Kerala Rain: നൂറ് ദിവസം പിന്നിട്ട് കാലവർഷം; കൂടുതൽ മഴ കാസർകോട്, കുറവ് കൊല്ലത്ത്

Kerala Rains Updates: കൊച്ചി: സംസ്ഥാനത്ത് കാലവർഷം നൂറ് ദിവസം പിന്നിടുമ്പോൾ ഈ സീസണിൽ ഏറ്റവുമധികം മഴ ലഭിച്ചത് മലബാറിൽ. മേയ് 24 മുതൽ ഓഗസ്റ്റ് 31 വരെയുള്ള കണക്കുകൾ പ്രകാരം ഏറ്റവുമധികം മഴ ലഭിച്ചത് കാസർകോട് ജില്ലയിലാണ്. 3702.3 മില്ലി മീറ്റർ മഴയാണ് കാസർകോട് ലഭിച്ചത്. തൊട്ടുപിന്നിൽ കണ്ണൂരാണ്. നൂറ് ദിവസത്തിനിടെ 3635.4 മില്ലി മീറ്റർ മഴ കണ്ണൂരിൽ ലഭിച്ചപ്പോൾ കോഴിക്കോട് 3036.6 മില്ലിമീറ്റർ മഴ ലഭിച്ചു. 

Also Read:സംസ്ഥാനത്ത് ഇന്ന് ശക്തമായ മഴ; ആറിടത്ത് യെല്ലോ അലർട്ട്

തെക്കൻ ജില്ലകളിൽ കാലം വർഷം തുടങ്ങി നൂറ് ദിവസം പിന്നിടുമ്പോൾ മഴയിൽ കുറവ് രേഖപ്പെടുത്തി. സംസ്ഥാനത്ത് തന്നെ ഏറ്റവും കുറവ് മഴ ലഭിച്ചത് കൊല്ലത്താണ്. 1353.3 മില്ലി മീറ്റർ മഴ കൊല്ലത്ത്് ലഭിച്ചപ്പോൾ തിരുവനന്തപുരത്ത് 1414.3 മില്ലി മീറ്റർ മഴ ഇക്കാലയളിൽ ലഭിച്ചു. സംസ്ഥാനത്ത് മൊത്തം കാലവർഷം തുടങ്ങി നൂറ് ദിവസം പിന്നിടുമ്പോൾ 2414.1 മില്ലി മീറ്റർ മഴയാണ് ലഭിച്ചത്. 

Also Read:റൂട്ട് മാറ്റി കാലവർഷം; ഓഗസ്റ്റിൽ ഏറ്റവുമധികം മഴ എറണാകുളത്ത്

കാലവർഷം നൂറ് ദിവസം പിന്നിടുമ്പോൾ കാസർകോട് ജില്ലയിൽ 93 ദിവസവും ഒരു മില്ലിമീറ്ററിന് മുകളിൽ മഴ ലഭിച്ചു. ആലപ്പുഴ, എറണാകുളം, തൃശൂർ ജില്ലകളിൽ 91 ദിവസം മഴ ലഭിച്ചിരുന്നെങ്കിലും മലബാറിൽ ലഭിച്ച അളവിൽ മഴ കിട്ടിയില്ല. കോഴിക്കോട്, കണ്ണൂർ ജില്ലകളിൽ 90 ദിവസം മഴ ലഭിച്ചു. കൊല്ലത്ത് 83 ദിവസം മഴ ലഭിച്ചപ്പോൾ തിരുവനന്തപുരത്ത് 76 ദിവസവും ലഭിച്ചു. 

അതേസമയം, ഓഗസ്റ്റിൽ സംസ്ഥാനത്ത് ഇക്കൊല്ലം 355.8 മില്ലി മീറ്റർ മഴയാണ് ലഭിച്ചത്. കഴിഞ്ഞ വർഷം 310.7 മില്ലി മീറ്റർ മഴയാണ് ലഭിച്ചത്. ഓഗസ്റ്റിൽ കഴിഞ്ഞ കാലങ്ങളിൽ സംസ്ഥാനത്ത് ഏറ്റവുമധികം മഴ ലഭിച്ചത് 2019-ലാണ്. അക്കൊല്ലം 951. മില്ലി മീറ്റർ മഴയാണ് ലഭിച്ചത്. 2018-ൽ 820.7 മില്ലി മീറ്റർ മഴയും ലഭിച്ചിരുന്നു. 

Also Read:കാലവർഷം ഒരു മാസം പിന്നിടുമ്പോൾ സംസ്ഥാനത്ത് 53 ശതമാനം അധിക മഴ

അതേസമയം, സംസ്ഥാനത്ത് ഓണക്കാലത്ത് തീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. വ്യാഴാഴ്ച മൂന്ന് ജില്ലകളിൽ തീവ്രമഴയ്ക്കും മറ്റ് മൂന്ന് ജില്ലകളിൽ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. വെള്ളിയാഴ്ചയും വിവിധ ജില്ലകളിൽ ശക്തമായ മഴ തുടരുമെന്നാണ് മുന്നറിയിപ്പ്.

വയനാട്, കണ്ണൂർ, കാസർകോട് ജില്ലകളിലാണ് തീവ്രമഴ മുന്നറിയിപ്പ്. തൃശൂർ, കോഴിക്കോട്, മലപ്പുറം ജില്ലകളിൽ ശക്തമായ മഴ കണക്കിലെടുത്ത് യെല്ലോ അലർട്ട് പ്രഖ്യാപിച്ചു. വ്യാഴാഴ്ച കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചു. ന്യൂനമർദ്ദത്തിന്റെ സ്വാധീന ഫലമായാണ് സംസ്ഥാനത്ത് ഓണനാളുകളിൽ മഴ ശക്തമാകുന്നത്.

Read More: ആഗോള അയ്യപ്പ സംഗമം; സർക്കാരിനോടും ദേവസ്വം ബോർഡിനോടും ചോദ്യങ്ങളുമായി ഹൈക്കോടതി