിൽ, വിവാഹത്തട്ടിപ്പിൽ യുവതി അറസ്റ്റിൽ

സംസ്ഥാനത്ത ജൂൺ ആദ്യവാരത്തിൽ ഏറ്റവും കുറവ് മഴ ലഭിച്ചത് 2023-ലാണ്. അക്കൊല്ലം 40 മില്ലി മീറ്റർ മഴയാണ് സംസ്ഥാനത്ത് ലഭിച്ചത്. അക്കൊല്ലം പത്തനംതിട്ട ജില്ലയിലാണ് ഏറ്റവും കൂടുതൽ മഴ ലഭിച്ചത്. കുറവ് മഴ പാലക്കാട് ജില്ലയിലും. 

വരും ദിവസങ്ങളിൽ കാലവർഷം ശക്തമാകും

ജൂൺ ആദ്യവാരത്തിൽ ദുർബലമായ കാലവർഷം രണ്ടാമത്തെ ആഴ്ചയോടെ ശക്തമാകുമെന്ന് സംസ്ഥാന ദുരന്തനിവാരണ വിഭാഗത്തിലെ കാലാവസ്ഥ വിദഗ്ധൻ രാജീവൻ എരിക്കുളം പറഞ്ഞു. നിലവിൽ സംസ്ഥാനത്ത് വെയിൽ തുടരും. ജൂൺ പത്തോടെ സംസ്ഥാനത്ത് കാലവർഷം വീണ്ടും ശക്തമാകും- രാജീവൻ എരിക്കുളം പറഞ്ഞു. 

സംസ്ഥാനത്ത് കഴിഞ്ഞ കുറേ വർഷങ്ങളായി പൊതുവേ ജൂൺ, ജൂലൈ മാസങ്ങളേക്കാൾ കാലവർഷത്തിൽ അധിക മഴ ലഭിക്കുന്നത് ഓഗസ്റ്റ്, സെപ്റ്റംബർ മാസങ്ങളിലാണ്. 2018-ൽ മഹാപ്രളയം ഉണ്ടായതും ഓഗസ്റ്റിലാണ്. 

Read More

തട്ടികൊണ്ടുപോകൽ; നടൻ ജി. കൃഷ്ണകുമാറിനും മകൾക്കുമെതിരെ കേസെടുത്ത് പോലീസ്